Banh mi pate (Vietnam Genuine)

营业中

休息中

食物高質有水準，由越南人打理好正宗嘅越南菜，唔怪得知係明星小店，有咁多藝人名人黎食。店員詳細介紹，呢度嘅signature食物係法包，火車頭河粉，扎肉雞絲河，牛油雞翼。 佢哋俾嘅水都係香茅水，好香有香茅味。叫咗個前菜，牛油雞翼，脆口，入口食到香濃嘅牛油蒜蓉味，食幾多隻都唔厭。同埋兩個撈檬。豬肉撈檬，好味，加咗好多配菜：花生，青瓜，香蒜蒜片，好足料，再配埋越式配料酸酸地好開胃。春卷撈檬，食得出個春卷係即叫即整，好香口鬆脆，唔油，值得推介！！成餐飯好滿意，無野可以挑剔，會再encore!!

呢間餐廳係明星小店，好多藝人名人去食，食物非常有水準，性價比高，服務好。 我地差唔多八點入座，星期五晚都不停見到佢接外賣嘅order，好忙。我地叫咗一個小食，牛油雞翼，肉質飽滿大大隻，皮薄骨細，金黃脆口，內裏肉質滑嫩多汁，好味。 雞絲檬撈檬，好厚切嘅雞肉，保持肉質細膩，搭配魚露、花生碎等配料，夏天食非常開胃。 特別鍾意佢地嘅春卷，所以叫做個粉絲春卷撈檬，外層好香薄脆嘅春卷皮，經油炸至金黃酥脆。撈檬嘅醬汁魚露酸甜適中，增添一份清新。每一口春卷搭配一勺撈檬醬汁，既有春捲的香脆，又有醬汁嘅酸甜，多層次的口感體驗。非常推介，會再encore！！