大勝軒丸一 (金星閣) (已結業)

特製拉麵 special ramen (👅7/10)叉燒整得不俗 食落口感好淋身同軟熟 加上脂肪比例分佈尚算均勻 肥膩感覺唔重 (咁橋本人個碗切得好🤣👍🏻)溏心蛋亦醃得夠入味 而且食得出係日本雞蛋🥚食落入口係滑溜到布甸咁🤤🍮 拉麵份量200g (可選250g) 睇落唔算多 敗筆係麵冇得簡硬度 粗/幼麵 麵身係同沾麵一樣比較硬同煙韌 浸耐左都係唔軟🧐食完會好飽(*價錢偏貴🤔但特製拉麵係咁多款入面最抵食 有一隻溏心蛋 2片紫菜 4片叉燒 同叉燒拉麵只係差3蚊😹 但多隻蛋同紫菜 而其他拉麵得1片叉燒同紫菜而且冇蛋)叉燒拉麵 bbq pork ramen $95辛拉麵 Spicy ramen $73

今日約左朋友傾偈，但放工去到太古都8點半，周圍望過d野食都唔太吸引，再行下就去左大勝軒喇！一向都鐘意食粗身d既拉麵沾麵，貪佢有口感。入到去會有唔夠十張餐枱，另一邊有吧枱可以睇住廚師煮麵。我地坐左係普通餐枱，枱面有教埋你食沾麵既步驟。睇完餐牌就可以自己剔野食，每人一張。我揀左特製沾麵，貪佢有3舊叉燒。朋友就唔太喜歡沾麵，所以就揀左特製拉麵。以香港人既口味黎講，d湯的確係偏鹹左d, 要係咁飲水，叉燒就略嫌肥左d。但d麵既軟硬到就岩岩好！如果d沾麵湯可以再熱d就好喇！因為呢區都無乜得揀，太古另一邊都仲有一間拉麵店，但就覺得大勝軒比果間好味！整體黎講，如果唔怕重口味，呢間都值得一試！同埋食完會好飽😅因為增量都係免費既！好掛住日本既味道呀！