功夫點心

营业中

休息中

創意傳統並重 - 功夫點心真係唔係放假都無咩可能咁有閒情去吃點心，今天一試北角的功夫點心。點心$20一款左右，蝦餃燒賣可逐粒點$9﹐岩哂二人世界蝦餃餃皮煙韌軟熟，脹卜卜，咬落盡是爽口蝦肉，筍脆肉鮮，好吃。蒜香蝦春卷即點即炸，香脆可口，成條由頭到尾都係蝦夠足料﹔特別推介佢地既鳳凰煎糯米雞，兩邊是煎的，飯焦脆卜卜很美味，聽說是得獎作品。藥膳雞腳煮得入味；燒賣就不過不失，茶位$4埋單$120有找，很悠閒的假日下午茶呢！

今次係第二次光顧，上次帶媽媽食完一次，呢次帶男朋友去，可惜無甘好食lu.......兩個去食點心，呢樣又想食，嗰樣又想食，加上我個人甘為食蝦餃，燒賣係男朋友飲茶必點嘅，呢度有樣好，可以逐件甘樣點（兩件起計）蝦餃唔錯，夾起時個皮唔會爛，入面除了為左辟腥嘅胡椒粉外，仲加入左黑椒，幾特别！燒賣就覺得一般，入面好大舊肥肉！腸粉皮薄，而且都好多料今次呢碟香煎糯米雞，的確好香脆，但一咬落去滿口都係油，比上次失色了到最後，想講兩次黎呢間食店都係無服務可言。當晚九點幾去食，入面只有兩，三枱客，我倆入去自己揀左張枱坐下，叫服務員開左茶，落單！我係鐘意食辣嘅朋友，想叫一碟辣椒油，但舉手一陣都無人理，樓面面人，只見收銀枱那邊有兩位服務員坐著傾計，幾分鐘後，有人送食物上枱，終於有辣椒油啦，唉……想沖茶更加唔洗講如果無咩客，服務係甘，真想像唔到繁忙時間會係點！