点心代表 (已結業)

【吃貨妹妹食什麼】#点心代表今日帶了吃貨曦曦去到尖沙嘴的点心代表，今期的主題是百變小櫻🥰雖然妹妹並不是好知道咩是百變小櫻，但是是我的童年回憶🥰以下是妹妹點的美食（看圖點菜🤤）🧒🏻 #基路仔流沙包（妹妹一見到基路仔就即刻話要🥰）以為會有流沙效果啦，點知是無嘅，而且妹妹咬勁耐都咬唔流沙🙈之後發現裏面嘅「沙」其實好少😑味道一般🧒🏻 #好友蒸腸粉（妹妹推薦👍）五個《百變小櫻》人物做成蝦腸，蝦幾大隻，妹妹就好鍾意食🥰打卡專用🧒🏻 #基路仔西多士（又是妹妹點的，不過食咗一啖就唔食🤭）Er......不是一般的西多士🙈味道有點....怪。而那塊基路仔好甜，甜到食唔到🙈🙈不過可能都是為打卡而去，打下卡呃Like是不錯的❤️如果問是不是好好食就.....見仁見智啦

近期食得太多西餐，想食下中式，就約左朋友去 The One 點心代表試下。前一日打去 book 位（因為我唔鍾意等），但職員話唔使 book, walk in ok， 咁今日一去到，又真係冇咩人，可能唔係星期五六日。一坐低，第一時間睇 menu，因為我好肚餓，但一睇，都唔平 wo 不過唔緊要啦，好食就 ok 啦。叫個飯頂頂肚先，因為我真係好肚餓，個菠蘿飯好多菠蘿，但如果係炒飯會更好！帶子蝦餃，個皮有「咬口」，但個餡 ok 我至愛叉燒包，仲要係雪山，我食左兩個，好味 驚死唔飽，仲叫個飯，點知飽到呢 總括來說都 ok, 但價錢就貴左 D 啦

星期五諗住出尖沙咀行下街食下野但尖沙咀咁多選擇 都唔知食乜好咁岩又想食啲冇咁熱氣 清淡啲既野記得之前睇過有間點心係有公仔做主題既就即刻上網search下 見到仲做梗蠟筆小新既公仔見幾得意又有啲興趣去食下 所以就揀左呢間打去諗住book位 但原來係冇得book既 只可以walk in 但都問左店員5點幾6點左右會唔會好多人 店員都話唔會一去到已經見到差唔多full晒 佢啲枱都唔太多 咁岩得返張高枱 咁店員就問我地坐高枱好唔好 我地就冇乜所謂既 咁就可以即時入座 唔洗等位一入到去當然影下相先 再睇menu揀野食我地揀左個大象既朱古力流沙包 蛋蛋燒賣 黑魚子燒賣 熱帶雨林菠蘿飯 鳳爪排骨飯 仲叫左一杯小新桃味特飲我地tick完晒啲點心之後 就交俾店員 咁我地覺得有啲奇怪 點解枱面有茶杯 但冇茶俾我地飲 我地交張點心紙個陣順便問下店員 點知原來茶都要tick架 仲要飲唔飲都收錢 $10蚊一個人 即係2個人去就收$20蚊 但如果有叫野飲就會扣返 咁我地就揀左普洱但張單就唔知點解打左我地要烏龍茶等左陣 啲野食好快就到 但啲茶都未到 咁就順便同店員講聲未到 同埋打錯左 講返啲野食先 大象朱古力流沙包

早幾日喺網上睇到介紹呢間「點心代表」今期係本人其中一個最鍾意嘅卡通人物蠟筆小新做主題，所以今晚我們特意去咗他們尖沙咀The One店食晚飯！一去到就見到店內貼滿可愛嘅小新！由於店舖喺室內嘅坐位已爆滿，所以我們被安排坐出去戶外平台花園位置！我們叫咗小新&小白松子百合餃嘅松子令到口感更加豐富！小新&Friends牛奶流沙包嘅包質好香滑鬆軟，牛奶嘅味道好香甜，而且相當流沙！蛋蛋蝦餃好大粒飽滿，大約有3-4粒，蝦肉好爽甜彈牙，餃皮亦好煙煙韌韌！蛋蛋煙肉五穀炒飯炒得好香口乾身，唔會有太多油，感覺都幾健康！白胡椒豬肚雲吞湯一上碟嗰陣已經閒到陣陣嘅胡椒芳香，湯底嘅味道好鮮味，雲吞皮好軟滑，蝦肉好爽甜彈牙！熱帶雨林菠蘿飯將啲菠蘿切成粒粒，撈埋入啲飯一齊炒，每啖都可以食到清甜嘅菠蘿，而且炒得好乾身！甜品：情人蛋撻嘅撻皮都幾酥化！小新椰皇燉奶非常滑溜，奶味相當香甜濃郁！特色飲品：西瓜特飲係原個西瓜上碟，可能係即開嘅關係，感覺好清甜！我們問咗店員話：所有點心食物上嘅公仔圖案都可以食用！