包販子 (已結業)

呢間餐廳又冇得book定枱，然後等位等勁耐。等左都有1個鐘先有位坐。門口望到入去，個feel幾好格局似coffee shop。Total 叫左2個set，叫set幾抵食，佢冇收加1，$240二人set又有小食又有飲品！牛油果炸軟殼蟹漢堡 x 3洋蔥芝士大啡菇漢堡x 1鹽酥菇 x 1炸雞軟骨x 1個牛油果炸軟殼蟹漢堡包冇想像中咁好食，但可以叫嚟試，因為個蟹有少小苦，少d炸粉會好食d！洋蔥芝士大啡菇漢堡唔算好特別，個汁幾香，vegetarian可以試呢個！鹽酥菇就幾好食，自己鍾意食啲香口嘢，炸得好透好香口，如果落少啲調味料會更好。炸雞軟骨就冇乜特別，可以唔洗叫嚟試！2個人食叫2人set份量啱啱好！

想食呢間好耐，之前成日會經過，但成日都見到好多人排隊，今日終於的起心肝同屋企人預時間去排隊食，由於疫情關係，某部份座位冇得坐，所以位置變得更加少，我哋一行三人都排咗10-15分鐘。佢入面裝修幾舒服，坐左入去之後心情會變得放鬆，我揀咗北京填鴨漢堡，屋企人揀咗煙肉煎蛋漢堡同埋牛油果炸軟殼蟹漢堡，北京填鴨漢堡老實說，有少少失望，個汁有啲過甜，鴨肉亦有啲鞋口，反而最正路煙肉煎蛋漢堡覺得好好食。甜品方面，帶咗陀地西多，個人極度推薦必叫，佢西多旁邊放咗好多花生，全部用糖去煮過好甜好脆好好食，再配埋個雪糕喺面，超正，難得一間好好食嘅黃店推薦