本家韓國料理

营业中

休息中

太耐太耐冇得飛，唯有為自己製造個偽美食之旅啦😆食韓國嘢，好多人都會推介呢間餐廳 - 本家韓國料理身邊好多朋友都會提醒：1。絕對要book 位，walk-in 係絕對冇可能會順利好快入座💁🏽‍♀️而我親身嘅經驗係，我有book 位，早到咗大概5至10分鐘，好快亦都好順利可以入座2。佢哋服務態度差，要有心理準備💁🏽‍♀️而我親身經驗係，因為佢哋要為客人親手燒肉，繁忙時段，冇足夠嘅人手係可以理解嘅同埋佢哋大部份嘅人都係講韓語，韓語俾人嘅感覺可能相對粗魯，但我完全唔覺得係服務態度差！另外反而可能因為佢哋大多數人都係講韓語，好有置身喺韓國嘅感覺😅 正好切合我嘅韓國美食之旅！至於美食：當然唔可以唔推介呢度嘅醬油蟹啦🦀佢哋完全理解到打卡嘅重要性😆整碟完整嘅醬蟹上枱給你打卡之後，仲會悉心幫你拌飯放回入蟹蓋中之後會將蟹膏放喺頂部正中間再次給你打卡用⭐️另外想推介嘅係燒鱔😋佢哋會有專人幫你燒，絕對唔需要擔心自己唔識、或者會燒衰條鱔！建議食法：最好配以醃紫蘇葉食！絕對係味道嘅昇華！超正㗎！👍🏽

冇幾耐之前先嚟過不過上次得兩個人食唔到咁多嘢今次四個人嚟食餐勁醬油蟹好食唔使多講蟹膏拌飯正到爆今次終於有機會叫燒鱔店員會幫你燒 完全唔怕掌握唔到燒好後點鰻魚汁加薑絲再用餣紫蘇葉包住食好味到形容唔到燒肉仍然好正 牛肋骨肉係highlight 連提供用嚟包肉嘅蔬菜都好新鮮前菜都好出色款款都咁好味感覺真係好似去咗韓國咁泡菜煎餅相比其他冇咁特別但都煎得好脆只係其他菜式太出色所以先會覺得被比下去總括嚟講係非常高質嘅一餐

想同大家推介尖沙咀呢間好正宗嘅韓式餐廳，好近尖沙咀地鐵站。好彩今次book左枱，所以好快就可以入座啦。職員好多都係韓國人，好親切，一坐低就同我哋介紹有咩好嘢食。今次我哋試咗韓式燒牛肉同埋燒鱔，超級超級好食😋🥰 最特別嘅係職員會過嚟幫我哋燒埋🤩🤩 所以全部都燒得啱啱好，同埋會教埋我哋配邊個漿食會好食啲，服務超級好 💯 如果鍾意食泡菜嘅話，都可以試吓泡菜餅 😋 呢個餐廳好適合一班朋友一齊嚟，可以試多啲嘢食😝