Tango Argentinian Steak House (已結業)

我老闆係識食之人，佢介紹之下黎呢度食午飯，鋸扒，飲杯紅汁，好歎啊! 呢度環境好靚，雖然唔大間，但係中環鋸靚扒好多人都識呢間，仲要午餐鋸扒價錢係超抵，二百幾三百蚊引有一大塊靚扒，又有side dish，可以加少少錢歎埋紅酒。# 牛扒 配 紅酒 # ***** **** 9/10Medium well，有少少過熟，但係由於塊扒好甜，雖然食落有少少un，但係都食得出係靚扒! 好大塊，男仔啱啱好，女仔食可能食唔晒添! 食牛扒又點可以無紅酒呢? # 薯條 # ***** *** 8/10好鬆脆，唔係死硬既薯條，咸香牛油味，唔知係咪用新鮮牛脂肪黎炸先至咁香呢?!Weekday 黎食其實都幾快滿座，要黎食可能都係早幾日訂座會安全啲，始終幾多上班族黎呢度歎優質靚牛扒。

Tango 給人的第一印象就是舞蹈。但另一個印象就是南美的熱情。這餐廳就是給人美味熱騰的美食之地，讓人也感受一下美食的熱情。頭盤有新鮮的小蝦及青瓜，鮮甜美味，香脆可口。主角是牛扒，半生熟，外層烤得脆脆的。內層鮮嫩，可口美味，牛味夠濃。配碟的薯條也很不錯，吃得出是鮮炸的，很美味。