三多炸肶 (已結業)

三多炸肶出晒名係神級炸雞脾依樣野我一早就知無奈好少有機會入到大埔親臨本店一嘗，不過今日有時間就近近地去左旺角分店試下！點解我會話依間野係唔顯眼？因為間野位於旺角唔算人流多嘅街入面食雞脾最緊要就係試下佢塊雞皮，所以唔食皮係一種罪黎嫁就咁一隻三多炸肶價值$30，而我今次就要左個套餐有一隻三多炸肶連一杯爆檸三多炸肶套餐 $49三多炸肶 (少辣)我今次就試左少辣味嘅炸肶，唔係因為我唔食得辣只不過我怕叫大辣就只會食到辣味，而食唔到雞肉味一咬開隻熱辣辣嘅，塊皮脆到會發出「吱」一聲仲會有少少雞油流出，加上雞肉肉質結實。唔會好似其他鋪頭咁，食完好似食左空氣落肚值得一試爆檸爆檸其實係檸檬茶加上蜂蜜粒粒當你咬爆蜂蜜粒粒果陣就會流出蜜糖味中和返檸檬茶嘅苦澀味，不過我自己就覺得唔算太特別總結黎講，三多炸肶絕對係一生人入面點都要試下話晒而家好食嘅炸肶買少見少，但配唔配套餐黎食就睇下你個人鐘唔鐘意飲檸檬茶啦鐘意飲的話一試無妨 

三多炸脾終於開到旺角啦，唔使山長水遠入大埔，約齊朋友三個去食餐勁，超飽肚。店內三邊都是高身枱櫈，如食快餐/小食，透光度高，幾光猛，地方算乾淨。店鋪細細，都有幾多款食物，有腸粉、沙律、撈麵、小食、炸物、粉麵及飲品。當然唔少得炸肶套餐。飲品都幾特別，黑牛、金牛都估到係咩，但爆檸、柯檸你又知唔知，睇完介紹就點黎飲。點了炸脾餐$48，包一杯爆檸。柯檸$32。兩杯都有20安士，大大杯夠哂解渴。柯檸個名有點搞笑，原來是橙溝奶，放心飲啦，不但唔會肚柯，味道仲幾好飲。有橙味又有濃濃奶香，味道夾到，而且沙冰打得細滑無粒，仲有陣雲尼拿味，好特別丫。爆檸就是凍檸茶，但除了大杯左，仲多左其他野，睇睇杯底，有好多爆珠，原來檸茶加蜜糖味爆珠，一路飲一路咬粒爆珠，口中爆開都幾有口感幾刺激。三多炸肶套餐 $48，有三多炸雞脾加一杯爆檸，都幾抵食。雞脾超大隻，成隻手掌咁大。外皮香脆又夠薄，雞肉仲超多肉汁，果然不會乾，肉質仲鮮嫩有彈性，醃得好入味。沙爹豬頸肉撈公仔麵 $45好多沙嗲 醬汁，仲好香，夠醬撈勻所有公仔麵，個醬稠稀適中，令公仔麵掛到好多醬，味道濃郁又惹味。豬頸肉份量也算多，爽口不膩，好有嚼勁。泰醬炒雜菜 $32

由於之前喺旺角山東街嘅「三多炸肶」食過覺得超好食，心思思想再食，所以今日下午我們去咗買外賣自取食！我們買咗沙嗲牛肉撈公仔麵嘅牛肉肉質相當嫩滑，而且份量都幾多，公仔麵好爽口彈牙，沙嗲汁嘅味道好惹味！三多炸鷄脾係新鮮即叫即炸，之前我們係堂食，鷄脾絕對係新鮮香脆，但今次係外賣，隔咗一陣先食，依然都係咁鬆脆，唔會變諗咗，真係超正呀！炒腸粉上次我們食過香辣嘅，所以今次就食豉油肉碎炒腸粉炒得好夠鑊氣，腸粉吸收晒豉油嘅香味，質感非常煙韌彈牙！三多滷水鷄脾醃製得相當入味，肉質極之嫩滑，滷水汁嘅味道調教得恰到好處，味道唔會過鹹！