燒肉LIKE (新城市廣場一期)

营业中

休息中

今日同朋友突然想食燒肉，攞飛後大約等半小時有位，入坐後用餐時間1小時還枱，一人一爐，QR code 落單即時Alipay 八達通，credit card付款，每張枱餐具醬料全部齊全，差唔多全自助！一個和牛set 200g肉 ＄158，飲品，紫菜飯等可另加＄配搭！也有單點食物，order 左牛舌$68！味道ok，以百零蚊算幾好！

沙田開咗哩間日本過江龍，我同朋友都慕名而來，試下哩間一人燒肉。嗰日我哋午市時間去食，午餐時間都幾多人，我哋等咗差唔多一個鐘。我哋係等嘅時候梗係打開餐牌諗定食邊一個餐先啦，我哋都不約而同揀咗Like套餐，有齊牛五花、牛舌同埋橫隔膜肉。當我哋入座，我見到餐枱上有6種唔同嘅醬，又有黑椒同海鹽，隨時可以轉下口味。而上枱速度都十分之快，電話📱落單之後過咗一陣就嚟咗飯、湯同配菜 (雖然哩啲都唔算得上啲乜，𢳂飯、裝湯要幾耐，但係對肚餓嘅人嚟講，都幾恩惠㗎) 無耐，肉都嚟埋啦。牛五花當然係燒肉入面嘅標準配置，有肉味又有油味。除此之外，牛橫隔膜肉都值得一讚，佢充滿肉味，唔輸俾牛五花，但係唔鍾意厚肉嘅就可能唔好點哩一道，因為佢要咬好耐。至於牛舌就略嫌唔夠厚，燒完縮咗好多，牛舌咁都正常嘅，不過食落就無咗份口感。記得帶卡、八達通或者其他電子付款工具呀，因為我當日去食係唔收現金㗎 (唔知係咪間間分店都係咁🧐)

黎自日本嘅人氣過江龍餐廳喺台灣、日本唔同地方都有好多分店～今次終於嚟到香港啦😍標榜美味、快捷、超值嘅燒肉體驗😋一個人都可以食燒肉😍最平$48就有一個燒肉套餐🤩食完之後真係覺得物超所值！超級推薦大家😋.全部定食都會配搭白飯，湯，泡菜或迷你沙律🥗白飯份量亦可選擇100/200/300gram (不會額外收費).🔥叫咗個Like 套餐(250g) $115包括有牛舌、胸腹肉、橫膈膜肉😇每一隻肉牛味都非常濃厚🤩最鍾意一定係橫膈膜肉！油脂分明 肉質非常細嫩😋超級推薦！另外薄切牛舌嫩滑軟腍 令人吃上癮🤗厚切牛胸腹肉肉味濃郁，大大勝過坊間的肥牛級數😆餐廳總共有幾種醬汁提供：燒烤味醬汁、鹽醬、辣味噌醬、蒜香沾肉醬，亦可叫餐廳提供檸檬作調味😆.🔥另外叫咗三部合奏套餐選了300g $105有🥩牛胸腹肉、🐷豬頸肉、🍗雞腿肉肉質都非常鮮嫩可口雖然Like套餐和這個套餐都有牛胸腹肉但相對上Like 套餐的牛胸腹肉較為好味d唔知係咪因為部位有少少不同的分別🧐讚整體來講真係好值得推介大家嚟試😇.