牛極 (樂聲大廈)

营业中

休息中

前排石燒牛好hit啲餐廳多到無哂質素, 最近行開記得心前試過呢間牛扒專門店, 就再去左試下lunch嚕呢度嘅牛扒集合左靚肉質嘅貨源，有唔同部位比客人自己揀😛上菜時會係大概一成熟 大家可以慢慢煎成心水嘅生熟度🙈今次同同行朋友都揀左180g嘅牛肩扒,都好大塊絕對夠多一個人食😂肉質都好淋 配埋黑椒同蒜蓉煎出黎更加香餐廳都以自助形式有任食沙律、珍珠米飯同牛肉湯。牛肉湯依然高質, 胡椒味偏濃 完全唔會有牛臊味！

對住銅鑼灣電車站的牛極是我認為最抵食和最好食嘅石燒牛。它用自助售票形式，自選牛扒的不同部位和重量，同時還提供白飯、湯和沙律任食。我一個女仔要了最平的180g牛肩扒（$85），加埋任食的部份，都已好飽。牛肩扒Top Blade Muscle顧名思義，是取自牛的膊頭部位，肉質較結實，但去筋位之後就會變得嫩滑無比，而且肉味十分濃郁，可說是性價比高的牛扒。牛扒好快便來到，快手去自助位取白飯和醬汁先，它的自家製燒肉汁和辛味芥末燒汁都好好味。180g都有成隻手掌長，放在已燒熱和有凹凸位的岩石上燒，我喜歡加蒜蓉一起燒。第一刀切開通常都比較生，將生的部份反轉向石板再燒一下就剛剛好，食完頭兩刀後，熱石板已開始降溫，不會令餘下的牛扒過熟。總之整個過程很順暢，除了中間有一小粒硬筋位食唔到外，整塊牛扒都嫩滑、香濃，生熟度剛好。食完牛扒我才會飲湯、食飯和食沙律。日式牛肉湯很清甜，洋蔥煮到腍晒，甜味完全釋出，又夠熱，好好飲。珍珠米飯灑點紫菜粉，椰菜絲沙律加日式芝麻醬，好滿足。

黎幾日寒風殺到，朋友提議去食鐵板牛肉暖暖身🤤🤤知道銅鑼灣開左間唔錯嘅鐵板牛扒店，二話不說走咗去試吓。餐廳裝修好新淨好光猛，一入去就見到個沙律bar，沙律麵豉湯同白飯都係任添，醬汁都係自助式，啱晒我呢啲大胃王😝———————一上枱就聞到好香嘅牛肉味，牛扒上枱後會好貼心咁搵張紙巾遮住塊扒，等d汁唔會彈到四圍都係。牛扒大概三四成熟，切開後再用鐵板燒到自己理想嘅熟成度。牛肩扒食落唔會好似牛柳咁林，牛肉味亦相對較重，唔錯唔錯🤤牛柳比牛肩扒更林更易入口，切開燒完後牛肉嘅香氣撲鼻，食落牛肉好嫩口，成個口都係充滿着牛肉味，同牛肩扒平分秋色🙊🙊

前幾日經過見到新開店，便入去試吓，叫左個牛肩扒，上菜速度非常快，好細心咁有張紙嵌着個扒，避免啲又飛晒出嚟，值得一讚。牛扒極之霖又多汁，味道好好。估唔到連個牛肉湯都有極多嘅鮮嫩牛肉喺裏面，我飲咗四碗極之滿足。好想下次快啲去再食。