Plato Cafe & Bistro (吳松街)

上網見到佐敦區呢間西餐的評價唔錯，於是book左位星期五晚去試下。叫左個至尊2人餐，有羅宋湯，白酒煮大蜆，主菜就揀左豬手同肉眼扒，飲品補左錢要特濃朱古力，甜品係tiramisu。羅宋湯都幾多菜，酸酸地幾開胃。白酒煮大蜆都好好味，D蜆都有白酒味，但略嫌份量太少，只有5粒有肉。牛扒叫左7成熟，煮得啱啱好，牛扒好有肉味，亦唔會太林或太硬。豬手好大隻同有驚喜，首先係個皮好脆，D肉好林好滑，仲有D根連住隻豬手。如果不計儀態，可以成隻拎住慢慢食D骨。另外，兩個主菜都有跟D薯菜，所以都好飽。個Tiramisu都好味，有淡淡的酒味。而杯特濃朱古力好香好好飲，飲到底仲有好多好濃的朱古力。總括而言，呢餐真係幾好味，而經openrice book位仲有discount。

今日約左朋友響佐敦食飯去左一條小街 見到對面街見到有間餐廳好似幾唔錯就入左去試試MENU有好多選擇 仲有唔同SET有SET DINNER 有2人SET我地一行4人叫左款貴D既2人SET另外再單點左一啲野食SHARE套餐包左前菜、湯、2個MAIN COURSE同甜品、飲品當日既餐湯係蠔同菇既配搭味道都幾唔錯 仲有粒粒蠔肉前菜我地揀左白酒青口酒同蒜味均勻 唯一係青口無清走啲海草肉眼扒好大塊 4人SHARE都唔過份要左MEDIUM 上台都無OVERCOOKED肉味濃 食到淡炭燒香脆豬手已細心咁幫手分開左唔洗狠狽咁切開另外單點左2款野食炸魚薯條 炸得好香脆 個漿粉做得唔錯建議落埋少少檸檬汁食會更好味意大利雲吞有驚喜麵皮幾CHEWY GORGONZOLA汁帶蘑菇香 夾埋好好味順帶一提 LIKE左某社交平台就會送一客黑松露薯條薯條炸得好脆身 撤上少量松露醬味道香口惹味 食食下好快清哂甜品係一碟過上既雪糕無得揀味 不過淋左焦糖醬都濃味飲品我就加左錢要左杯特濃朱古力名符其實 朱古力味都好濃 幾好飲

嚟到佐敦想食個輕盈西式晚餐，入到去 “Plato Cafe & Bistro”，坐無虛席，走上一層，另有雅座。點咗個香煎鵝肝多士，一客黑松露薯條及一杯飲品。鵝肝表面煎得甘香，鎖住鮮味，入口溶化，配以開胃醬汁及香脆多士，入口回味無窮，仲有清新沙律菜，清清味蕾，繼續品嚐其他美食。薯條炸得金黃色，上面舖滿黑松露碎。而家只要like&post相係Facebook/ig 就可免費享有呢！味道濃厚甘香，鬆脆美味，令人食過不停，飽肚啱啱好。點咗一杯特濃朱古力，雖然味道唔係特別濃厚，但朱古力味夠順滑，配埋鮮忌廉，與其他食物的味道都合襯，可以一試。

最近試左間西餐廳，係佐敦好方便，上左一樓靜靜地坐得好舒服至尊二人套餐$498，好食兼抵食。必有嘅餐湯及麵包後，頭盤有白酒煮紐西蘭青口，上碟已聞到陣陣撲鼻的香味，大大隻新鮮青口，煮得啱啱好，鮮嫩惹味，眨眼已掃光。主菜共有八款選擇，可以按自己口味選其中兩款，我會推薦德國脆皮咸豬手，上碟時廚師已將豬手預先切好，方便進食。皮很脆，鹹味適中，分量夠大，仲有幼滑薯蓉伴碟，相信很多人都啱食。另一款可以揀法式燒羊架，因為羊架燒得甘香，肉質鮮甜，没有羶味，有少少肥膏反而更酥香，份量適中，亦配有薯蓉。再叫左份鵝肝多士，份量唔多但鵝肝配上莓醬味道突出餐飲㨂咗特濃朱古力，有香滑忌廉，軟滑可口，好飲！ 甜品 加咗$28，升咗級係法式千層蛋糕，每層皮夾有朱古力味，好有層次感，加上鬆軟蛋糕，每啖都香甜可口，令人愛不釋手另一款甜品係雲呢拿雪糕配朱古力蛋糕，雪糕好軟滑，啖啖雲呢拿味，再配埋朱古力嘅香濃，享受美味的感覺如果like Facebook 同IG再post相，仲有松露薯條送餐廳都幾多人幫襯，最好訂定位先

