錦 (已結業)

同事介紹，今晚girls night嚟試呢間係富豪酒店入面既日本串燒店。 門口係好日本居酒屋咁，入到去鋪仔細細。有bar枱。師傅對住你就係炭爐度燒緊串燒。感覺好正宗咁但一坐底就出事，咁熱既？！本身入到商場已經覺得唔夠冷氣。問返鋪頭，佢話本身個中央冷氣就唔夠。重要嗰日好似壞壞地。好彩我有自家風扇仔。唔係真係幾好食都頂唔順講返野食，好食既。尤其是個雞肝，燒得啱啱好，好滑。希望佢地快d搞返好個冷氣。如果唔係，真係要等冬天先好嚟

呢間小店應該係串燒比較出名嘅但因為我每次嚟都係午飯時間所以並冇機會試係咪真係實至名歸不過呢度嘅lunch set都非常唔錯最多人點嘅係燒雞串定食次次叫親啲侍應都要問下仲有冇先落單燒雞串定食有三串再加飯最上嗰串係雞肉中間有啲青椒🫑中間嗰串係紫蘇葉包雞 好好味😋下面嗰串係雞軟骨加雞肉 各有唔同風味個餐仲包一碗細烏冬仲有一杯飲品係非常不錯嘅選擇由於都係午餐時間嚟所以只好自己追加一串串燒牛舌好好味😋下次有機會一定嚟食晚餐主攻串燒

因為朋友一路都諗住嚟呢度，所以今次就諗住試吓食，一早book左位，點知服務態度令我好失望，心諗，乜酒店既態度咁架咩。不過老實講食物真係算唔錯嘅，首先講下煙肉蠔啊，真係無諗過兩隻味咁match。雞翼就做到皮脆肉嫩，雖然雞腎就好似有啲鹹不過係爽口嘅。真係要讚下蒲燒鰻魚，第一次食到咁好嘅鰻魚，竟然做到皮脆但肉軟，又有味喎又熱，連温度都夾埋果下勁阿。至於個炸飯團做出面有少少飯焦脆脆地又有少少咸味。以佢嘅招牌串燒係特色腸仔加一隻生蛋，但係個腸仔竟然可以混合晒所有蛋味，又夾又好味 但係如果價錢可以平返少少就好拉，不過始終酒店餐廳都算係咁啦個價