阿來客棧雞煲火鍋 (已結業)

天氣開始涼又是打邊爐的季節🍲銅鑼灣渣甸中心有間評價不錯的雞煲火鍋店 餐廳環境裝修古色古香又乾淨企理 兩個人來坐四人檯夠闊落 全部火鍋配料可以選半份好貼心 兩個人來都可以試多幾款😄食完雞煲店員主動替我們加湯 服務周到✨馳名重慶辣雞煲(半隻) $168雞煲一大鍋好足料 上檯滾一滾就食得 雞件嫩滑好新鮮 切得大大塊都是多肉的位置😬👍🏻仲可以自己選辣度要了微辣 底料豐富有洋蔥 蒜片 薑 芫茜 味道濃郁吃得出各種香料層次 麻辣兼備好惹味✨牛氣冲天 $68要了雞煲以優惠價加配的 有牛腩牛筋牛舌金錢肚四款 已預先加入雞煲內 全都切得大大塊😍牛腩肥瘦均勻肉香濃郁 牛筋炆得好透夠軟腍 金錢肚同牛舌嚼勁十足又彈牙🐮✨爽脆白鱔片(半份) $68白鱔片顔色晶瑩剔透厚薄適中 好鮮味不會腥 口感爽脆彈牙✨手打四寶丸 (半份) $52四寶丸有齊鮮蝦丸 墨魚丸 牛肉丸 豬肉丸 四款口味都可以試勻 味道都很不錯 口感爽口彈牙 最喜歡鮮蝦丸 吃得到蝦肉的鮮甜可口✨野生竹笙 (半份) $56竹笙看上去就知道新鮮 顏色白夠厚身 口感脆嫩爽口 煮久了都不會太軟爛 而且能盡吸湯汁精華✨皇帝菜 (半份) $28皇帝菜清洗得乾淨好鮮

今日又食到一間味道唔錯嘅雞煲火鍋，位於銅鑼灣嘅阿來客棧，環境都唔錯坐位十張枱左右，有房間啱晒一大班朋友，首先梗係要試吓雞先啦，味道真係唔錯又香又濃大大舊雞肉，如果鍾意食辣就可以叫大辣，今次試左少辣就正常又唔會好辣配料方面羊肉片真心唔錯夠羶而且又切得唔會太薄韮菜餃雲吞亦都係自己覺得必食嘅，皮薄又好香韮菜味，絕對係韮菜迷必試雲吞又有大隻新鮮蝦👍🏻白鱔片鯇魚片食落都算新鮮牛肉有肉味厚薄啱啱好，不過就有啲根位少少靭黎個總結味道環境我覺得可以嘅，港島港區又想打邊爐又想食雞煲又多一個新地點喇

上日文堂之前又喺銅鑼灣搵嘢食，好耐冇食雞煲，喺OpenRice搵到呢頭開咗間新嘅，就去食吓。餐廳做緊「優惠三重奏」，幾款口味嘅雞煲都半價，仲有特價配料同糖水送，好抵食！唔駛等好耐個雞煲就上菜喇，我哋叫左「重慶辣雞煲（少辣）」，一隻雞嘅分量好多吓，兩個人勉強食得晒，個汁好香濃，雞肉又嫩又入晒味，好好食！食晒大部分雞就加湯再食其他火鍋料，「手打四寶丸」嘅鮮蝦丸、墨魚丸同牛肉丸都好彈牙，鯪魚丸就稔咗啲。「即包鮮蝦雲吞」成粒乒乓波圓滾滾咁好靚仔，食落好彈牙，入面勁多蝦，好好食好推介呢嗰！至愛嘅「爽脆白鱔片」好新鮮，四片大大片大滿足。咦～又點錯嘢，哈哈！點咗「翡翠豆苗」，其實係想食普通嗰隻豆苗，哈哈！「娃娃菜」索晒湯好好食，但就越食越辣，爽！最近一定要講講個「即炸魚皮」，真係炸得超脆，就咁食或者點一點湯都超好食，又大塊份量又多！最後上埋綠豆沙，唔太甜感覺好滋潤，食完火鍋下吓火啱晒。聽店員介紹呢度嘅廚師係「來來雞煲」嘅班底，食物水準相當高！食完好回味嘅雞煲！