影片
更多
2010-07-28
119 浏览
上個星期師傅相約左幾位好友一同飯局, 好友食神當然唔少得啦, 而另外兩位分別係靚酒王同埋師奶老師! 講真是次飯局配搭甚為新鮮, 皆因師傅除左同好友食神經常有飯局外, 其他兩位都甚少, 印象中師傅就好多年冇同過師奶老師飯局喇, 另外亦從來冇同過靚酒王開飯, 所以是晚師傅亦甚為期待!師傅同師奶老師商量後, 得出黎個結論係要喺港島區, 何解要喺港島區? 咪就係要遷就師奶老師囉, 所以當晚飯局亦由師奶老師全權揸旗, 而地點經師奶老師細心揀選後, 就決定黎呢間食店! 師傅當然唔會反對啦, 皆因從來未黎過! 但為走寶, 師傅決定上黎呢度睇下各食家有咩推介, 以備不時之需!師傅同食神準時去到食店, 侍應安排入座後, 就再等下靚酒王同埋師奶老師; 幸好大家都好準時, 所以唔係等左好耐! 於是就睇下有咩好食, 經過一輪商議後, 就柯打左蟹肉玉子燒, 海膽玉子燒, 東洋卷, 溫泉玉子沙律, 燒牛舌, 燒牛肉蕃茄, 辣大蝦沙律同埋鮮帶子薄餅等! 由於是晚師傅冇咩準備, 所以食物名稱未能詳細例明, 不便之處, 還望大家見諒!由於師傅睇過下食評, 知道呢間食店有三樣係必食的, 就係玉子燒, 溫泉玉子同埋東洋卷,
師傅同師奶老師商量後, 得出黎個結論係要喺港島區, 何解要喺港島區? 咪就係要遷就師奶老師囉, 所以當晚飯局亦由師奶老師全權揸旗, 而地點經師奶老師細心揀選後, 就決定黎呢間食店! 師傅當然唔會反對啦, 皆因從來未黎過! 但為走寶, 師傅決定上黎呢度睇下各食家有咩推介, 以備不時之需!
師傅同食神準時去到食店, 侍應安排入座後, 就再等下靚酒王同埋師奶老師; 幸好大家都好準時, 所以唔係等左好耐! 於是就睇下有咩好食, 經過一輪商議後, 就柯打左蟹肉玉子燒, 海膽玉子燒, 東洋卷, 溫泉玉子沙律, 燒牛舌, 燒牛肉蕃茄, 辣大蝦沙律同埋鮮帶子薄餅等! 由於是晚師傅冇咩準備, 所以食物名稱未能詳細例明, 不便之處, 還望大家見諒!
由於師傅睇過下食評, 知道呢間食店有三樣係必食的, 就係玉子燒, 溫泉玉子同埋東洋卷, 就等師傅先講下玉子燒啦; 玉子燒分別柯打左兩款, 亦分左兩次落單, 第一次係蟹肉玉子燒, 而第二次係海膽玉子燒, 好明顯加得單一定唔少野啦! 玉子燒師傅都係第一次食, 有少少似大鄉里出城, 不過一入口發覺玉子燒十分嫩滑鬆軟, 蛋味亦夠香, 而且蛋裡有湯汁亦甚為鮮甜, 蘿白蓉亦十分清新, 感覺真的不錯, 可惜師傅覺得蟹肉略嫌鞋口, 而師奶老師亦話有蟹殼添, 有殼呢個位真係要扣分, 不過整體而言蟹肉玉子燒都算可以; 至於海膽玉子燒最明顯優勝嘅地方係入口唔鞋, 仲唔腥又冇殼, 加上海膽都幾甜, 所以個人黎講師傅鍾意海膽玉子燒多過蟹肉玉子燒喇!
之後又試下另一名菜東洋卷, 東洋卷到底係咩黎呢? 東洋卷賣相極似壽司, 偏偏外層唔係用紫菜包住, 而係用一塊類似pancake皮包實, 餡料就有牛油果, 飛魚子同鰻魚, 當一入口師傅發覺東洋卷味道唔太濃, 而牛油果亦不算太乾身, 飛魚子就勁脆卜卜, 口感非常之正, 加上鰻魚十分肥美, 冇碎骨兼唔腥, 配合埋外面軟棉棉嘅pancake皮, 嗰種口感同質感真係難以用筆墨形容, 絕對係非常之正, 令師傅一試難忘! 師傅覺得呢個東洋卷係一食, 再食, 三食嘅必食之選!
溫泉玉子沙律感覺就好普通, 絕對感覺唔到點樣特別, 但勝在蔬菜新鮮, 都可以啦; 燒牛舌就係燒得唔錯, 牛舌爽口而且肉質鮮味多汁, 入口異常之香, 真係唔錯; 至於燒牛肉蕃茄亦係一道令人驚喜嘅串燒, 用薄牛肉包住細細粒嘅車厘茄再去燒, 牛肉燒完後唔韌而且亦十分香, 最令師傅驚喜係車厘茄, 車厘茄除了冇變形外, 內裡依然鮮甜多汁, 配埋牛肉一齊食, 真係好味過鮮茄牛肉呀; 呢串燒牛舌同燒牛肉蕃茄絕對係必食之選; 至於辣大蝦沙律同埋鮮帶子薄餅就好一般水準, 辣大蝦沙律嘅蝦真係幾大隻, 肉身新鮮爽口但完全唔辣, 而食神同師奶老師都話個沙律沙辣, 但對於師傅咁鍾意食辣的, 絕對唔入流; 而鮮帶子薄餅師傅就覺得冇咩好講, 普通啦!
總括黎講食物質素尚算不俗, 環境就十分舒服, 服務態度非常友善, 但價錢唔算太便宜, 埋單每位兩舊水, 講真食物份量唔算多, 而且亦唔算柯打得太多, 所以抵食情度一般啦! 是晚飯局真係感覺以聚舊為主, 所以食咩其實唔係睇得咁重要, 師傅在此亦要讚下師奶老師嘅安排, 令師傅食左餐幾好嘅晚餐, 所以笑臉絕對值得一比! 而一門三傑師傅已試兩傑, 如果仲有下次必試埋溫泉玉子, 不過再黎嘅可能性還是隨緣吧!
张贴