下星期就復活節🐰，夜晚約咗閨蜜食飯兼plan行程💂‍♂️，大家越傾越起勁，亦越講越大聲😅未出發已經好興奮，希望旅程順順利利✈言歸正傳，講返野食先🤣可以散叫亦有set dinner，dinner set 抵食又有餐湯、飲品同麵包條👍由於旅行前想慳d所以一人揀咗一個set餐湯係雜菜湯，味道啱啱好~我點既蒜片欖油白酒鮮蜆天使麵（$158）麵質比較乾身，但蜆肉頗多加$12飲熱既特濃朱古力，朱古力濃得嚟帶有點點黑朱古力既甘苦味，正☕朋友既係龍蝦汁海鮮意大利飯（$178），意大利飯偏軟易入口嗰種，海鮮包括青口帶子同蝦，仲有三文魚。凍榛子朱古力（加$14）榛子味突出，加埋朱古力唔會過甜

今次餐廳係佐敦，都算近地鐵站，裝修風格較為現代，每枱之間都有一定空間，坐落都幾舒服主打西餐，品種都幾多，不論SET DINNER或飲品，喺餐牌上都可以見到唔少選擇 睇勻晒，都係SET DINNER抵食啲，所以點咗一份，跟餐仲有餐湯、麵包條同埋$34內飲品(over $34補差價)是日餐湯係忌廉蕃茄湯，蕃茄味都OK重，加咗忌廉飲落口感更滑麵包條夠脆，但較淡口，唔會影響飲湯時嘅味道，值得欣賞店方嘅細心飲品點咗一杯熱特濃朱古力，面頭唧咗cream，賣相滿分，飲起嚟個人覺得唔算係「特濃」，有少少失望 主菜係法式牛肝菌松露蟹肉意大利飯賣相幾精緻，睇到有唔少菇菌，食落比預期中清淡，味道唔會太濃，食晒成份都唔會好漏，啱晒我口味每一啖都食到所有材料，尤其不時食到一絲絲鮮味蟹肉，連埋清香菇菌一齊，口感、味道都有層次，唯一美中不足係食食吓偶爾會食到蟹殼，如果可以喺拆肉時小心啲就perfect啦不過，總算證明係真正蟹肉啦，哈哈 成個餐睇成上嚟份量唔係好大份，但食晒後都好飽鍾意食西餐嘅朋友不妨一試

今個星期六下午都要到佐敦辦一點公司， 疲倦的身軀撐了一個星期， 都係時候舒舒服服坐低食返個晚餐。 我哋揀咗 佐登 同尖沙咀中間嘅柯士甸道， 就在九龍公園 出口對面 一間西餐廳。 餐廳裝修富有美式風格， 簡約舒服服。 我們選了尊貴二人套餐$298， 計番其實 幾抵食， 隨主菜外還有頭盤小食 ，餐湯同蒜蓉包， 非常豐富， 仲唔使煩惱選什麼吃。加錢升級了龍蝦湯， 有好鮮好濃嘅蝦味， 質地唔算杰身絕對冇打芡汁 嘅效果，而且份量比餐湯更大， 我哋都係share已經好足夠。 蒜蓉包都唔錯， 脆身得嚟唔會乾，蘸湯吃美味。是日餐湯是紫蘇蕃茄湯， 款式幾特別 小小番茄嘅酸又帶紫蘇嘅香。 白酒煮蜆個汁充滿海鮮嘅精華，極度鮮甜， 不過味道太濃太鹹， 好像蓋過蜆嘅鮮甜。煙三文魚凱撒沙律每份都是新鮮即做， 醬汁輕型地剛剛好包著所有蔬菜， 而且有淡淡嘅洋蔥味， 提升成個沙律嘅味道。煙三文魚肉質仍有彈性唔會醃到又鹹又乾， 整體來說這份沙律質素 唔錯。主菜選了法式羊架 配露絲瑪莉燒汁。一客三件嘅羊架， 外皮燒得香脆，order 了7成熟， 感覺有八成熟。 肉質唔算好juicy 同嫩滑， 完全冇羊嘅羶味。 配上rose

今晚約左朋友去佐敦晚餐，在佐敦餐廳數目不少，要在眾多餐廳中突圍卻需要付出很多宣傳、口碑等工作，今天為何選吃此間餐廳，就正因為口碑不錯，經朋友介紹而決定試試，這間Plato cafe & Bistro 好像有兩間鋪，一間位於油麻地、一間在佐敦，朋友提醒我不要約錯地點，因為上次他約錯地點，浪費了很多時間。今晚約了七點，可能雨天關係，都不需排隊，坐下後侍應提供了一埋餐牌，餐牌有很多選擇，有二人套餐，我們點了一份二人套餐（$498），套餐非常豐富，有👇🏻龍蝦湯（需加$18升級，龍蝦味重，湯面有椰汁）、餐包（蒜蓉味重）凱薩沙律（沙律菜新鮮）白酒煮蜆（蜆非常大隻，而且湯汁味濃）特濃朱古力（朱古力味超濃，而且不會落太多冰而溝淡，底讚）西班牙豬鞍架 （份量需少，應該是用低溫慢煮方法，因為肉質超滑多汁，汁醬略咸）安格斯牛扒份量十足，叫了五成熟，沒有鬆肉粉，能夠食出牛扒原味，沒有筋）Tiramisu 重酒味，味道不錯👍🏽！肉桂伴雪糕，肉桂味道口感像中式沙翁，伴上雲呢拿雪糕一流二人餐價錢可接受