Beerliner German Bar & Restaurant (朗豪坊) (已結業)

今日家庭日打算同屋企人食一餐好的，所以選擇了德國菜，對他們來說有新鮮感，而且款式特別，是一個新嘗試我們點了一個德式香草炸雞鎚$82、特色拼盤$253、水煮德國豬手$238先上台的是德式香草炸雞鎚，雞鎚雖然小但每一隻都肉量滿滿的，加上脆炸的口感配上啖啖雞肉香味，一試難忘特色拼盤上台，分別有四種不同的小食每一樣都很特別，是德國菜原有的小食，分別有煙三文魚泡芙、德式香草炸雞鎚、蘑菇酥盒、燒豬手肉絲卷和香脆魷魚圈先說三文魚泡芙是鹹的小食，非常開胃，而德式香草炸雞鎚，肉嫩脆口，細佬一口氣吃了4隻。當中最值得一試是香脆魷魚圈香脆外皮包着鮮味的魷魚口感脆身又煙韌，相當有層次最後上枱的是水煮德國豬手，因為是水煮的所以味道較為清淡， 而煮的時間剛好豬手肉質嫩滑，加上在水煮的情況下豬肉的味道更香更滑。不過另外配上三個醬料，芥茉醬， 茄汁和香草醬，一次可品嚐三款口味，非常過癮

今日一班人聚會，就揀左Beerliner。當然唔少得叫最出名既豬手啦，好彩今日多人可以叫多啲野食試下。豬手好脆，肉都夠淋唔會好韌。除左豬手又點少得德國腸呢，不過我覺得稍為鹹咗少少，都正常既通常啲德國腸都係咁。仲叫咗個拼盤，多人share你爭下我爭下幾正。最鍾意係佢個麵包，點埋佢個醬食真係好好食！個隻德國結包一咬麥香味出曬黎，最估唔到係外脆內軟，唔會好似平時食果啲好乾既。餐廳環境都唔錯，係有氣氛果種，都做到好似德國既啤酒屋咁。咁岩隔離都係佢地集團既sky bar，我地都叫左幾杯啤酒飲。但如果你想要好靜果種環境就唔係你杯茶啦～呢到岩曬一班人去chill下

星期五出旺角食飯..真係到到都未必等到位。搵啊搵，最終搵到黎朗豪坊呢間德國餐廳，一去到岩岩好有位～位於朗豪坊頂層，天花板有藍天白雲既投影，環境一流，又唔會話好嘈，都接受到。環境同氣氛都絕對係適合吹水既地方。不過..可惜食物就比較一般💦呢個拼盤係我地叫既食物入面最好食既。拼盤可以每樣野都試下，每樣食物既味道都唔差，最值得提及既係個炸雞，夠脆，肉質都好滑，好味。黎到德國餐廳，點可以唔叫豬手。不過可能我地唔慣口味，覺得隻豬手偏咸，一般般，無咩特別驚喜。呢個意粉就真係...啲意粉汁好‘杰’，杰到好似..放左好耐凍晒啲意粉痴埋一舊咁。同埋佢有陣香料味，我唔太喜歡。最後因爲慶祝生日叫左碟甜品，餐廳有幫我地點埋蠟燭。個蛋糕就...蛋糕囉😂 仲想點？🤭

今晚我們去咗旺角朗豪坊嘅「Berliner German Bar and Restaurant」食晚飯！我們叫咗水煮德國豬手配煙肉腸，酸椰菜及薯仔粉糰、煙三文魚水瓜柳脆薄餅、特色拼盤同秘製烤法國春鷄！水煮德國豬手配煙肉腸，酸椰菜及薯仔粉糰嘅豬皮相當煙韌同爽滑彈牙，骨膠原好豐富，肉質非常鮮嫩鬆軟，用水煮嘅方法，更加食到豬手嘅原汁原味！煙三文魚水瓜柳脆薄餅嘅餅底極之脆身同薄身，餡料嘅份量相當多，嫩滑嘅煙三文魚加埋香甜嘅洋蔥同火箭菜一齊食，真係幾好味！特色拼盤嘅脆皮腸有超多汁，一咬落去就噴晒出嚟，腸皮好脆身，炸蝦嘅肉質相當爽甜彈牙，薄餅焗得好香脆，入面夾住豬手餡一齊食，真係好惹味！秘製烤法國春鷄嘅賣相都幾精緻，外皮烤得好金黃香脆，肉質相當鬆軟嫩滑！

一行6人食飯，叫左個pizza, 拼盤同德國腸拼盤每碟都大大份, 食到個個都叫滯...哈哈!拼盤不太抵食, 味道唔差, 勝在樣樣都可以試D~三文魚pizza好味, 唔會太咸, 每人細細塊唔會太飽!最鐘意佢夠薄身, 出面食既pizza感覺食麵粉多D~德國腸拼盤係必叫之選, 唔好睇佢好似唔夠飽咁~其實佢D腸係超有份量, 我地就係因為碟腸食到飽!!!呢個德國腸拼盤又係樣樣都有, 最岩一班朋友一齊食!!!不過就覺得咸左少少, 而且D酸菜唔係個個接受到~呢間餐廳食過幾次, 不過我會去返其他分店期間有人食煙都無職員阻止, 同埋人手唔夠, 落單D食物催左幾次都要成個鐘先到!