水門雞飯 (萬勤商業大廈)

营业中

休息中

次次行過都見呢間排哂長龍咁，今日見時間尚早，決定去試下😏望一望個menu, 原來呢間餐廳嘅野食比我想像中平喎！ 我地2個人叫左5款食物2杯飲品🥤1. 水門雞飯 $54黎到緊係要食水門雞飯啦！因為鐘意啖啖肉，所以點左要雞胸～雖然係雞胸，但係唔算"鞋"，而且配埋個醬汁一齊食，非常惹味！而且我好欣賞佢個油飯，飯粒粒分明並帶有油香味，超讚👍2. 清湯腩船粉 $50牛腩軟腍，湯底清甜，正常發揮😂3. 和牛串燒 $20/串見餐牌寫住做緊新品推介嚐新價，緊係要try try 啦！ 一串有4大粒，跟埋個辣辣地嘅醬汁食，真係好perfect ! $20串真係好抵食，每日限售30串，真係手快有手慢無😆4. 泰式豬頸肉 $98 豬頸肉爽口夠Juicy, 略帶蜜糖味，而且醬汁同和牛串燒嘅醬汁有少少分別，比較再偏辣啲，而且更加增添風味！ 5. 燒原隻魷魚 $45 呢款絕對係出色！！個人認為係必叫嘅菜式！！！為左方便進食，揀左碎上，魷魚鮮甜爽口，有焦香味，配埋個醬汁簡直無得輸！ 而且一碟係有2串，$45堅抵食！ 6. 凍泰式奶茶 $22 味道比想像中唔太甜，甜度岩岩好～ 7. 凍洛神花茶 $20 酸酸甜甜咁，夠哂

今日喺尖沙咀等睇戲 因為未夠鐘就去食個早飯～ 經過呢間 水門雞飯～ 平時排晒長龍 今日早食見到唔使等位就即刻入咗去嚕😬 入到去坐低店員就俾咗QR code我哋自己落單估唔到仲有假日午餐嘅餐牌 覺得更加抵食🤣 好快落咗單 等啲嘢食嚟嘅時候 望住姐姐喺度斬雞 都別有一番風味😗 好快就嚟咗個湯 同埋點雞嘅醬汁係胡椒味嘅湯 清清地又幾好飲～醬汁偷偷地試左先 幾濃味有少少辣 好香🤤 跟住到野飲 跟餐叫既😌- 話梅茶 酸酸甜甜好開胃- 泰式咖啡 咖啡香濃 叫左多奶 本身仲覺得有啲甜 但放咗一陣佢啲冰融左 個味就啱啱好😋 水門雞飯主角出場啦🤩 雞肉好滑本身已經有少少味 點埋個醬真係絕🤤 雞皮都好滑又唔會好油 雞油飯都出色 好香同埋粒粒分明👍🏻 呢個飯必食😌 豬肉串燒 +$26跟餐加咗個小食 豬肉串燒好香 睇落以為佢燒到乾咗 但入邊都仲食到豬既肉汁 點埋個沙嗲醬👍🏻 鳳尾蝦泰式金邊粉 呢個上枱都好香 出面嘅泰國餐廳食嘅差唔多 唔錯呀～ 燒原隻魷魚 $45呢個小食有兩隻魷魚 為咗方便食 佢仲可以俾我哋揀剪碎咁樣上 幾好😌 燒得啱啱好 好香又唔會乾晒 點埋佢嘅醬汁 辣辣哋 好惹味😋 烤麵包 $16正正常

今日終於有機會試下呢間馳名既水門雞飯，平時咁多人排隊，睇下有幾掂先💪🏻💪🏻食物種類好多，花多眼亂😍😍黎到就梗係要食出名既水門雞飯❗️油飯好香，加埋雞好滑，又唔會太多脂肪，好味，再加埋佢個泰式醬，一流，泰式醬好有泰國先食到既味道，正❗️跟住就梗係要試下我最愛既冬蔭公湯啦，味道濃，酸酸辣辣咁，唔係一般香港食到果隻，係泰國既味道呀😍😍😍另外海鮮又多又鮮甜唔夠喉再叫埋串燒魷魚🦑，大大隻，好味👍🏻👍🏻👍🏻之後再叫多杯奶茶收尾就Perfect啦❗️但留意一如以往泰式奶茶係偏甜，但整體都好好飲，好有係泰國飲手標牌既味道😍😍整體出色，不容錯過❗️❗️❗️