CRAZYPIE

营业中

休息中

行街經過，見裝修企理，便入內參觀。各款撻外觀也幾吸引。作為一名抹茶控，當然忍不住手要一試。曲奇口感的撻，食落幾脆。但最喜出望外的是竟然一點也不覺得甜，可以細嘗抹茶味🍵。頂層口感似朱古力，比較硬；包住麻糬的就軟一點。四重口感，由硬至軟，非常特別。製餅師傅在設計時，一定花了不少心思。如果有流心效果，一定會更加完美。一件撻也有獨立包裝盒，建議在常溫下個半鐘內食用。由於疫情關係，店內不再提供企位進食區。只好盡快找個地方享用了它。

今日經過觀塘，諗起之前喺社交平台見過嘅呢間甜品店，就去左買返屋企畀一家人試下。由於係貪心的人類，所以見到啲名同配搭咁得意就一次過買左四款試試，分別係伯爵茶麻糬撻 ($33)、鐵觀音巧克力脆脆撻 ($33)、玄米抹茶麻糬撻 ($33)　同埋芝士奶蓋oreo麻糬撻 ($30)。個人好欣賞佢將d茶配搭去巧克力同麻糬到，好有新意，而且茶味仍然難得地保留到同埋夾，對我呢啲飲茶愛好者黎講好好。而且一般食呢啲tart都難免會有膩的感覺，但加入茶入去真係中和到，可以食多幾件都得，哈哈。私心推薦鐵觀音巧克力脆脆撻同玄米抹茶麻糬撻，有機會再試下其他，佢仲有不少期間限定款！好吸引！

最近食唔少同事散水餅升職餅，食左幾次crazy pie 😎。雖然公司影相就無咁美觀，主要都係包膠下常駐款😝。🔅鐵觀音巧克力脆脆撻 ($33)幾濃鐵觀音味，加埋層可可粉好正。最頂係成舊生朱古力，比較甜，不過中間有層脆脆就有口感啲，中和到少少朱古力味。不過怕甜就唔建議試呢款。🔅Earl Grey伯爵茶麻糬撻 ($33)呢個就比較普通，earl grey同中間餡係cream同芝士，兩樣我都唔食😂。🔅阿華田吉士麻糬撻 ($30)朱古力控必食呢個！有我最鐘意既阿華田同麻糬💛，加埋面頭既脆脆真係好正，有麻糬就平衡到甜味。另外切開左就睇到層次分明，好有心機整幾層layer。(隻撻滴晒汗係我擺太耐，一送黎唔係咁架😂)🔅玄米抹茶麻糬撻 ($33)玄米味比較淡，比抹茶味搶晒😝。抹茶味幾香濃，但就無乜抹茶特有既苦澀回甘味，但加埋麻糬真係無得輸😂。💬撻皮keep到好脆，又夠晒大隻(8.5cm)，多味道揀。平均$30蚊鬆啲一隻，買得多會有折又會送大冰袋，又可以獨立包裝/2/6/12件一盒，仲要無設最少每款買幾多件，用黎做散水餅真係一流😎。

-{觀塘甜品撻🍰}crazypie勁出名🤓今次就食左兩款味😌🤤芝士奶蓋oreo麻糬撻🤤 ($30)芝士奶蓋再有啲oreo碎喺面 夾住有嚿蛋糕同芝士奶蓋醬好夾😚中間係oreo mousse再有層mochi勁多層口感😋撻皮亦夠脆帶啲牛油香😛👖褲評: 7.8/10🤤玄米抹茶麻糬撻🤤 ($33)玄米茶較淡同苦澀味冇咁重 但兩樣茶味都好濃🤓不過抹茶味冇乜回甘👀同埋兩層mousse可能會漏啲😲👖褲評: 7.5/10會鐘意Oreo多啲🤪店舖訂散水餅或者原個個都好方便~想試原個😎性價比: 7.8/10服務: 8/10環境: nil🚩CRAZYPIE🚩地址: 觀塘開源道60號駱駝漆大廈3座8樓U室

\\由以前捕住佢出團喺黨鐵站交收，到宜家只可以親臨門市幫襯，都冇阻擋到我對佢嘅熱情🙈，每月月尾捕住佢出post期待佢嘅每月新款😆，月事咁每月只少去一次✌🏻·玄米抹茶麻糬撻 $33推薦指數：★ ★ ★ ☆ ☆之前食過～茶控嘅我再幫襯🕺🏻，撻皮冇退步，依然保持水準，香脆具牛油香😛。以麻糬、抹茶忌廉、抹茶生朱古力🍫，玄米茶慕絲製成。玄米茶味幽香，配以夾層嘅抹茶醬帶出回甘，麻糬煙靭豐富咗整體口感。·日本焙茶布朗尼撻 $33推薦指數：★ ★ ★ ☆ ☆用上靜岡焙茶粉，内餡同樣係抹茶生朱古力，茶味苦澀帶回甘，質感濕潤唔乾，口感紥實·肉鬆焗芋泥芝士撻 $30推薦指數：★ ★ ★ ☆ ☆可能雪耐咗個撻同個餡開始有小小分離，但唔影響口感；出奇地肉鬆mix芝士做凍撻幾夾，肉鬆鹹鹹地，同時間又唔會搶走芝士味·❣️用現金付款，每2件可減$6🤑..我在Crazypie食過嘅撻款小小排名🕺🏻🥇黃豆粉蕨餅抹茶紅豆白玉撻🍵🥈Nutella Mascarpone Cheese Tart🌰🥈Tiramisu Tart(原味) 💭有私心，本身好愛🥉抹茶布朗尼🍵🎖雙層乳酪芝士撻🎖鐵觀音朱古力脆脆撻🍫·.📍CRAZYPIE (觀

ig follow 咗呢間好耐，但最近先扚起心肝嚟食雖然有得walk-in買，但數量較少，提早幾日book就最安全，畀現金仲可以每2件減$6添為咗環保，我就自備咗食物盒去裝，反正都係自己食，唔使浪費多個紙盒左：鐵觀音巧克力脆脆撻，$33右：玄米抹茶麻糬撻，$33玄米抹茶麻糬撻真係好好食😭簡直係我人生食過最好食嘅抹茶撻！一路都好鍾意抹茶，呢間茶味唔係濃，但係同啲奶味混和得天衣無縫，係我最鍾意嗰種抹茶味😍一路食啲抹茶醬一路流，一路不停感嘆真係好好食🤤其實係攤凍半個鐘先可以食，但我太心急🤣啲麻糬未軟就開始食撻皮加咗白朱古力，令到層皮唔會太易淋，擺咗幾個鐘仲係好似啱啱出爐咁脆！不過自己食完一隻，真係有啲膩😂飲咗幾杯茶先頂得順，第二朝早餐都唔使食鐵觀音巧克力脆脆撻就一般般，第一啖咬落去朱古力味幾香濃，但茶味真係唔濃，甚至我食到一半先醒起佢係鐵觀音嚟，我仲以為係芝蔴😂但可能因為我擺咗一日先食，所以變咗唔太好食，見到面啲朱古力脆脆都已經淋咗啲，但係撻皮仲保持到好脆！呢個抵讚！總結係買返嚟記得要及早食🤣