樂意扒房 (已結業)

3Aug2007 1320剛剛係附近見工後，硬膠膠唔知去邊度食，諗起這裡未幫襯過，未捨得食夜晚，睇下有冇午餐，點都平一點。午餐有平有貴，我就點了最貴的，也不須要一舊水。先來一客羅宋湯，比一般的濃，無論配乜類型的麵包加牛油，浸落去再上水入口，絕對係另類飲食的「集體回憶」；主菜係烤牛扒，還配薯仔粒及雜菜，牛扒沒有叫幾多成熟，表面亦有過烤爐的痕跡，薯仔不會像其他食店提供「M記薯條」，起碼冇咁悶，俾得你做午餐，質素點都冇散叫好，加上環境「陰陰濕濕」，食埋環境都算值回票價。最後以一小塊忌廉蛋糕及凍咖啡結束，下一步也唔知點行。