鳴越越式料理

营业中

休息中

虽然中环食肆选择都几多，不过价钱相对地贵。如果想食平d，行去近上环既方向会多少少。行过门口见到有人派宣传单张，好似又几平咁，所以就试喇。除左一般越南菜外，仲可以打边炉，不过我地又唔系太饿，所以都系叫返小菜就算。下龙湾海鲜炒金边粉基本上食亲泰国/越南野我都会拣金边粉，今次都唔例外。海鲜唔算少，虾都有6只左右，仲有青口、蟹柳(虽然我知其实唔系海鲜，哈哈)、蚬肉等等。金边粉炒到够干爽，又唔算太多油，虾我觉得系爽口弹牙既，几好。烧大头虾柚子沙律一开始个大头虾烧得太耐，同佢反映个问题之后即刻烧返只新既上黎，非常欣赏呢点。大头虾有手掌咁长，新果只烧到岩岩好，你系会食到虾既鲜味同个汁，正。柚子沙律原来系辣既，无谂过系辣，不过唔差，柚子够新鲜够甜。法式蒜蓉牛油鸡翼非常重蒜蓉味，d蒜蓉多到满泻，钟意食蒜蓉既朋友就岩晒。其实呢个价钱系中环算系唔错，而且份量十足，男仔都怕唔饱。