Soul9+ (已結業)

同小妹今次去完北角搵食， 無諗過係呢條錦屏街後街裏面， 竟然會有一間咁有質素嘅西餐廳， 售不同國家嘅fusion 菜， 每一道菜都好有特色！😏 就好似呢道帶有日本🇯🇵fusion嘅煙燻鮮蟹肉玉子燒（$98） 賣相真係好精緻！😍😍😍 店員會係上枱時，準備好相機📷影相時，先會為你打開玻璃蓋， 鮮拆嘅蟹肉夠晒鮮甜juicy，蟹味十足， 玉子燒食落嫩滑，正，必試！👍🏾 原板海膽、黑松露蟹膏意大利飯（$158） 意大利飯用忌廉汁炆煮好， 軟硬度適中， 配上鮮味蟹膏和香濃嘅黑松露醬，十分滋味！ 原板海膽份量毫不吝嗇，😍 口感嫩滑，味道鮮甜，推薦！😏 燒美國🇺🇸豬鞍扒（$178） 新鮮薯角、雜菜沙律 豬鞍扒超厚切，有成3cm厚， 外皮煎得微脆，肉質鮮嫩多汁， 而且係豬鞍扒嘅關係， 所以唔肥之餘，肉質一點都唔嚡， 值得一試！👍🏻😋 雜菜沙律配上黑醋汁，可以一解豬扒嘅膩感， 薯角炸得香脆，不錯吃！☺️

📍北角📍復古英倫風🇬🇧CP值高🆙意大利菜🍽之前嚟開北角都係打邊爐，今次就試下食意大利菜🇮🇹就嚟到聖誕節，門口都放咗棵粉❗️紅❗️色❗️聖誕樹😍🎄好有氣氛😝—————————————————因為最近都戒緊口，所以就叫咗個燒美國豬鞍扒，真係要趁熱食🔥🔥切開仲有啲肉汁，好juicy❗️❗️🤤連伴碟嘅沙律菜都幾好食😏—————————————————一見到有個香草蒜片白酒忌廉煮紐西蘭頸蜆，就即刻想叫😍好重白酒味，配埋啲蒜片，勁濃味🤤又好多蜆💯仲有個香煎雞軟骨餃子🥟煎到個外表脆卜卜咁😉—————————————————之後仲叫咗佢哋個招❗️牌❗️菜❗️❤️✨黑魚籽海膽豆腐溫泉蛋杯🍳✨呢個上枱已經好吸睛👀因為有乾冰，飄哂煙咁，好有仙氣🤣🤣仲有啲金箔舖係海膽上面🤤一啖食哂海膽加埋豆腐同流心嘅溫泉蛋😝口感好正，滑溜溜咁🤓希望下次再嚟唔洗戒口🙈可以試下佢個牛扒😛

A姐：M佬，你好衰㗎，做乜帶我嚟後巷姐，人地拍醜㗎。M佬：（心諗：你都會知醜㗎咩？）你無聽過後巷有好多驚喜㗎咩？A姐：咦！好衰㗎！咁刺激㗎咩？M佬：食餐飯姐，有幾刺激？不過，驚喜在於呢間餐廳！A姐：食……餐……飯？！係呀！就係食餐飯！北角除咗電車路兩旁同渣華道街市之外，呢條錦屏街近年都聲名大噪，短短嘅一條後巷，有5至6間異國風情嘅餐廳。今日就同A姐嚟到試吓呢間叫靈魂 Soul9+嘅意大利菜。餐廳分為室內及室外部份，好似啲外國露天茶座。而入到去室內部份，我就聽到A姐嘩……嘩……嘩……咗好多聲，唔通佢鍾意牆身夠Raw嘅設計，定係嗰啲黑白寶麗來相？當然通通都唔係，佢嘩係因為個小鮮肉大廚！呢位90後嘅小鮮肉大廚，由待應做起，邊學邊做到依家，A姐話好欣賞佢嘅上進呀！炸鬆脆檸檬雞翼：雞翼上面有啲芝士同檸檬碎粒，雞翼炸得好香口好脆，配埋清新嘅檸檬香味，真係好開胃呀！半生熟帶子鮮茄扁意粉：半生熟又大大粒嘅帶子好鮮甜呀，煎得好香又唔靭；而用新鮮番茄整成嘅茄汁酸酸甜甜，好好味呀！燒美國豬鞍扒：厚切嘅豬鞍扒一啲都唔靭，配埋特製嘅香橙燒汁，味道出奇地咁夾！豬鞍扒烤完都仲好鮮嫩香口，仲有烤雜菜同薯條真係飽飽喇！