帕維亞意大利餐廳

营业中

休息中

今日約左朋友仔去九龍城食個飯聚下舊，我本身都諗住黎九龍城食泰菜，不過朋友仔話佢喉嚨有D痛，所以我們轉左去Pavia食意大利菜。唔知大家會唔會同我一樣係個餐包迷，每次都好期待食餐廳的餐包。餐廳的餐包均暖粒粒脆卜卜。外脆內軟的芝麻餐包，芝麻本身已經好香，加埋軟滑的牛油，又真係幾好食。另外，餐廳仲會提供脆卜卜的蒜蓉多士，多士夠乾身但又唔會過硬。我好欣賞餐廳的蒜蓉多士係搽滿蒜蓉牛油，味道上好滿足哦！為食的我倆叫左一份意式酥炸魷魚圈。餐廳仲會提供新鮮蕃茄醬汁及檸檬比大家調味，令魷魚圈食落唔會有太油膩的感覺。魷魚圈無雪味，仲只係用左薄薄的粉炸。另外，我們仲點左一份夏威夷風味薄餅。Pizza係用薄脆的餅底，加上甜甜的菠蘿、焗香了的火腿及拉絲的Mozzarella Cheese。身為食肉獸的我，當然要叫返塊排食下啦！呢塊燒美國頂級西冷牛扒燒得岩岩好，再加埋香滑的薯蓉，真係好極！最值得一提的係餐廳用了牛油去煎香D瓜菜。牛扒的牛味都幾濃厚，肉質又幾嫩。見到好多枱都有叫到Apple Crumble==============================鍾意我的分享的，我邀請你訂閲我的食評，我會繼續與大家

係九龍城買完野好肚餓想搵間泰國野食下點知好多間都要等位行行下見到呢間氣氛不錯又唔洗等既西餐廳就同朋友入左食晚飯入面既氣氛幾好配合住歌劇音樂同黃色既燈光比起播流行音樂更有情調呢間餐廳唔係好大但老闆同老闆娘人都好好同我地介紹有咩招牌菜色老闆娘話佢地既意大利雲吞係經過改良個個食客食完都大讚甚至會再去食多次聽到我地都心動😻最後我地叫左一個意大利雲吞、自家秘製既pizza 同五成熟西冷牛扒點完之後就先黎麵包有芝麻果個麵包好好食外脆內軟而且滿滿的芝麻香之後就到前菜意大利雲吞出場喇皮薄多涵仲有黑松露汁配搭住比起傳統既我更愛呢個改良版雲吞😻💋之後就到pizza出場Pizza鋪滿火箭菜同pizza一齊食感覺好特別幾好食但唔係人人接受到火箭菜既味道當然我例外😂😂😂接住就係西冷牛扒既出現雖然係熟左少少有點硬不過味道唔錯就咁灑d海鹽都已經好食最後有個心太軟甜品食埋佢就好滿足喇呢間既回頭指數幾高會介紹其他朋友去光顧

九龍城可以叫做美食天堂，高中低價美食真係食唔完！為慶祝「女性」朋友升職，㨂左間有「feel」既西餐食！有酒飲，有蠟燭，有情調！先上麵包，芝麻包＋蒜蓉多士，兩款都好食，好香口！前菜有蕃茄水牛芝士沙津，蕃茄多汁多水，水牛芝士靚仔，味道十分溫和，口感柔滑 ，加埋D汁酸酸甜甜，好開胃簡單菜式高水準！師傅用上薄餅底，有蘑菇、黑松露醬、新鮮火箭菜及mozzarella芝士。雖然沒有肉類，重黑松露味，配上大量芝士，芝士可以拉絲，味道清新可口，一點乜不肥膩！叫師傅燒medium rare，師傅燒得好到位，少少血，肉質非常嫩滑！ 西冷有D帶筋好正常，比肉眼扒肉味更濃郁，肉質有嚼勁，靚野不需醃製太多，黑胡椒+鹽已經可以呈現應有既肉味！ 頂級真係頂級！師傅話唔夠味可以加少少海鹽。熱辣辣蘋果批，蘋果切到一片片好薄好薄，酥皮又係薄一薄，有少少肉桂味！兩大球雲尼拿雪糕，來自紐西蘭既雪糕，真係滑好多，再加上少許朱古力醬，少甜少酸。飯後甜品令都衣一餐更美滿！

今晚來到九龍城吃晚餐 距離地鐵站都有一段距離 我們從樂富站下車走了15分鐘左右就到了來到店員送上餐包 分別是蒜蓉包和芝麻餐包頭盤是番茄水牛芝士沙律配新鮮紫蘇 $128意大利風味的前菜 底下的沙律菜很新鮮 水牛芝士味道十分溫和 口感柔滑 配搭多汁爽甜的番茄酸甜開胃！Pavia Special Pizza (4slices) $128芝士勁拉絲 雖然淨係用左一款芝士 但芝味香醇濃郁 餅底香脆 食到濃郁既麵粉香 吾錯喔燒美國頂級西冷牛扒 $288點了七成熟 肉質非常嫩 帶筋上方有一條脂肪 肉質纖維較厚 咬落有嚼勁 肉味也較肉眼扒濃郁 不需醃製太多 只用黑胡椒調味已能呈現香醇肉味 油花分布均勻 脂肪含量適中 脂香豐富 暫時是我吃過最好吃的牛扒相對肉眼扒 已經算較少油脂 不愛太肥的女士們適合喔 薯蓉用上新鮮薯仔 混合牛油 忌廉等 口感十分軟滑 薯仔香都很突出！甜品方面選了焦糖燉蛋味道不錯 可惜是凍的 如果熱的便好了整體感覺味道不錯 可是地點略為偏遠不能常去