Time Park Lounge

营业中

休息中

今日夜晚去左尖沙咀棉登徑覓食，見到間隱蔽嘅餐廳，要行落樓梯入地庫，神神祕祕，一於入去一探究竟! 原來係一間BAR黎架，本身諗住調頭就走，原來入面內有乾坤。原來佢都幾大，入面既裝修很有風格，擺設好別致，有品味，係一間可以打卡既餐廳。兩個人叫左一個 SET DINNER + 一個MAIN COURSE。先試餐湯同沙律，黑醋沙律配上熱辣辣很creamy的南瓜湯。南瓜湯唔係金寶嗰d罐頭忌廉湯，係真係煮溶d南瓜既南瓜湯，誠意之作。影漏左個小食，自家製蟹肉燒賣。用炸春卷皮釀蟹肉，幾有新意🤗意粉配上少少鹹既三文魚籽，咬破粒魚籽有啖啖既魚香味。值得一讚係意粉彈牙，蝦有鮮味🤤無論口感同味道都好新鮮👍🏻以為係普通豬扒，點知食落去juicy到我覺得自己食緊slow cook黑毛豬！🤤呢個價錢有呢個享受，讚👍🏻

難得今天是紀念日，想吃一些特別的有情調的西餐廳，我們在OpenRice上尋找到一間很有好評的西餐廳，就在位於尖沙咀的棉登徑，那裡有聚集了很多不同類型的餐廳，位置就在K11旁邊，很容易找。去到餐廳門口就看到一個寫着Time Park燈牌，然後下樓梯進去地庫，一進去就覺得很像身處於西方電影中的酒庫，場景很夢幻，很有情調。旁邊更有很多不同的客人在聊天欣賞着酒。當中有一個場景是在一棵大樹下，我們就正正坐在那張桌子，非常有情調非常喜歡，我們立即影相打卡。店員就隨即遞上了Menu還有一部iPad，iPad上就是介紹了很多很多不同酒類的飲品，有紅酒白酒等等，有很多版很專業地介紹不同的酒類我們不懂喝酒，所以我們沒有點酒類飲品，但我相信喜歡喝酒的朋友來到，一定很喜歡及很興奮。我們點了兩個餐，餐已包括了沙律多士餐湯前菜主菜及甜品，我們想吃得豐富點來慶祝，所以更另外點了一個主菜。沙律是很常見的配上黑醋的沙律菜，非常開胃酸甜，但少見的是他們配上了紅番石榴很特別。另外附上了小小的兩片多士及餐湯是黑松露湯，非常香濃，喜歡吃菇類的我非常喜歡。先來的主菜是燒銀鱸魚，有大大的三片，下面鋪了很多烤過的瓜。你的表面烤得非常

今日和朋友去到棉登徑附近搵食；誤打誤撞去到一定位於地庫的酒吧，不過今晚就沒有飲酒，只是簡單吃晚飯。Time park 的裝修很有風格，有不少的打卡位。*是日餐湯+沙律簡簡單單的黑醋沙律；配上熱辣辣很creamy的南瓜湯。*海膽汁燴墨魚仔說好的海膽汁應該換上了辣醬，個人認為偏辣，墨魚仔爽口。*自家製蟹肉脆燒賣用上春卷皮，包了大量蟹肉餡；一個新式的製法，不錯！*燒西班牙黑毛豬 ($238)黑毛豬煎得香口；肉質較爽，但偏乾，如果肉汁多一點就更好！*鮮蝦海膽三文魚籽扁意粉 ($199)扁意粉煮得剛好，麵條有口感；海膽伴上麵條很creamy；蝦肉很爽口。*是日精選甜品是芝士蛋糕，不會太膩太甜。*紅桑子士多啤梨提拉米蘇 ($98)我們額外點了一個甜品；但這個tiramisu 不是我們平常吃到的；中間是有紅桑子雪葩，酸酸甜甜的。

喱間Time Park個門口吾算話好大好靚，但落到去覺得個環境幾好同裝飾得幾靚我地今日就叫左2個set dinner 就有哂前菜主菜同甜品首先黎左沙律同湯，我覺得份量岩岩好吾會太多前菜我地揀感銀魚柳多士蕃茄沙沙同自家製蟹肉脆燒賣，我地覺得自家製蟹肉脆燒賣整得比較出色。之後主菜我地叫左燒西班牙黑毛豬同美國CAB肉眼排。個燒西班牙黑毛豬咬落好juicy，佢既調味吾算好重，好突顯到佢本身既肉味。後尾同佢地傾開先知道原來佢地係引入左西班牙「Elpozo Olive Pork」佢係100%無激素䧳性豬，咁就會避免左雄性豬會產生既豬臊味同異味。香港吾多餐廳會引入喱隻豬因為成本比較貴，我覺得真係可以試下。而美國CAB肉眼排我就叫左medium，我覺得喱個熟度岩岩好，個肉味好香，配個芥末醬都幾夾。我今日既甜品係芝士蛋糕，我覺得都幾驚喜，佢好重芝士味，側面有d脆脆點埋食，我覺得幾特別，幾推薦！Mocktail我地點左2杯，分別係Timepupccino:banana&yogurt base(我揀左peach味)同Samba就係有芒果熱情果同啲cream mix埋，一開始送到過黎我以為係蛋糕🤣佢地吾單止賣

