坂奈 (已結業)

吞拿魚額頂柳，聽講比拖羅更矜貴。梗係啦，一條魚你話得幾多個額頭呢？吞拿魚額頭嘅油份非常充足，每一啖油脂喺牙縫間淺出，真係齒頰留香。可惜一set得五塊，而且師傅亦建議我哋快啲趁熱食啲魚，既然魚要趁熱食，於是好快就食完d魚，剩返一大碗飯啦😭。可能因為咁，店家都預備左飯素，俾我哋撈飯食。我差唔多食晒吞拿魚額頂柳，河馬生嗰份仲未到。於是河馬生慘慘豬同我一齊share 。就係我差唔多食晒半碗飯，佢嗰份終於來啦。呢個樣子驚嚇嘅叫BB喜之次。之前扒OR啲Post話，佢係魚中嘅紅寶石。肉質的確非常嫩滑，但係食食吓，我地覺得啲邊位有啲苦味。同額頭一樣，由於燒魚嘅份量非常細，好快食完條魚，又剩返一大碗飯。原本嘅前菜，燒明太子伴青瓜片姍姍來遲。明太子好鹹，如果佢早少少嚟，我哋就可以用嚟送飯，唔使食完條魚齋扒白飯嘅時候，剩係得飯素送飯，到而家兩碗飯都食晒，就要剩食呢個好鹹嘅明太子，上菜嘅次序錯哂，就算有青瓜片夾住食都補唔番。附加資料，加＄30可以轉套餐。套餐有蜆肉味噌湯同埋幾塊刺身做前菜。味噌湯非常鮮美濃郁，值得讚賞。刺身的帶子粒，鮮甜無比，值得一讚。大蝦配上手磨山葵，味道更顯鮮美。總括，燒魚質素高，但係份量

同朋友去銅鑼灣行街，又想食燒魚，朋友提議試呢間新嘢，望住個餐牌，好多嘢都想食，最後試咗燒明太子伴青瓜片、吞拿魚額頂柳同BB喜之次 燒明太子伴青瓜片 ($88)賣相好靚，燒好的明太子切成一片片，外脆內軟，青瓜作拌碟，和明太子一起吃，好特別，出奇哋夾加咗$30變套餐，包刺身漬、煮物、飯及味噌湯。煮物係薯仔蘿蔔牛腩，蘿蔔入味，牛腩很淋，味噌湯有蜆、蘿蔔、海帶等，好濃郁，十分鮮甜吞拿魚額頂柳 ($288+30)吞拿魚額頂柳一碟有四片，厚切，每件都層次分明，一層肉，一層油，望個樣已經好想食，輕輕燒過，外層微焦，入口嫩滑，仲感受到十分豐富嘅油脂BB喜之次 ($198+30)BB喜之次，原條燒成S型咁上碟，外皮香脆，魚油响燒嘅過程都迫晒出嚟，肉質結實清甜去到餐廳時只剩下門口位，所以未能夠望住條魚燒，下次去，一定要訂枱，睇住燒

從同事小蠻腰口中得知，銅鑼灣開了一間新的日式烤魚專門店，一向超愛吃魚的筆者，便相約好姊妹招積妺前來品嚐。店內像日本火車站旁的小小居酒屋，木製裝潢為主，吧枱設有約十個座位，食客可欣賞著師傅烤魚的功架。烤爐一格格，師傅根據每款魚的皮厚薄、大或少，調整燒烤的高度，務求把每款魚鮮的最佳美味呈現出來。餐牌內的選擇主要為時令當造的魚鮮、酒肴和飲料。另外，惠顧任何烤魚，只需+HKD 30，便可享用御膳（麵豉湯、刺身漬、煮物和御飯）。燒明太子伴青瓜片 (HKD 88) 明太子經醃漬後甘醇鮮味，經火炙後，表面微焦而內呈半生。脆卜卜的小顆粒，加上青瓜片，爽脆帶嚼勁，味道微辣又惹味。酒盜芝士 (HKD 36) 「酒盜」的意思是好吃到要偷酒喝。發酵的吞拿魚腸鋪在忌廉芝士上，製成酒盜芝士，以軟芝士平衡酒盜的鹹香，化身成一道濃味的下酒菜。雪梨酒桶熟成清酒 （HKD 68/杯) 雪梨酒桶熟成的清酒，顏色呈淡黃色，更衍生了驚喜煙熏香氣。酒體香醇，味道如威士忌。酒精濃度25.5度，比一般清酒15度為高。以雪梨酒桶熟成清酒配對酒盜芝士，能令兩者的味道產生了引人入勝的變化，就是Food Pairing 的「相乘」效果。刺身

我最鍾意嗰間日本料理集團開咗新嘅燒魚餐廳，之前食過佢哋旗下嘅餐廳有主打刺身飯、生猛海鮮浜燒、拉麵，間間都讚不絕口，今次當然要即刻訂位試新餐廳啦！燒明太子伴青瓜片 ($88)明太子外層燒得香脆，放上薄薄又鮮甜爽口嘅青瓜一齊食，超夾口感激好！吞拿魚額頂柳 ($288+30)食過一次吞拿魚腦天，好味到喊，竟然喺呢度有得食，一定要叫嚟試吓啦！輕輕燒過嘅腦天外層微焦，入面嫩滑，油脂豐富，魚味非常濃郁，就算唔加檸檬汁都已經好惹味；加$30轉套餐，有刺身漬、煮物、飯及味噌湯。煮物係薯仔蘿蔔牛腩，非常甘甜；味噌湯入面有蜆、蘿蔔、海帶等，鮮味濃郁。BB喜之次 ($198+30)睇其他食評見好多人都可以睇住條魚由生區區燒到金黃色，可惜我坐喺近門口嗰邊，冇得睇。貴為魚王嘅喜之次，喺外面食閒閒哋都要過千蚊一條，但呢度$198已經有得食？！雖然細條，但不減佢嘅吸引力！原條S型咁上菜，外層微脆，肉質白滑清甜，入口即溶，成條魚都燒得好香脆，魚油都迫晒出嚟，就算魚旗及魚尾都非常好味，真係連骨都想食埋！信州蘋果梳打 ($36)清新嘅果香，夏天飲啱晒！雖然舖頭細就細咗啲，但性價比好高，想食嘅一定要訂位，就算冇訂位都值得等