渝味曉宇重慶老火鍋 (QRE Plaza) (已結業)

終於來到灣仔店，這邊感覺店裡空間比較大。先來稻田毛肚（$108），輕煮十秒就可以，非常的爽口。另外鮮黃喉（$108）及牛心椗（$59）口感類似但黃喉薄及脆一點，也很好吃。鮮活海蟶（$78）至今仍只能在少數餐廳找到，有口感又好吃。現炸豆皮（$59）非常吸收湯的精華，而特色迷你燕餃要了半份$32，小小的一顆顆也很好吃。健康地點了皇帝菜（$32）及乾貢菜（$32），前者新鮮後者則非常爽脆份量又多！真的是我很喜歡的麻辣火鍋店呢！

渝味係蕃薯妹為食簿入面排行第一嘅麻辣火鍋店，每次想食麻辣火鍋就會諗起佢。佢哋細心嘅配套同埋食品都相當高質素。今次蕃薯妹帶朋友嚟食嘅分店係灣仔店😋灣仔店內裝修同其他分店一樣，環境舒適，座位寬敞。依家抗疫時期，去食火鍋會有專人即場幫忙用滾水洗乾淨啲碗筷👍🏻高溫殺菌大家食得安心啲。渝味嘅抵讚配套係有即棄圍裙俾食客使用，唔怕整污糟啲衫；另外就係餐牌上每一種食品旁邊都有建議嘅煮食時間，提醒食客每樣食物烚幾多分鐘食得👍🏻👍🏻同埋每樣食物都可以叫一份或半份，咁就唔怕人少少嚟食每樣嘢都好大碟食唔曬😋響我哋落緊order嘅同時，店員奉上一碗冰糖燉雪耳糖水，俾大家滋潤吓喉嚨迎接刺激嘅麻辣火鍋😋今次我哋點左鴛鴦鍋，一邊叫咗普通辣大紅鍋，另一邊叫咗大骨滋補鍋。我覺得普通辣啱啱好，少麻少辣。如果食得辣嘅朋友不妨選擇重慶辣大紅鍋，蕃薯妹仲未有咁嘅勇氣試😂🍠蕃薯妹必點推介💁🏻‍♀️：美國安格斯優質肥牛 $216肥瘦適中，肉質細嫩夠淋，安格斯牛味濃，每次必食😍美國優質肥牛粒（半份）$76呢度嘅肥牛粒唔會好似出邊咁烚完變硬身，口感好好夠牛味。鴨血（半份）$42麻辣火鍋必食鴨血，Perfect match！珊瑚蚌（半份）$

係灣仔返工想約個朋友食飯靜靜地傾下計坐得耐啲既選擇真係唔多。QRE plaza 成棟都係食肆，之前搭𨋢經過過六樓見到佢好大，今日就黎試下。lunch 12:30黎到都唔使等位，二人坐四人位，唔錯！咁岩見佢午市仲有八折！雖然佢唔算低價邊爐，但係物有所值，得閒舒舒服服食個lunch都好開心！見到湯底餐牌個九宮格麻辣大紅鍋都驚，但真係見到其他食客食緊，佢地好犀利 😱 每個湯底都可揀普通辣或者重慶辣，但我地兩個其實都唔係好食得辣，所以叫左個蕃茄湯走辣。湯底本身有金菇同蕃茄，好濃蕃茄味，食到最後都冇淡到。佢有隻香油本人十分推介，香油本身係麻油味，加蒜加蔥好香。係餐紙上每種食材隔離都有煮既時間，俾食客睇返幾耐先熟，好貼心。特別推介：墨魚滑，佢唔係好多墨魚肉係入面可咬到墨魚粒，但好重墨魚味珊瑚珍珠蚌：性價比超高。白色既珍珠蚌好爽口同鮮味，珊瑚蚌就比較大舊，有咬口。黑豚腩肉：腩肉好肥好正，但因為切得薄都唔使淥好耐，唔會浸晒D油出黎。脂肪好香，入口即溶。功夫萵荀片：真係好考功夫，切得非常薄。平時出去打邊爐一舊舊都要住一陣先熟，但呢個係30秒搞掂，食落仲keep到爽口。燕餃：都幾特別，真係好細粒，但勝在快