講起棉登徑以前只會諗起酒吧街今日同朋友黎呢間唔止可以飲野玩beer pong仲有好高質嘅食物而且有別於我對棉登徑嘅固有印象呢間餐廳直情係坐得舒服嘅打卡熱點！門口同一般酒吧無異落到樓下穿過吧枱就去到用餐嘅area裝修擺設非常有北歐style中間嘅獨角獸同書架將成個用餐區間開每一枱食嘅時候都唔會望到另一枱變相成餐飯同朋友傾起偈黎都好有privacy 而且可以坐得好鬆動好推介追求浪漫情調嘅男女黎呢到！當然一間餐廳最重要嘅都係d食物啦我地一行四人各自都點左個dinner set由擺盤都feel到佢嘅高格調！餐湯係蘑菇湯好特別咁用杯上兩款前菜都各有千秋我就比較中意佢嘅海膽墨魚仔食嘅時候撈埋底仲有三文魚子添！主菜大推佢嘅牛扒同埋海膽汁意粉Share食直情係唔夠喉！初時對佢嘅食物冇抱太大期望覺得呢d酒吧/餐廳嘅食物都唔會係好出色但今次真係跌晒眼鏡！一定會再幫襯！

餐廳位於地庫，環境好寬敞，裝修比一般酒吧更有心思，有Game Section既地方，中間擺左隻好大型既白馬，配埋皮梳化、牆上既仿牛皮，有種置身喺英倫地窖既感覺！晚餐有套餐選擇，比較抵食，包左餐湯、沙律、小食、主菜同甜品，不過野飲就係散叫，但選擇好多！是日餐湯係南瓜湯，好夠熱南瓜味好足！小食揀左海膽汁燴墨魚仔，用酒杯裝住幾有特色，以為冷盤點知係熱盤，墨魚仔食落彈牙！主菜揀左燒西班牙黑毛豬同埋鮮蝦海膽三文魚籽扁意粉，黑毛豬煎得啱啱好，塊肉好厚身，咬落Juicy配埋甜甜地既蘋果醬，食落好開胃！扁意亦都有驚喜，意粉咬落彈牙，海膽汁好濃郁，配埋三文魚籽，味道好夾！再散叫左自家製蟹肉脆燒賣，啖啖蟹肉配埋脆脆嘅春卷皮，食落過癮！仲有慢煮雞肉配中式腐乳意大利飯，冇諗過腐乳配落西餐會咁夾，攤凍再食，腐乳味更出，感覺好特別！整體食物質素好高，環境有格調，好啱三五知己靜靜地咁樣傾計！

最近同女友已經2年，所以打算同佢黎Time Park Lounge摸下酒杯傾下計撐抬腳入黎裝修係樹林主題，眼前有個unicorn擺設，而旁邊ge櫃入面擺滿whiskey樽，睇黎老細好鍾意whiskey。坐落闊落，我地2個坐張4人台happy hour classic whiskey係買一送一，我同女朋友都叫左mojito，我叫左whiskey mojito，飲落whiskey味after taste較strong唔太甜，所以我幾鍾意（8/10）沙律同湯我個人欣賞個南瓜湯，creamy但唔漏，點麵包剛剛好（8/10）自家製蟹肉脆燒賣我地叫左2個set dinner，其中1個係蟹肉燒賣，咬落充滿新鮮蟹肉，而外面係脆ge春卷皮保住（9/10）燒西班牙黑毛豬黑毛豬旁邊有peach ge醬汁，而黑毛豬煮完十分鬆軟，有肉汁又唔乾，點埋甜甜ge peach sauce有特色 （8.5/10)鮮蝦海膽三文魚籽意粉意粉個汁好重海膽味，而海鮮意粉個汁較濃，同蝦同埋三文魚籽夾，所以我較鍾意（9/10)最後係dinner set甜品，牛奶蛋糕配上少少芒果醬，正因為牛奶味重所以芒果醬唔多就唔會蓋過牛奶味（9/1

