梔子

营业中

休息中

每個月都會去山林道一次，每次經過呢間店都想試下。 有次黎無book枱食唔到，今次平日lunch hour 驚喜地有位！店內大約20個位，坐得舒服。 裝飾都好有格調。Lunch menu, 一行二人叫左bagel 同雞肉意粉+ 開心果蛋糕。 Cake menu 好靚，係人手畫既，仲解釋埋每層係咩。 先黎左牛油果bagel, 店員有問要唔要熟蛋，但都係太陽蛋吸引d. 呢個包係芝麻皮，好香， 牛油果有半個，加太陽蛋，連埋cream cheese 食落口好滿足！而沙律都好fresh, 推薦！ 呢個雞肉黑松露意粉就無咩驚喜， 松露味唔夠特出。 而份量覺得偏少。 朋友話呢個係必叫。 食落口係好真既開心果味，淡淡的，每一層加埋都幾配合。 好食既。 玫瑰花茶，一開始飲酸酸地，再飲就飲到蜜糖味，好養生，仲可以無限續杯，推薦。

好想同朋友談談心，選擇左方便大家既尖沙咀。店既位置係近佐敦站，但尖沙咀行去都算方便，另外門口有泊車錶位，但都要睇下好無彩，因為長時間滿位。到店既時候5點，差不多full house。店員問我有無訂檯，我地約得太即興無訂位。好在當時門口高檯既客人岩岩埋單，於是我地就可以呷住咖啡望下街景。坐底後店員好細心講解當日有咩係售罄，而且我地亦可以細看店主開舖既故事。最低消費一杯飲品，食物不計在內，限時90分鐘。環境以簡約色系設計為主，好令人放鬆享受。牛油果smoothie好香牛油果味，但唔會太膩，飲既時候會食到牛油果肉。其他食物，飲品及甜品都好味。將來又可以同朋友黎飲下野傾偈，下次一定要飲酒

哩間cafe位於山林道，地點方便。而餐廳環境簡約，充滿曰系小清新feel餐廳仲有向街既bar枱，打卡一流先講飲品，Coconut coffe有咖啡香，配埋椰子水有好fresh 既感覺。另外既熱香矛搞檸茶，茶味不夠香但有一好處係可以refill熱水再飲牛油果bagel 味道可以，牛油果數量充足店員亦好細心提我地要快快食因為凍左個bagel 會硬。大蝦意粉要讚，有小小泰式風味，好食👍🏻水牛雞翼好普通，價格亦偏貴建議可以唔洗試🤗