影片
更多
2010-07-28
122 浏览
上个星期师傅相约左几位好友一同饭局, 好友食神当然唔少得啦, 而另外两位分别系靓酒王同埋师奶老师! 讲真是次饭局配搭甚为新鲜, 皆因师傅除左同好友食神经常有饭局外, 其他两位都甚少, 印象中师傅就好多年冇同过师奶老师饭局喇, 另外亦从来冇同过靓酒王开饭, 所以是晚师傅亦甚为期待!师傅同师奶老师商量后, 得出黎个结论系要喺港岛区, 何解要喺港岛区? 咪就系要迁就师奶老师啰, 所以当晚饭局亦由师奶老师全权揸旗, 而地点经师奶老师细心拣选后, 就决定黎呢间食店! 师傅当然唔会反对啦, 皆因从来未黎过! 但为走宝, 师傅决定上黎呢度睇下各食家有咩推介, 以备不时之需!师傅同食神准时去到食店, 侍应安排入座后, 就再等下靓酒王同埋师奶老师; 幸好大家都好准时, 所以唔系等左好耐! 于是就睇下有咩好食, 经过一轮商议后, 就柯打左蟹肉玉子烧, 海胆玉子烧, 东洋卷, 温泉玉子沙律, 烧牛舌, 烧牛肉蕃茄, 辣大虾沙律同埋鲜带子薄饼等! 由于是晚师傅冇咩准备, 所以食物名称未能详细例明, 不便之处, 还望大家见谅!由于师傅睇过下食评, 知道呢间食店有三样系必食的, 就系玉子烧, 温泉玉子同埋东洋卷,
师傅同师奶老师商量后, 得出黎个结论系要喺港岛区, 何解要喺港岛区? 咪就系要迁就师奶老师啰, 所以当晚饭局亦由师奶老师全权揸旗, 而地点经师奶老师细心拣选后, 就决定黎呢间食店! 师傅当然唔会反对啦, 皆因从来未黎过! 但为走宝, 师傅决定上黎呢度睇下各食家有咩推介, 以备不时之需!
师傅同食神准时去到食店, 侍应安排入座后, 就再等下靓酒王同埋师奶老师; 幸好大家都好准时, 所以唔系等左好耐! 于是就睇下有咩好食, 经过一轮商议后, 就柯打左蟹肉玉子烧, 海胆玉子烧, 东洋卷, 温泉玉子沙律, 烧牛舌, 烧牛肉蕃茄, 辣大虾沙律同埋鲜带子薄饼等! 由于是晚师傅冇咩准备, 所以食物名称未能详细例明, 不便之处, 还望大家见谅!
由于师傅睇过下食评, 知道呢间食店有三样系必食的, 就系玉子烧, 温泉玉子同埋东洋卷, 就等师傅先讲下玉子烧啦; 玉子烧分别柯打左两款, 亦分左两次落单, 第一次系蟹肉玉子烧, 而第二次系海胆玉子烧, 好明显加得单一定唔少野啦! 玉子烧师傅都系第一次食, 有少少似大乡里出城, 不过一入口发觉玉子烧十分嫩滑松软, 蛋味亦够香, 而且蛋里有汤汁亦甚为鲜甜, 萝白蓉亦十分清新, 感觉真的不错, 可惜师傅觉得蟹肉略嫌鞋口, 而师奶老师亦话有蟹壳添, 有壳呢个位真系要扣分, 不过整体而言蟹肉玉子烧都算可以; 至于海胆玉子烧最明显优胜嘅地方系入口唔鞋, 仲唔腥又冇壳, 加上海胆都几甜, 所以个人黎讲师傅钟意海胆玉子烧多过蟹肉玉子烧喇!
之后又试下另一名菜东洋卷, 东洋卷到底系咩黎呢? 东洋卷卖相极似寿司, 偏偏外层唔系用紫菜包住, 而系用一块类似pancake皮包实, 馅料就有牛油果, 飞鱼子同鳗鱼, 当一入口师傅发觉东洋卷味道唔太浓, 而牛油果亦不算太干身, 飞鱼子就劲脆卜卜, 口感非常之正, 加上鳗鱼十分肥美, 冇碎骨兼唔腥, 配合埋外面软棉棉嘅pancake皮, 𠮶种口感同质感真系难以用笔墨形容, 绝对系非常之正, 令师傅一试难忘! 师傅觉得呢个东洋卷系一食, 再食, 三食嘅必食之选!
温泉玉子沙律感觉就好普通, 绝对感觉唔到点样特别, 但胜在蔬菜新鲜, 都可以啦; 烧牛舌就系烧得唔错, 牛舌爽口而且肉质鲜味多汁, 入口异常之香, 真系唔错; 至于烧牛肉蕃茄亦系一道令人惊喜嘅串烧, 用薄牛肉包住细细粒嘅车厘茄再去烧, 牛肉烧完后唔韧而且亦十分香, 最令师傅惊喜系车厘茄, 车厘茄除了冇变形外, 内里依然鲜甜多汁, 配埋牛肉一齐食, 真系好味过鲜茄牛肉呀; 呢串烧牛舌同烧牛肉蕃茄绝对系必食之选; 至于辣大虾沙律同埋鲜带子薄饼就好一般水准, 辣大虾沙律嘅虾真系几大只, 肉身新鲜爽口但完全唔辣, 而食神同师奶老师都话个沙律沙辣, 但对于师傅咁钟意食辣的, 绝对唔入流; 而鲜带子薄饼师傅就觉得冇咩好讲, 普通啦!
总括黎讲食物质素尚算不俗, 环境就十分舒服, 服务态度非常友善, 但价钱唔算太便宜, 埋单每位两旧水, 讲真食物份量唔算多, 而且亦唔算柯打得太多, 所以抵食情度一般啦! 是晚饭局真系感觉以聚旧为主, 所以食咩其实唔系睇得咁重要, 师傅在此亦要赞下师奶老师嘅安排, 令师傅食左餐几好嘅晚餐, 所以笑脸绝对值得一比! 而一门三杰师傅已试两杰, 如果仲有下次必试埋温泉玉子, 不过再黎嘅可能性还是随缘吧!
张贴
