四面泰泰式火鍋

营业中

休息中

同朋友行行吓街見到有間新開張嘅泰式火鍋，裝修幾靚，同埋香港冇乜泰式火鍋，覺得好特別就行咗入去。嗌咗個鴛鴦火鍋湯底，湯底好鮮味，好濃個海鮮拼盤同埋牛肉拼盤，材料都好新鮮。三隻醬料都好好味，好有泰國風味。值得一題，佢哋嘅河粉，好滑好好味，配埋個冬陰功湯底，簡直係一流服務都好周到，侍應會經常會幫我哋加佢湯，唔使自己叫。覺得值得加分嘅位係，加嘅湯係真正嘅湯底，而唔係清湯。飲品都好多選擇 想試晒佢哋定價十分親民，一定會再返嚟食。

放工同男朋友經過，見到新開張，唸住試下。首先門外已經好吸引，因為有免費蝦片、水同糖果派發，等位都可以輕鬆D。店員服務態度好好，好主動派野食比我地。入到去雖然冷氣有d唔夠，但都坐得好舒服，位置一d都唔逼。叫左個二人海鮮盤同牛肉盤，價錢合宜，海鮮都新鮮，牛肉靚好味，擺盤有乾冰，賣相不錯。店員好主動為我地添水和加湯，完全唔洗我地叫，服務態度很好。而且不限時食嘢（約2hr）比起放題可以輕輕鬆鬆食。自家製醬汁好好味，椰青又大又多肉。絕對會再來！希望質素可以繼續keep住！👍🏻

湯底好好飲，食材新鮮，真材實料，牛肉拼盤入面有四款牛肉，真係超抵食嘅價錢！其他嘅泰式小食都冇得挑剔，全部都好正，唔錯啦！有機會會再嚟食㗎！值得推介比在附近朋友嘅好去處！嚟到呢度食嘢環境裝修都好精緻，感覺唔錯！overall就係抵食，好食！