發哥粥底海鮮火鍋 (已結業)

同事買lunch 見到依間發哥粥底話想試下就收工過黎幫襯依度出名食粥底，三個都揀左龍蝦餐先上前菜開開胃燉湯夠熱又足料！ D 肉煲到淋哂～～食埋都正青口隻隻都好大隻，蒜蓉泰醬味唔錯仲有足料竹蔗水任飲～飲得出無額外加糖水，夠清熱，唔飲蔗水都有可樂烏龍茶個d 飲架～.跟住就係海鮮拼盤龍蝦底下仲有勁多蜆仔添架！！店員好熱心介紹每款海鮮應該滾幾耐我地照跟真係岩岩好！！龍蝦超大隻，滾左四分鐘就食得，熟程度岩岩好，仲好嫩又滑身，勁鮮味～～ 鮑魚帶子又係大大隻，唔會韌，但又有咬口蟶子輕輕滾幾十秒就拎起，好鮮甜蝦又有好多膏～～個粥底都充滿膏味牛係送埋，牛味都幾重，而且脂肪比例岩岩好，唔會太肥跟住可以揀八款配料釀冬菇，黑豚肉，雲吞都係店員推介，味道都唔錯墨丸都夠味，唔會成舊粉甘食到差唔多就加d 南瓜粟米粒，準備煮粥底啦粥底份量好多，我地無落哂，因為食完上面d 野已經超飽用海鮮精華煮出黎既粥底真係好鮮甜，我地一人食左幾碗都仲有剩成餐飯都食得好滿足！！絕對係encore 之選～～

同事成日話發哥打邊爐好正，搞到我期待左呢餐好耐，特登揀happy Friday過黎打邊爐🤤黎到發現發哥個場好大，門口去飲料區嗰度應該唔止100米！個場咁大都全場滿座，厲害！好彩我地一早book左台姐。每人可以揀一款主食，龍蝦/海蟹/大胃王海鮮套餐。一開始先來2碟小食，係花生同青瓜，花生煮到好林，青瓜酸酸辣辣好惹味！接著一人一盅燉湯，呢個湯好足料，好好飲😍勁想叫佢黎多盅😂如果湯都係任飲就正喇再來蒜蓉泰醬焗青口，有泰式風味既青口，幾特別。一盤新鮮海鮮終於送上，非常吸睛，聖子超級大隻，好多肉，好鮮甜爽口。帶子又係好大舊，好爽口，一絲一絲咁，好靚。鮑魚本身好怕會un，點知好易咬開。啲蜆好似食極都仲有🤣熟左既龍蝦好容易就成舊肉起左出來安格斯牛肩肉好靚，好少肥肉，每食完一啖口腔都充滿好香既牛肉味，證明啲呢啲牛肉好靚👍🏻食完海鮮仲有8款自選既食物，好多野食！最後就係另一個重點：粥！侍應拎左蔥、芫茜、菜圃，撈攞啲粥同湯底度，雖然好飽，都忍唔住食返2碗粥😚呢度食物豐富，啲座位又好好坐，好闊落，好適合一班朋友黎烚下烚下🤩

又到假期前夕，而且秋風起，天氣開始涼涼地，就想打邊爐！就同朋友揀左呢間好近地鐵站既粥底海鮮火鍋食間舖日頭係普通餐廳，夜晚先有火鍋；環境好寬闊，好大，坐都坐得好舒服菜單上既份量係一人份，三個人去食就乘3！飲品任飲一開始就有好足料既燉湯飲，加埋前菜同埋蒜蓉泰醬焗青口，之後一大盤海鮮就上啦聖子鮮甜，帶子好大粒，龍蝦好爽脆彈牙，鮑魚新鮮到上碟果陣仲識得郁架當然仲有其他火鍋配料啦，食到飽一飽，特別要讚既係安格斯牛肩肉，比我預期高質好多最後食曬就可以叫侍應整粥喇！係全晚既重點，粥底吸收曬所有海鮮既精華足足食左兩個半鐘，好好就係佢唔會限時，可以一邊慢慢食，一邊同朋友慢慢傾計