影片
更多
2015-06-14
10075 浏览
對上一次食下午茶自助餐已經喺上年年尾嘅事，唔算隔得好耐，不過，記得曾有段時間都幾迷上食下午茶自助餐，差唔多個個月梗有一次。今日趁過港島區掃墓，順道同老婆嚟銅鑼灣柏寧酒店嘅Café One撐枱腳，嘆番次下午茶自助餐。自助餐時間由15:00-17:30，兩個半鐘喺相當充裕，不過，我哋掃完墓之後再要辦點事，遲咗十多分鐘。到場所見，算唔上好多人，大概6乘左右滿，大部客人都被安排坐晌入面近食物區，所以，近門口嘅一排排枱櫈都喺「吉位」。環境方面，其實都幾鍾意，雖然裝修唔算有咩特別，就像一般酒店內嘅自助餐餐廳，不過，座位嘅間隔比較闊落，唔會有太擠逼嘅感覺，木櫈有把手，讓人坐得舒服多一點；面向記利佐治街及告士打道一邊，全部都喺落地大玻璃窗，可以睇睇街景，可惜事前未有特別要求坐晌近窗位！同樣，食物區嘅空間亦好寬闊，寬闊到好似行商場咁，遇上爆場都唔怕被人逼嚟逼去，搞到水洩不通。自助果汁行到身水身汗，今次唔喺相機先食，喺果汁先飲，有橙汁、豆漿及西柚汁，先貫杯橙汁解吓渴，之後再飲吓西柚汁。沙律吧陣勢好弱，得翡翠苗、紫椰菜、火箭菜及雜沙律菜，另一邊晌冷盤旁再多幾款預製好嘅沙律，不過，款式唔多特別，名牌亦欠奉，只
自助餐時間由15:00-17:30，兩個半鐘喺相當充裕，不過，我哋掃完墓之後再要辦點事，遲咗十多分鐘。到場所見，算唔上好多人，大概6乘左右滿，大部客人都被安排坐晌入面近食物區，所以，近門口嘅一排排枱櫈都喺「吉位」。
環境方面，其實都幾鍾意，雖然裝修唔算有咩特別，就像一般酒店內嘅自助餐餐廳，不過，座位嘅間隔比較闊落，唔會有太擠逼嘅感覺，木櫈有把手，讓人坐得舒服多一點；面向記利佐治街及告士打道一邊，全部都喺落地大玻璃窗，可以睇睇街景，可惜事前未有特別要求坐晌近窗位！
同樣，食物區嘅空間亦好寬闊，寬闊到好似行商場咁，遇上爆場都唔怕被人逼嚟逼去，搞到水洩不通。
自助果汁行到身水身汗，今次唔喺相機先食，喺果汁先飲，有橙汁、豆漿及西柚汁，先貫杯橙汁解吓渴，之後再飲吓西柚汁。
沙律吧陣勢好弱，得翡翠苗、紫椰菜、火箭菜及雜沙律菜，另一邊晌冷盤旁再多幾款預製好嘅沙律，不過，款式唔多特別，名牌亦欠奉，只喺睇喺咩食材估估吓；反而喺醬汁中有兩款較有特色：蜜糖芥末油醋汁及芝士汁。
冷盤主要都喺啲冷切肉腸，如沙樂美、火雞肉腸……等等，另一盤就喺燒牛肉，所以，款色同樣唔多。將幾款冷盤料加埋落啲沙律度，就成為小弟嘅開胃頭盤，個蜜糖芥末油醋汁又真喺幾好食！
沙律拼冷盤嘅開胃前菜
139 浏览
1 赞好
0 留言
雖然好大個食物櫃位提供壽司、刺身，不過，個師傅好似好迤咁，幾次經過見到壽司擺出嚟嘅款式及數量都唔多。平時，我都夠少晌自助餐度食壽司，不過，眼見整體都唔多嘢食，所以，極之難得拎咗一碟壽司，質素？普普通通咁啦！
壽司
87 浏览
0 赞好
0 留言
另一邊嘅熱盤類，有啲中式點心、牛油栗米、蜜糖雞翼、XO醬魷魚鬚、乾燒伊麵、咖喱角、煎釀蓮藕餅……等等，最好味喺啲魷魚鬚同蓮藕餅，前者好惹味，而後者爽脆，仲加多碗足料嘅碗仔翅，味道唔錯喎。
熱盤
156 浏览
1 赞好
0 留言
足料碗仔翅
195 浏览
1 赞好
0 留言
此外，熱盤仲有一樣值得要試嘅喺「Café One Bao」，即喺台式嘅刈包，有好幾款口味：越式扎肉、韓式泡菜牛肉、避風塘蝦肉及黑松露雜菌；同師傅講蝦肉拼雜菌，結果就只喺俾咗個黑松露雜菌，其實味道認真唔錯，包身幾軟熟，微微暖，雜菌滿有黑松露香。
黑松露雜菌刈包
190 浏览
1 赞好
0 留言
晌食物枱嘅一角擺放幾款西式包點，包括手指三文治、美式鬆餅、菠菜酥及士乾，小弟較有興趣喺兩者。個菠菜酥內藏幾多菠菜蓉，酥底做得不俗，充滿牛油香；而士乾塗點忌廉及士多啤梨果醬，已相當唔錯。
菠菜酥及士乾
159 浏览
1 赞好
0 留言
再行去另一邊熱盤區，依邊就多數喺啲煎炸或濃味嘢居多，樣樣拎啲就已經一整碟，有煎日式餃子、蔗蝦、炸甜蕃薯 / 芋頭、印度香草烤雞薄餅、天多尼煎魚、醬燒豬肋骨、金菇牛肉卷。以上多幾樣嘢都好好食，尤其啲炸甜蕃薯 / 芋頭、薄餅、煎魚及豬肋骨，香口惹味。
熱盤
170 浏览
2 赞好
0 留言
XO醬蘿蔔糕
146 浏览
2 赞好
0 留言
都喺時候最後出擊攻甜品，甜品櫃位其實擺晌入門口左邊，特別自成一角，數數埋埋都有十多款，不外乎啫喱、奶凍、慕絲、切餅、軟雪糕……等等，兼有新鮮即做嘅比利時窩夫。款式就唔逐一細數，唯可惜喺到我食甜品嘅時候（將近完場），有部份想試嘅款式無咗。
先嚟一客甜品拼盤，栗子忌廉蛋糕、芒果慕絲蛋糕、德國芝士蛋糕、意式奶凍（已經無咗芒果及雜莓味）、熱情果慕絲蛋糕、碎朱古力味比利時窩夫配生果伴糖漿，雖然款式比較大路，但整體質素算甚具水準。因為剩返而想食嘅款式唔太多，所以，都順手攞多兩件迷你美式鬆餅過過口癮！
甜品拼盤
178 浏览
1 赞好
0 留言
朱古力鴛鴦軟雪糕伴新鮮生果
182 浏览
2 赞好
0 留言
鮮奶咖啡食甜品時，餐飲落單一杯鮮奶咖啡嚟伴甜品，一送上枱，就睇出喺咖啡機出品，雖然無均勻嘅奶泡，更唔會有拉花，不過，依家啲酒店所用嘅咖啡豆都唔會太低質素，故此，咖啡嘅味道都唔會太差。
鮮奶咖啡
145 浏览
1 赞好
0 留言
张贴
