Oggi (已結業)

又一個要返工嘅星期六，放工點都要食餐好，就試吓呢間嘅set lunch啦，分別叫咗燒野雞配露絲瑪莉汁（$128）同香煎立魚配檸檬牛油汁（$108），簡單嘅set lunch，有麵包、湯或沙律同甜品麵包好多時 set lunch 都係餐包仔，呢間嘅包有些特別，應該係自家製，熱辣辣嘅包，外要烘得好脆，個心仲好軟，塗上牛油，真係想食多件南瓜湯正正常常嘅南瓜湯、南瓜味濃，又滑！金梨沙律配檸檬油醋汁好多時都係得沙律菜，呢間仲加上梨，好特別，個梨仲好甜，配合檸檬油醋汁，好好味燒野雞配露絲瑪莉汁有兩大件雞，比想像中多，燒得好脆，雞肉好滑，又juicy，仲配上薯蓉、同幾款配菜，薯蓉不是完全打爛，仲保留咗啲薯仔粒，保證真材實料香煎立魚配檸檬牛油汁又係兩件，大大件，又厚，肉質結實，外邊煎得香脆，配上檸檬牛油汁，好清新，女士們一定喜歡普洱奶凍估唔到居然有呢款中西合璧嘅奶凍，好有驚喜，雖然普洱味不太濃，不過好滑，有創意泡芙比較普通嘅泡芙，正正常常，有cream 响中間那款環境同食物質素都唔錯，好適合三五知已聚會

呢間餐廳早排因為龍蝦risotto好紅，不過我對risotto冇乜興趣，今日行過就試吓佢個set lunch啦。Oggi點解呢，原來係「今日」嘅義大利文，大廚希望顧客每日都活在當下，每日都食到好野咁話喎，有意思！裝修仲好有大自然嘅田園氣息添，坐得又舒服，唔錯！麵包應該係自家製，個樣好似唔夠濕潤，但其實烘到好脆，但又唔會刮親咀嗰種，仲熱辣辣添，啲牛油一搽落去即刻溶晒，好開心！南瓜湯冇乜特別，口感都算滑溜及有南瓜甜味金梨沙律配檸檬油醋汁個梨好甜，配合檸檬油醋汁徘徊在似酸又甜之間，好好味燒野雞配露絲瑪莉汁 ($128)賣相好有心思，隻雞亦都比相像中大隻得多。燒得非常非常脆口，我唔食雞皮都忍唔住食咗啲，雞肉肉質唔鞋口仲好juicy，汁鹹度適中，點嚟食非常好味！下面嘅薯蓉入面仲有啲薯仔粒，口感雖然冇咁滑，但起碼知道係自家製唔係開粉吖；其他配菜都燒得好好味香煎立魚配檸檬牛油汁 ($108)2塊魚咁多？仲幾厚添喎，以一個正常女仔食量絕對夠食有多！外層煎得金黃香脆，魚肉實淨，檸檬牛油汁有淡淡嘅檸檬清香，食起上嚟好天然清新，去除咗牛油汁嘅油膩感普洱奶凍成間都係主打食西餐，突然個甜品咁中式，真係好有驚喜！