草民 (已結業)

呢間小店最signature就係可以坐喺個草地度飲咖啡食嘢，可惜知道佢即將要結業🥲都想分享吓佢哋精心製作嘅嘢食🥲今次lunch time嚟到，雖然lunch set選擇唔算多，但都揀到我鍾意食嘅嘢😆我叫咗香蒜雜菌黑豚火腿扁意粉 ($78)～呢個意粉係偏向乾身，唔係好creamy嗰款，但扁意粉個質地好有咬口，香蒜味亦都係超濃，黑豚火腿都有唔少👍🏻配搭起上嚟好好食😋最正係呢個set有得跟朱古力，仲要唔洗加錢，冇諗過咁好飲～上面有個佢哋經典嘅公仔，杯朱古力係好香濃，上面奶泡好綿密，相當有驚喜😌愈來愈多出色嘅小店消失，希望呢間草民都會捲土重來啦🥲

黑松露牛肝菌野🍄意大利飯：8 x ♥️炸🐟薯條配他他醬：8 x ♥️凍LATTE☕：8 x ♥️熱朱古力🍫：9 x ♥️3號風球加黑雨，上OpenRice搵食發現呢間小店評價不錯，於是上嚟試試。一點幾鐘，客人並不多，可以隨意挑選窗邊位置。午餐價錢唔貴，有沙律、意粉、risotto等等唔同嘅選擇，我哋點咗一份炸魚薯條同一份黑松露牛肝菌野菌risotto，大概10分鐘，炸魚薯條同risotto同時上枱，兩樣都睇得出係即叫即做，新鮮熱辣。個risotto好香好creamy，溫度、口感同味道都非常好。炸魚同薯條都炸得好香脆，唯一係炸魚個炸漿稍為厚咗些少，但都幾鬆脆而且唔太油膩，其實都幾好食。跟餐嘢飲叫咗一杯熱朱古力同一杯凍latte，兩樣嘅賣相都唔錯，而且亦都好好味。午餐價錢唔貴，咁嘅品質實在物有所值，一定會再嚟。

bookmark咗呢間好耐，終於weekend嚟呢度懶洋洋一下， 為的就是想坐一下“草地”做一日草民假日比較多人， 草地位一開始有客人佔據了，先坐下普通餐桌，點了食物，然後等到草地位的客人走了，我們便終於可以坐到草地了，就好像野餐一樣，坐得舒服又可以開懷聊天，很悠閒很寫意 前菜西班牙黑豚火腿青菜沙律($70)不過不失，反而更欣賞他們的鮮蝦汁蟹肉露筍扁意粉($168)，濃厚的醬汁帶鮮味，有豐富的蟹肉，滿有口感的扁意粉，配搭得很不錯黑松露牛肝菌野菌意大利飯($158)很香雜菌味，份量也很足， 不過略嫌乾身了一點在草地上聊天怎可沒有一杯飲品，我們一人一杯熱抹茶鮮奶($45)和熱朱古力($45)，誠意推薦抹茶鮮奶，聞落和飲落都有很香的抹茶味，鮮奶口感幼滑，熱朱古力正常發揮

係尖沙咀想搵間平價餐廳都真係有啲難度，如果你純粹係想平平地有個地方傾下計，就可以考慮呢間cafe。平日係冇預訂都唔需要等位，中午都會有啲lunch set可以選擇。明太子鮮蝦扁意粉 $78明太子鮮蝦扁意粉 $78個人較偏好扁意粉，而呢個意粉軟硬度適中，鮮蝦都幾爽口但就有少少雪味。意粉汁量偏多，但味道就稍為偏鹹，食多會感覺很口渴。午市套餐有附送一杯指定飲品，我就選擇了熱朱古力。比較驚喜嘅係會有埋拉花，可以用嚟影相打卡。

想同朋友找一間開揚、舒服的地方，傾下計，渡過一個悠游的下午，呢間就最適合不過，我們坐了5小時呢！Lunch set餐牌選擇中，小編最愛吃魚，加上健康糙米飯，非常吸引。跟餐的甜品是一片朱古力蛋糕，非常鬆軟，很濃郁的朱古力味。魚皮煎得香脆，米飯軟硬適中，份量對女孩子來說剛剛好。醬汁是用來配沙律的，小編卻傻下傻下把醬汁倒了在飯上，結果要把菜加飯這樣一起吃呢，哈哈。最後傾到口乾，叫了一杯餐飲，朋友說有點甜，本身想叫少甜，但不能走甜的，不過樣子太可愛，所以都點了一杯，小編又接受到這個甜度，剛剛好，畫上完美的句號。

同好朋友係尖咀行街,想搵間坐得舒服,可以慢慢Hea下嘅餐廳食下野草民Cafe一入門口左手邊有草地可以係個度野餐,真係好有大自然氣息,好悠閒嘅感覺.可惜當日啲檯都畀人book左...63度溫泉蛋卡邦尼意粉,個汁好creamy,將溫泉蛋同意粉拌勻後個汁更加香又夠濃意粉煮得啱啱好,有咬口又唔會太淋.單骨雞翼外脆內嫩,仲有少少辣,真係好好味熱朱古力好香又夠濃味,加上有草民嘅圖案,靚到唔捨得飲洋甘菊柚子蜜唔會太甜,又好香洋甘菊味爆脆草地滾球個賣相真係好吸引呀有得玩仲有得食外邊有綠茶金寶,朱古力脆米,扑爛朱古力,裡面就有甜酒啫喱,Movenpick芝士蛋糕雪糕