芝加哥串燒酒場 (太和中心)

放工同朋友想搵個地方飲杯野傾下計，見呢度有酒飲之餘仲主打食燒烤串燒，好岩下酒，一於去試下。我地一人揀左一款cocktail，Blue Hawaiian隻藍色好靚~飲菅個味有D似菠蘿冰，仲有D菠蘿果肉粒邊飲邊食XD而Rainbow一上枱就相機飲先，好有顏色層次，飲落甜甜地又唔會好重酒味，幾易入口。燒烤串燒既選擇非常多，由肉類同海鮮都有唔少吸引既食物想試~海鮮揀左燒鮑魚、白鱔同黑松露蝦串，燒鮑魚上面鋪左D牛油蒜蓉去燒，好惹味!串燒白鱔好大舊好厚肉，仲燒到個鱔皮脆卜卜，超推介!肉類方面叫左碳燒牛扒、牛舌心、土匪雞翼等，碳燒牛扒唔係得個名，真係有碳燒味，牛扒同牛舌都唔會燒到乾柴，食落仲有肉汁唔錯。燒烤既蔬菜點少得茄子，呢度係原條茄子燒，大大條好抵食，仲有燒秋葵同培根車厘茄，燒完都仲好juicy。估唔到仲有甲羅燒同比較少見既魔鬼魚翅干，魔鬼魚翅干送酒真係一流，食完會再想encoreXD呢隻野食同環境都唔錯，以後放工飲番杯有好地方了~

呢個時勢好耐冇出街食野，難得呢晚有機會可以同老公撐枱腳，當然食我倆最愛既串燒！呢間bar除左有酒飲有波睇～仲有串燒食～認真爽皮！燒雞泡魚乾食得多，第一次食燒魔鬼魚翅乾（$55）～又幾得意，送酒一流～培根蘆筍卷（$26）：厚厚煙肉搭上爽脆蘆荀，一啲都唔膩，口感豐富健力士黑啤豬肉腸（$25）：味道幾特別，充滿麥香鹽燒雞皮（$12）：脆卜卜炭燒豬頸肉（$19）：厚肉，爽燒羊肉串（$19）：夠香唔蘇燒雞腎（$14）：都爽，大粒啲仲加分金菇牛肉卷（$28）：至愛，大大件鹽燒牛舌心（$30）：夠厚夠爽滑最推介串燒必叫既燒茄子🍆（$32）冇得頂，調味同醬都岩岩好～好多餐廳塊皮麵會燒到黑晒唔食得，呢度係一啲都唔黑，可以食埋！鹽燒白鱔串（$58）：超厚肉！邊又脆！燒原隻魷魚（$28）：好鍾意個汁又唔乾基本上啲串燒都好抵食～2個人飲左一杯mocha兩杯酒，食左咁多串燒～先每人二百幾蚊～

香港地想搵間停到車嘅鋪頭食飯，其實真係一啲都唔簡單。又唔想去商場啲鋪頭食，今日放工兜黎大埔睇吓有咩好食揸到過嚟太和中心，附近有堆錶位，見到有間酒吧環境幾好，門口有車位停低架車入嚟試吓門口見到有啤酒優惠，不過因為揸車唔飲得酒坐低睇Menu有咩食，原來係串燒酒吧好特別既組合 ！ 叫咗燒雞腎，雞肉大蔥串，豬頸肉串，煙肉車厘茄串 好有水準既串燒，完全可以媲美日式餐廳 羊架叫7成熟，100分好食，羊無酥味，火候控制得好好，而且配味唔會太咸，突出到羊既味道燒雞翼串 夠乾身配鹽燒+少少檸檬汁 好Yummy yummy 雞軟骨串 ，$12蚊串十分抵食，誠意之選 $30 既價錢，仲有好多我最愛既蔥 加上唔會太多孜然粉好夾味全場最愛呢個（燒白鱔），皮脆肉嫩肉身唔係好淋個種白鱔，十分鮮味 最後再加點多串（豬頸肉）串燒，好食過平時泰國餐廳既串燒好多乾身加醃得好好味 呢間Bar仲有波睇，下次賽季真係要再黎食多d 十分超值又好好味既小店