252
92
42
| 餐厅: | 聆渢咖啡廳 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
电话号码
24528448
开饭介绍
供應全天候美食的聆渢咖啡廳揉合不同顏色和圖案，締造了明亮鮮艷及洋溢海洋氣息的格調。用餐區設有多個即煮美食站，源源不絕呈獻即製佳餚。於晚上，戶外用餐區更繼續供應各式馳名的燒烤美饌，香氣泗溢，極富風味。
继续阅读
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
第一次喺度食自助午餐，喺Klook上面買午市有優惠，環境舒服光猛，食物種類同味道都中上，食飽飽可以出去海旁嗰度行吓同睇吓船，收碟好快同職員都有禮貌，以後會再嚟。平日所以客人唔多，大堂好大，以後想試吓住埋房。出去可以去附近黃金海灘行吓，不過附近好似冇乜巴士小巴坐，交通方面就差啲，自己叫車酒店正門上落都好方便。屋企人食得好滿意，以後會再嚟，建議可以多啲牛扒種類，今日只有西冷同埋比較生同埋有啲難切，餐廳嘅刀唔係好好用。但係喺網上平台買嘅話性價比都好高。
继续阅读
呢輪好多網上嘅平台都做緊自助餐優惠，見到黃金海岸酒店餐廳做緊優惠，我又未試過，咁就試吓啦估唔到都幾多嘢食，而且啲嘢食都好啱我嘅口味，例如有法式薄餅同印度薄餅呢啲唔係間間餐廳都會有嘅嘢，主菜類型都好啱老人家口味，唔會太鹹同太重味精，值得一提嘅係長腳蟹都幾新鮮，而且佢哋fill盤嘅速度都好好快,而最令我意外嘅係佢嘅甜品有好多款！！真係睇到眼花撩亂，我哋最尾所有甜品都要一件！仲有佢有龍鬚糖食，真係童年嘅味道啊雪糕佢就有Movepick雪糕，整體嚟講我都幾滿意，而且佢都好似成日做優惠，好抵食😂
继续阅读
黃金海岸酒店交通都唔係太方便, 搭巴士都要係青山公路再行入黎...呢間價錢唔算話平, 係海鮮種類唔算多, 刺身既口感又好一般...三文魚同八爪魚都有食, 不過新鮮程度同口感唔算特別好, 自助餐得呢種質素就有待提升了海鮮唔算多 食左長腳蟹又唔算太鮮甜... 質素平平.食物種類唔算多, 而且好多都係普通中菜既菜式.雖然戶外都有燒物選擇 但種類又欠缺特別...燒物味道還算可以既 不過吒個價錢真係想食到D比較高質素海鮮同刺身.飲品有汽水同檸檬茶等可以揀而且都有甜品可以食.不過環境有一個問題就係有蚊由戶外飛入室內,間唔中就有一兩隻仲要飛來飛去... 有D討厭既環境...總結黎講呢個價錢,食物質素要改善同應該要有多D特別既種類食物可以選擇
继续阅读
水準算得上唔錯👍。多年前食過一次晚上嘅自助餐，十分豐富，印象十分好。是次，午市自助餐，主是母親節特色，其實都係節日消費嘴頭，冇所謂啦。首先，食場氣氛唔錯，沒有「爭搶」嘅感覺，食得自在，環境敞亮乾淨，座位安排算是寬鬆。服務態度周到，收碟都係算快嘅。其次就係食物，中式點心除咗蝦蛟唔係幾啱我口味之外，其他都十分可口，尤其係奶黃糯米糍，香軟可口，形似鹹水角，外有椰絲，正！燒牛肉唔錯，同一個攤仲有印度特色食物，我唔食羊，但佢有雜菜同雞嘅咖喱，加上手抓餅，超好味，超香。中式炒菜及西式食品都很好吃。佢有窩夫同甜點蛋糕，正。有盒仔名牌雪糕。不過，水果嘅品種就偏少，但都係好可口嘅。
继续阅读
呢一間黃金海岸酒店自助餐真係由細細個開始已經食到大，而大個咗之後都繼續嚟呢一間度食自助餐係因為佢嘅水準係保持到嘅，佢有嘅特色而其他自助餐冇嘅係佢嘅炭燒食物系列，另外啊，佢嘅整個建築物嘅設計比到人有一種很放鬆的感覺。今次我唔會逐樣食物講，主要會講每次都會食嘅美食。我用咗唔同嘅角度去分析一下今次嘅餐飲體驗。炭燒雞全翼基本上炭燒雞全翼係每一次嚟嘅必食項目，我可以夠膽講呢度嘅燒雞全翼真係數一數二咁好食，每次嚟都食最少兩隻或以上，自助餐咁多選擇都竟然要食兩隻雞全翼嚟頂住個胃，證明佢哋嘅雞全翼有幾好食啦。炭燒羊架呢一樣嚟講我覺得係僅次於雞全翼咁好食，羊架嘅size啱啱好，而且冇羊膻味味，但係有羊味，加上薄荷醬實在係絕配。燒菠蘿粟米10分清甜爽口，燒得剛剛好，能保持食物中的水份。喇沙湯底車仔麵其實去自助餐食嘢，真係好少人會嗌個麵食，但係佢嘅喇沙湯底實在太過香，配料亦好新鮮，所以去到自助餐的尾聲都忍唔住要嗌一碗嚟食，唯有叫姐姐整細碗啲俾我，評價係好好食。生啤任飲呢樣亦都係呢度嘅其中一個特色，配上炭燒雞全翼炭燒羊架及其他炭燒的食物，實在是一絕。Movepick雪糕加即整pancake呢度嘅職員整pancake很用心亦很有經驗，整得很完美。用剛剛整好的pancake包住Movepick雪糕來吃，好食到癲。店員態度：良好店內環境：有去度假的感覺交通地理：自己揸車比較方便Wifi：沒有
继续阅读