やき肉 (元州街)

营业中

休息中

呢間やき肉，性價比好高！有好多款唔同既燒肉套餐可以選擇，份量都可以隨便選擇，食多食少都有得揀！呢度既燒肉係一人一個爐既，全部都係對住牆既位，所以就算得一個人黎食都唔洗驚尷尬😌  呢度係自助落單既，每一個位都有部機比你禁，自己想食乜就自己禁。另外呢度既抽風系統做得好好！食完之後都唔係好覺個身有陣燒肉味👍   1⃣️牛五花（100g）（$46）跟餐有湯、飯同埋泡菜。湯係牛骨湯，飲落偏鹹🤔入面有啲海帶。飯就好大碗，另外有一碟細細碟既泡菜。牛五花有得揀要鹽燒定係燒肉汁，揀左燒肉汁，有啲肥位，食落都唔錯。另外好欣賞呢度有好多款醬汁可以自己倒，有蒜蓉汁、檸檬汁、味噌、辣醬，個人最鍾意蒜蓉汁同埋味噌，同牛味好夾🤤46蚊一個燒肉套餐真係好抵食！  2⃣️牛板腱（100g）（$63） 呢款套餐就唔揀泡菜，揀左跟枝豆，一樣有飯、湯。牛板腱都係揀左燒肉汁，冇牛五花既肥位，食落牛味會重啲😚  

最近多了不少一人燒肉的舖頭。本人又未試過，所以去了深水埗與長沙灣中間的這間店試試餐廳位處舊區之中，由黃金商場往寶血醫院方向走，穿過寶血醫院再走一會就看到了。雖然舖頭不大，但座位ok多，坐起來還算舒適。(不過無位放袋🙈)裝修有點像某連所日式吉列餐廳的感覺，整體明亮而且有乾淨感。枱面除了個爐外仲有水、紙巾、杯子＆醬料，而枱面下的櫃桶就放了餐具。員工友善，講解清楚，有問題也立即前來幫忙，非常勤快👍每個位都有一部ipad供客人下單，介面清晰且有圖片提供，唔怕落錯單。送餐速度很快，落單約5分鐘左右就送來，送餐時會順便幫忙開爐。🙂價錢方面，食過燒肉的人都知🤭唔貴且免收加一。味道方面因每個人口味各不相同，而不作詳述🙈(請參考附圖)

常常經過見到呢間好日式的一人燒肉無咩人排隊 但價錢好平好平今日決定試下佢超抵既下午茶燒肉！佢介乎於深水場至長沙灣一段位置不算旺 不太顯眼～門面很日式，店員很有禮貌，幫我地員好消毒液再請我地入去坐低。有用心講解，下午茶要請店員落單，其他餐或單點就可以用自助點餐機下單。我地點左2個下午茶餐，一份豬五花一份牛五花。下午茶真係好平，最貴都係混合肉$38（豬+雞或牛+雞）～我地都不好食雞，所以單點牛同豬都係$36👆🏻呢份係豬五花，份量唔少架～👆🏻牛五花，唔錯～Set包埋泡菜，一碗白飯。可以另加錢$4轉烏冬/ $3加汽水/ $5加烏龍茶，我地加$5烏龍茶，係日本烏龍茶～因為睇門外有promote，牛腹五花$19碟！甘就梗係加碟試試啦～嘩～好食架喎～最後encore多一碟👅真心講以呢個價我無期望係咩靚肉。但老實說，佢一定對得住個價錢。$36個餐$19碟肉，無加一服務費，又有得燒下過下癮真心正！調味料可以自己添加，有五款醬包括味增，檸檬，蒜蓉，醬油，韓國辣醬同埋鹽。有時想過下燒肉癮日本癮，香港食個普通燒肉都唔算話平，咩牛角牛陣牛乜乜閒閒地都$2xx上落～但其實燒肉食唔到好多，太油膩我諗過食到嘔🙈所以呢