雅高·33

营业中

休息中

今日同朋友喺荃灣行街，相信大家都知道荃灣真係好多餐廳，而且間間都有佢哋嘅特色今日同我好朋友行過呢間Artco33，見個名好特別，所以入嚟試吓一坐低睇下個餐牌，見到都幾多嘢食，而且嘢食都唔算好貴，加少少錢仲有嘢飲同埋甜品我同朋友都叫咗個餐，今餐有香噴噴嘅蒜蓉包、湯同埋沙律可以見到佢個羅宋湯入邊都幾多料架，而且個湯都好濃，唔會有味精嘅感覺餐飲我就叫咗一杯熱奶茶，大家見到都幾香濃，入口都算幾滑首先嚟嘅就係呢個小菜—田螺焗薯蓉，我同朋友都幾鍾意食田螺，呢度嘅田螺入口都有彈性，薯蓉都好香，成個小菜都算幾好味呢個特色焗蠔都算幾犀利，芝士味好強烈，但入口又唔會好肥膩，都算幾高質素再嚟就係主菜啦，牛肝菌野菌忌廉意大利飯嘅菌味真係幾濃郁，入口好香，鍾意食菌嘅朋友一定唔可以錯過嘩！英國德國鹹豬手真係冇得頂，可以見到佢肥瘦剛剛好，入口即溶嘅肥膏，加上好有口感嘅瘦肉，＄168呢個價錢食，真係抵到爛最後我哋揀咗個甜品—心太軟加雪糕，好多餐廳嘅心太軟基本上都唔會流心，等呢間餐廳又真係做得到流心喎，加埋雪糕一齊食真係極品總括嚟講呢間餐廳嘅性價比都算幾高，好啱一家大細嚟食

哩間西餐廳係住喺荃灣既朋友介紹，佢話好食而且價錢又實惠。打開餐牌都好多選擇，淨係晚餐同廚師推介都超過10款。價錢大眾化，好似好正咁！跟餐揀左紅湯，蕃茄濃味，正！蒜蓉包好香呀，脆卜卜，仲有個沙律食。我地點左牛肝菌意大利飯，好香濃，份量大碟。意大利飯煮得岩岩好，唔會太硬，牛肝菌味混埋忌廉真係好夾，我同朋友清晒成碟。我地仲點左份廚師推介既烤黑毛豬，好豐富呀！黑毛豬扒勁厚，爽口得黎肉汁仲保留。仲有伴意粉同烤菠蘿，燒菠蘿真係好甜，夾埋豬肉食好正！跟餐加左杯特飲，朱古力雪糕加入可樂飲好正，天氣咁熱飲番杯真係勁爽。下次黎開荃灣搵食再黎食先！

搭車經過好多次，但一直都未試過，今晚打完波終於食到了。晚上大約9：45人流不多，去到已有位四個人點了四份晚餐齊齊share↑牛肝菌野菌忌廉意大利飯忌廉太濃，蓋過了菌味，一個人吃一定會太“漏”沙樂美腸睇薄餅薄底好香脆，芝士香而不太濃，沙樂美腸都有幾多片，98蚊有12”餅，味道又唔錯，超讚鮮蝦忌廉野菌墨魚汁意大利粉哈..打緊食評先留意原來四款晚餐三款都係有芝士，原來我地係芝士怪😂😂😂依個墨魚汁意粉，食完唔會成口連牙都黑麻麻蝦大隻且彈口有蝦味(冇雪味)香煎澳洲牛肉眼頗大碟，點了7成熟，廚師手勢剛好7成，肉眼很“霖” 冇筋。薯菜熱辣辣冇索滿油，應該是即叫即炸。值得推介晚餐送餐湯及飲品，四個人吃得很滿足