鳴越越式料理

营业中

休息中

行街行到好肚餓之際上環地鐵站E1 出口一直行經過見門面餐牌價錢相宜就衝左入呢間越式餐廳食d 野要落地庫環境都好舒適大部分都係卡位等客人食得開心又舒爽叫左碟越式香茅豬頸肉好大碟份量十足鋪滿香蔥同埋炸蒜頭 好香口切到厚薄剛好皮有些脆口肥瘦均秤肉汁被鎖緊肉質非常彈牙又唔肥膩另外叫左個輕食燒大蝦柚子沙律微辣我BB 辣都食到👍🏻👍🏻柚子好多唔會太酸仲甜甜地好多汁好開胃清新之選燒大蝦🦐都好新鮮肉質彈牙濃濃的燒烤味道下次會叫埋串燒食下同朋友行街行到體力透支叫番個椰青補充下是金馬牌有哂品質保證絕對包保鮮甜優質食材椰青水都好多好大一個椰青椰肉亦都好易刮到出來食仲非常清甜$30個 咁甜真係去邊搵丫咁抵飲餐牌都好多選擇實有野岩食

雖然中環食肆選擇都幾多，不過價錢相對地貴。如果想食平d，行去近上環既方向會多少少。行過門口見到有人派宣傳單張，好似又幾平咁，所以就試喇。除左一般越南菜外，仲可以打邊爐，不過我地又唔係太餓，所以都係叫返小菜就算。下龍灣海鮮炒金邊粉基本上食親泰國/越南野我都會揀金邊粉，今次都唔例外。海鮮唔算少，蝦都有6隻左右，仲有青口、蟹柳(雖然我知其實唔係海鮮，哈哈)、蜆肉等等。金邊粉炒到夠乾爽，又唔算太多油，蝦我覺得係爽口彈牙既，幾好。燒大頭蝦柚子沙律一開始個大頭蝦燒得太耐，同佢反映個問題之後即刻燒返隻新既上黎，非常欣賞呢點。大頭蝦有手掌咁長，新果隻燒到岩岩好，你係會食到蝦既鮮味同個汁，正。柚子沙律原來係辣既，無諗過係辣，不過唔差，柚子夠新鮮夠甜。法式蒜蓉牛油雞翼非常重蒜蓉味，d蒜蓉多到滿瀉，鍾意食蒜蓉既朋友就岩晒。其實呢個價錢係中環算係唔錯，而且份量十足，男仔都怕唔飽。