梅丘壽司の美登利総本店 (雅蘭中心) (已結業)

尋日同家姐係旺角做完運動後打算食壽司🍣即刻諗起呢間美登利之前去日本旅行都已經食過但係香港開幕後一直未試過因為聽講要排隊好耐先可以食到我同家姐打算行去雅蘭望下如果冇人排隊先食當時大概下午2點左右結果竟然唔使排隊😳好開心唔洗排隊就可以試到呢間日本過江龍壽司店望落個餐牌同日本果個幾相似同樣係有壽司set選擇同家姐決定叫一個極上吞拿魚盛合再散叫一啲想食既壽司🍣極上吞拿魚盛合$265既價錢可以試到赤身、中拖羅、大拖羅同碎蔥吞拿魚蓉係好抵既不過我食到一件中拖羅有根家姐話佢食唔到但咁既價錢可以接受🍣玉子呢件玉子大過舊飯既壽司主角係玉子黎到香港份量依然驚人兩個人share 岩岩好唔會好實心甜度適中香濃蛋味🍣帶子🍣油甘魚🍣池魚🍣象拔蚌已經唔記得咗😂其他壽司都正常發揮不過不失總結最後兩個人埋單$464呢個價錢同質素可以一食再食

等到頸都長，終於食到日本過江龍CP值超高嘅美登利！佢哋呢啲壽司出名上大下細，啱晒我呢啲鍾意食刺身嘅人😆！就等我嚟一個最強綜合REVIEW！🤩極上吞拿魚盛合：有齊吞拿魚赤身、極上吞拿魚腩、香蔥吞拿魚腩。雖然有少少根，但入口即溶，好耐冇試過成口油嘅感覺，好似上咗天堂咁👼🏻加州卷、挪威卷、炸蝦卷：CP值極高嘅三寶。三者善用咗菜、炸物、同魚生，創造出飽肚好味賣相超靚既卷物😼，同平時嘅壽司店比有過之而無不及嘅創意～個人最愛炸蝦卷🍤，好鬼正👍🏻玉子壽司：超大大大片！係平時食嘅三倍份量！🤩甜！厚身！啖啖都係蛋！已ENCORE🥚🤤火炙芝士系列：海老同三文魚又係好鬼長。海老較乾身；三文魚多油。芝士味濃到掩蓋原本嘅鮮味，整體好好食，我哋叫咗兩ROUND🧀🤪蟹肉蟹膏沙律：成隻小雲屎咁，好醜，但意外地好鬼好食（擺咗舊正屎入口😆）蟹香味不得了，最有驚喜反而係呢個😎總括嚟講，呢個價錢係超級超值！！當你平時一個海鮮丼到200幾蚊嘅時候，我寧願食多啲高質壽司！超級推介！！！👍🏻👍🏻👍🏻-極上吞拿魚盛合 | $265加州卷 | $70挪威卷 | $70炸蝦卷 | $70玉子壽司 | $10（件）火炙海老芝士 | $14

近來好多日本過江龍都係香港開店, pancake, 鰻魚飯等等, 好多黎到香港開店水準都唔及日本。記得係日本我食過澀谷既 迴轉壽司 活 美登利，感覺一般，有D壽司好食, 有D壽司難食，最記得食過D海膽係腥臭架，一分錢一分貨，我明既。所以當美登利黎到香港，我唔敢抱太大期望，正因為咁，有驚喜wor~叫左個「極上吞拿魚盛合」，有唔同部位既吞拿魚，赤身、吞拿魚蓉壽司、個人覺得最好食係呢舊中拖羅，入口啖啖油脂香，成個口都係油，好好味。另外散叫左玉子壽司，玉子厚身大塊，不會過甜有蛋香!比目魚壽司好新鮮!海鰻青瓜卷壽司: 中間有青瓜同玉子，海鰻在上，淋上鰻魚汁，整個配搭不錯!火炙三文魚: 魚味有D淡，但油份多，食落ok啦另外，值得一讚既係其他細節位都做得好。生薑好薄，酸酸甜甜好開胃，平時唔食生薑既我都忍唔住口食多幾塊，可以清一清油膩感!Wasabi唔會成樽放係檯上，要叫waiter拎，因為佢唔係平時食開個種，而係真係磨出黎，有渣個隻Wasabi。綠茶用綠茶粉沖，飲落好香唔會苦。雖然都唔係平，但整體都算滿意~