Goobne Chicken (V Point)

营业中

休息中

天氣冷冰冰，想食啲熱辣辣嘅嘢，見到附近有韓國最出名的炸雞店，就同屋企人上去試試。入到餐廳，竟然有無敵大海景，只可惜安排唔到坐海景位，但個feel到好開揚。餐廳仲要好識搞聖誕氣氛，每張櫈上面都套個聖誕帽，好得意。熱浪味 chipken(有骨) 炸雞一上枱，已經聞到好香嘅熱浪薯片味， 再望一眼，外皮炸到金黃，上面鋪左好多炸碎，應該係啲粟米片碎。成盤雞有10多件，外皮酥脆但絕對唔油膩，食落有少少辣，但佢嗰種辣度，唔食得辣嘅朋友仔都完全可以接受，味度好有層次，咸香﹑微辣﹑微甜共冶一爐，但又好夾。雞肉又juicy, 又嫩，老人家食都唔會覺得「鞋」，仲要配埋韓式酸蘿蔔，千島醬，食多兩件都唔膩。馬蘇里拉芝士球 入面的芝士可以拉好長嘅絲，外面金黃酥脆，又煙韌，仲好香奶味，真係睇得﹑玩得又食得芒果沙冰 芒果沙冰好足料，成座山咁高嘅沙冰，真係唔講得笑!最好嘅係仲有甜度可以選，我地揀左少甜，飲落仲清新，仲要有好香嘅芒果味添，一流吖!靚景美食，平時行街行到累，呢度真係中場休息嘅好地方。

講到韓式炸雞，Goobne以烤雞聞名，真係出名又受歡迎，仲會不定時推出新口味，今次就試下新推出嘅熱浪味烤雞。 熱浪味Chipken勁香熱浪味！入口有陣陣嘅辣椒味，加埋墨西哥風味嘅粟米脆片，增加香脆口感。烤雞肉質嫩滑多汁，連啖啖肉嘅雞胸都好好食。 馬蘇里拉芝士球即點即炸嘅芝士球，趁佢熱辣辣嘅時候品嘗，mozzarella cheese 拉絲效果滿滿。粉漿炸得脆口，內裡煙韌，配合埋芝士都唔會覺得飽滯。 蟹籽沙律醬芝士雞蛋卷呢個都係食韓國菜常點嘅菜色，而Goobne嘅雞蛋卷份量真係唔講得笑，而且烹調時間啱啱好，蛋味濃郁唔老。蟹籽提高鮮味，沙律菜亦提高清爽度。

週末看着海吃烤雞是常識吧！走到最優秀開飯韓國菜餐廳餐廳視野廣闊，有大半邊的落地大玻璃俯視銅鑼灣裝潢時尚，黑白幾何地磚配上磚牆和木製桌椅健康烤雞全部不見油炸，以焗爐烤焗，保留肉汁，皮脆肉嫩熱浪味Chipken裹上令人愉悅的辣味和香噴噴的粉末，香口惹味砂鍋魚糕湯內有多款不同的魚糕，味道濃郁，好喝都一滴湯都不留馬蘇里拉芝士球內裡塞滿了馬蘇里拉芝士，超級拉絲熱香茅茶味道清香宜人，有助醒腦提神，解飽滯感覺英式早餐茶口感紮實飽滿，帶有濃郁特殊麥香