 香港人壓力大，有時想逃離去另一個空間洗滌心靈。閙市中尖沙咀有森林秘境，令人舒舒服服把酒談心，店內佈置設計精心佈局，走過大樹、書架、火爐、木馬裝飾，彷彿置身於歐陸式大屋內食晚餐 酒吧角落有Beer Pong玩樂設施 店內雞尾酒獨一無二， 我杯雞尾酒用桃味冰球加上Raspberry、Vodka酒調製，面層加上金薄同魚子點綴，入口清新！如果不嗜酒的朋友，店內亦提供多款無酒精飲品酒吧餐廳佐酒小食、主菜、雞尾酒精緻創意 Set Dinner $199起有沙律、餐湯、主菜、甜品南瓜湯香濃幼滑沙律菜新鮮爽脆加上芝麻醬好開胃  前菜：海膽汁燴墨魚仔
墨魚仔幾爽口，香辣海膽汁幾惹味 前菜：銀魚柳多士蕃茄莎莎
薄脆麵包配上蕃茄莎莎好清新，加上微鹹銀魚幾惹味
 主菜：燒西班牙黑毛豬 $238
豬鞍差不多一寸厚，外層燒得香。切開帶微微粉嫩，見到肉汁，入口軟屬Juciy 肉味鮮嫩，配上旁邊芥辣味道更好  主菜：意式香草醬意大利飯伴低溫慢煮雞胸 $199我本身都好鍾意慢煮，低溫慢煮雞胸質感特別軟腍，寧舍有雞味。而意大利飯味道唔算creamy，有陣陣香草味，食完成個飯都唔會有膩感覺 甜品；芝士蛋糕芝士蛋糕甜度適中

朋友話呢間幾岩拍拖 所以就Book左黎同男朋友兩周年紀念😚呢度係柏板既隔離 細細個入口落到地庫 我地兩個人佢都比左張3-4人台 好闊 坐得好舒服而且環境好清憂 好浪漫有小小音樂 唔會太嘈 好岩first date黎食裝修得好有格調 好classic既西式風格有一個酒吧咁 座位間有個大酒櫃隔開大家好高私隱度 好有「私竇」feel有個暖爐 柴火 同埋有隻大木馬好岩打卡🥰 見到都有家庭黎聚會～成家人開枝紅酒 🍷好識享受一個set都係$199 價錢又唔貴啵我同男友一人叫一個包左沙律 🥗 南瓜湯 前菜 同埋 甜品沙律同麵包都好好食 沙律酸酸地有胡麻醬麵包好脆 南瓜湯勁濃勁香 遠遠都聞到前菜有幾款 試左兩款⭐️銀魚柳多士蕃茄莎莎銀魚柳細細條但味道好濃郁 有點微鹹配落好清新既蕃茄莎莎好夾令成個脆麵包都好好食⭐️自家製蟹肉脆燒賣呢個好好食！脆脆地既春卷皮中間係蟹肉沙律咁 好多蟹肉絲 必點🍽燒西班牙黑毛豬（$238）燒到外層好香 切開入面好Juicy 食落口感好好 保留到好多肉汁唔會乾 🍽海鱸魚柳配海鮮忌廉汁（$199）冇骨 魚皮煎到好香 食落魚肉好嫩滑有三大塊～再配埋小小菜

今日無帶諾諾，因為約咗朋友Girls talk😗搵咗位於尖沙咀近K11 嘅地庫西餐廳Time Park Lounge 食飯傾計。 當日6點就到，所以未有其他客，可能自己揀靚位坐，環境氣氛好好❤️佈置好有心思👍 Dinner set 由$199-378 都有，以環境同地段嚟計唔算貴，我同朋友叫咗 燒西班牙黑毛豬$238 同 海鱸魚柳配海鮮忌廉汁$199，而前菜叫咗 海膽汁燴墨魚仔 及自家製蟹肉脆燒賣（兩粒）；食完晒因為重傾緊，所以再加多個雜錦小食拼盤 $98。 上菜唔算慢，傾計時間又過得特別快，是日餐湯連沙律就嚟啦，湯係南瓜湯，好味，唔會好稀，應有水準級數；要讚嘅係餐具，碗嘅隔溫好好，賣相令人好開胃👍 前菜：自家製蟹肉脆燒賣 賣相好靚，亦好有獨特性，味道唔錯，但唔係好覺係蟹肉😂 前菜：海膽汁燴墨魚仔 同樣賣相好精緻，汁有少少辣，墨魚仔食得出好新鮮，加埋溫室豆苗（唔肯定？）食好新鮮主菜：燒西班牙黑毛豬$238，擺盤靚，賣相好吸引❤️厚肉，但唔難切，入口唔乾身，點埋芒果醬汁食到有鮮甜肉味🤤，火速食完主菜：海鱸魚柳配海鮮忌廉汁$199,擺盤有少少過咗火😅，講返魚柳份量有3塊都ok,