龍泉冰廳

营业中

休息中

今日同爸爸去左位於銅鑼灣蘭芳道的「龍泉冰廳 」食晚餐，餐廳價錢親民。餐廳裝潢係經典茶餐廳格局，食物款式多❤️店員仲好nice呢🥰我地叫左3個小菜，小菜套餐包含老火例湯、白飯及熱飲。老火例湯今日老火靚湯係粉葛紅蘿蔔湯，用粉葛煲湯，生津止渴，配合埋蘿蔔一齊煲🥕，清甜又滋潤。XO醬翠玉瓜炒蝦球 $88翠玉瓜味道清甜，蝦球鮮美🦐，用香濃惹味的XO醬來爆炒，好夠鑊氣。燒汁雜菌茄子炒牛柳粒 $80牛柳粒肉質軟腍🐮，茄子🍆及雜菌🍄‍🟫吸收了醬汁，味道濃郁惹味👍🏻士多啤梨骨 $80醬汁是用新鮮的士多啤梨製成，味道酸酸甜甜，用士多啤梨來製作士多啤梨骨，可以平衡肋排的油膩感，啖啖的士多啤梨香味，味道清新。龍鳳檸樂 +$15檸檬片放入可樂內，一飲透心涼。咸檸七喜 +$15醃製的鹹檸檬倒入冰凍的七喜，甜中帶有輕微的鹹酸。雜果賓治 +$15雜果賓治的顏色鮮明，浸住多種唔同嘅水果，飲落簡直係透心涼，又解喝。

今晚收工去左龍泉冰廳食埋晚飯先返歸，冰廳位於銅鑼灣蘭芳道，旺中帶靜。主餐牌勁多選擇，有西式意粉，日式飯，蔥油撈飯或公仔麵，焗飯意粉，叉燒飯，南洋咖哩飯意粉，生滾濃湯飯，肉燥飯或拌麵，雲南小窩米線，湯麵河，東南亞麵食，炒粉麵飯，韓式飯，常餐，懷舊鐵板餐，小菜，三文治，奄列，多士，同各式飲品。今晚叫咗兩個小菜，餐牌上都係有手指公既，可能係招牌菜式。兩個餐都奉送老火例湯， 珍珠白飯同熱飲。凍飲加$3，特飲加$8至$15不等。醬爆雞煲 $78醬爆雞煲用個薄身煲上，雞肉有9件左右，都大大件，都係雞髀肉，已去皮。配有三色燈籠椒。味道少少辣。燒汁雜菌茄子炒牛柳粒 $80燒汁雜菌茄子炒牛柳粒好大碟，熱辣辣上枱。牛柳粒好淋，大大粒啖啖肉，牛味濃，好食。茄子大大塊，份量好多，好吸油，邪惡。另外配有菇片同燈籠椒。呢道菜式正！老火例湯似係蓮藕，味道鹹度適中。 珍珠白飯大大碗。西生菜 $25西生菜叫左少蠔油，服務員特登分開上，貼心。經典紅豆冰 跟餐加$8 經典紅豆冰大大杯，梛奶味道正常，紅豆份量都幾多，味道都好。我鍾意呢度係用碎冰。叫左少甜少冰，甜度啱啱好。飲完簡直大滿足，好似食埋甜品。食完好飽，每人都係一舊水

以前放工通常唔係走去上堂，就係happy hours而家就成日要拎外賣返屋企，不過拎返屋企都可以好happy嘅幫襯茶記一定唔會唔飽，保證飽到happy呢間除咗一般嘅港式餸菜，都有啲fusion嘅飯，芝士鰻魚炒飯真係炒得好惹味，鰻魚都幾厚，芝士好引誘好耐冇堂食歎滑蛋叉燒飯，唯有拎返屋企歎，佢地塊蛋好大塊，飯又多，叉燒又多，使唔使咁抵食呀？買埋聽日嘅餸加料，整返個牛柳粒都唔錯，牛柳嫩而掛汁，茄子大條厚切雜菌又夠晒份量，送飯一流仲有例湯跟餐，啱晒喇，大胃好耐冇飲湯飲品嗌返港飲雙傑—奶茶同檸茶，奶茶好濃好港味檸茶爆多檸檬片，夠晒維他命C加$8有特飲，紅豆冰半杯都係紅豆，足料到呢

📍 龍泉冰廳 小編不嬲都鍾意食小菜同港式嘢😆 早幾日同朋友去左呢間餐廳食🥰 推介佢哋嘅滑蛋叉燒飯！有好多舊叉燒係入面🤣-滑蛋叉燒飯 $58滑蛋有唔少蔥花 而且都幾大舊😋 食落去口感好滑 有蛋香🥰 叉燒偏瘦但都有少少肥肉 係小編鍾意食嘅口感🥰飲品就配左西洋菜蜜～燒汁雜菌茄子炒牛柳粒 $78呢款係佢哋餐廳推介菜式之一✨ 套餐包一碗白飯同埋例湯🌟個餸嘅份量啱啱好 牛柳粒食落去有咬口👍🏻有唔少茄子🍆 如果多啲雜菌就更好🤭飲品就配左杏仁霜～咕嚕魚柳 $68小編不嬲都鍾意食酸酸甜甜嘅嘢 所以見到呢個就叫咗！魚柳份量唔算太多 但係有啲都幾大舊🤫食落去甜多個酸😳 如果酸味重過甜就好😭飲品就配左朱古力～-大家睇完我哋嘅食評之後 想試嘅話可以參考下面嘅地址😚👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ ★ ☆✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎-地址：銅鑼灣蘭芳道5號地下