榮樂茶餐廳

营业中

休息中

今日(30-1-2016 Sat)同老公行去禾輋辦年貨,已經兩點幾,要食晏,中途經過瀝源邨,我o地試上次因人多冇位而食唔到o既呢間.o黎到,室外有位,室內就o岩o岩冇乜枱,好彩有對坐卡位,走o黎走o既熟客母子,讓一邊俾我o地坐住等.由於我又唔係好餓,所以我要$22.00o既奶油多士餐,飲熱奶茶.老公要$30.00o既午餐,有牛油餐包,火腿奄列,叉燒湯意,因冇晒牛肉同叉燒,所以老公就要五香肉丁公仔麵,加$2.00要凍檸水.好快,兩杯o野飲到o黎,然後係我件奶油多,之後到老公o既牛油餐包同火腿奄列,影好就食得.我o既熱奶茶奶味偏重同夠滑;之後食老公o既牛油餐包,牛油餐包甜甜地,牛油唔太多; 奶油多亦見到錬奶同牛油都唔多,食落,多士多冰冰但仍脆,唔多o既錬奶同牛油令甜度o岩o岩好.然後又食老公o既五香肉丁公仔麵, 五香肉丁唔多,味道辣o左啲,呢排我熱氣,唔食咁多喇,食兩啖俾返老公食.最後食火腿奄列, 火腿奄列冇過火,都o岩o岩好o既.服務:個個都好有禮貌o既.抵食係2.8分

十一國慶，我和老公走入沙田逛一逛，估不到所光顧的榮樂茶餐廳的食物那麼味美，帶給我們驚喜‧我們點了午餐，感覺味道如下： 煎蛋及牛油餐飽：蛋煎得幾好，而餐飽的味道卻出乎意料地好，內軟外香，有足夠的牛油在內，而飽面又有蜜糖的甜味，這種久違的味道，令我們十分之欣賞!!!义燒湯意：以為义燒是一般貨色，誰知吃下卻感到味道很香及很淋，很不錯!至於意粉及湯底都ok‧熱奶茶：十分之有茶味及奶味，很香，very good!!! 雖然這間店舖只是屋邨茶餐廳，但是食物的水準真的要比外間的連鎖大集團要好，我和老公必會再來光顧‧