聆渢咖啡廳

营业中

休息中

其實如果唔係有買一送一優惠，都未必會選擇嚟到黃金海岸酒店，食一個極其普通嘅自助餐。以自助餐食物選擇嚟講，其實算係多，但講求質素的話，只可以用一般嚟形容。 環境方面唔錯，坐得比較舒適～侍應都好友善～ 熟食嘅種類比凍食多，凍食嘅唯一讚賞之物就係長腳蟹，咸度啱啱好，肉質新鮮而且清甜，size唔會偏細，食到啖啖蟹肉！ 其他凍食仲有青螺、扇貝、蝦⋯刺身類嘅三文魚算唔錯，八爪魚味道好淡，甜蝦太太太細隻，冇乜吸引性。 野飲得汽水，冇果汁提供⋯熱食食物有好多，室外仲設有燒烤範圍，燒尤魚、大蝦、雞亦⋯⋯ 中湯好咸，冇意慾去飲多一碗今期主題係日韓泰食品，所以有好hit嘅韓國炸雞⋯但味道麻麻⋯甜品方面做得唔出色，賣相唔吸引，味道亦如賣相一樣屬一般⋯唯一可取就係有Haagen Daz朱古力雪條

BBQ 癮起，但一般燒烤場食物味道極一般，見食評好多都大讚，便來試吓。提議朋友駕車入來黃金海岸走走，順便吃晚餐。亦正好一行4人都未來過這裡吃，試吓無防。我地坐外面，雖然有些少熱，但我覺得好坐過裡面，因為我覺得裡門有些似飯堂。食物都好多款式，但啤酒同汽水完全不凍，一瓶我都沒喝完，仲差過喝水囉。至於食物海鮮都多，算幾好，乳豬即燒即吃，皮脆脆，好吃。其它食物，如甜品都算多款，糖果，朱古力等好多，小孩子一定很喜歡。坦白說，吃過試過就好，應該不會來，如果不是順便入來黃金海岸走走，純碎入來吃這個自助餐，我會覺得不值，五舊水價位，好多酒店都吃到，選間近腳好坐的可以慳好多時間同油錢。食物都非高檔次材料，而且味道好中規中距，無邊樣好深刻印像，所以我唔覺得吸引到我，價錢和食物以我來評就是偏貴了點，不太值。加埋汽油入來就更不值。