Lady Nara

营业中

休息中

位於海港城呢間餐廳以粉色為主題，環境有少女心及闊落，部分位置仲可以望到海景(不過一定要預先book呀)😂，餐廳分為食西餐或泰國菜，今次同朋友試西餐，好快就有位。整體食完覺得食物質素都幾普通，勝在環境靚👀🔸蟹肉長通粉 (HK$158)蟹肉份量適中，醬汁都夠味，不過長通粉口感偏硬😶🔸紙包泰式鱸魚 (HK$168)上枱後打開張紙就見到鱸魚，上面有肉碎、菇、薯仔係面🐟食落都多汁， 有泰式風味，不過有幾啖就覺得有啲魚腥味😂🔸特色脆雞拼盤 (HK$138)小食就叫做呢個炸雞拼盤，分別有松露脆雞翼、黃金爆谷雞、燒烤雞搥🍗仲配埋個粉色嘅蛋黃醬，炸雞味道唔算超濃郁，不過不失🔸玫瑰泰式奶茶 (HK$48)打卡飲品之中揀左呢杯，上面有層厚厚嘅cream，飲落玫瑰味好突出，反而唔係好飲到奶茶味呀呢🌹

蟹肉長通粉 $158呢個係必試✨ 一黎到已經好香 長通粉既硬度剛好 加埋鮮甜既蟹肉同充滿蟹味既醬汁就更加出色😆 最正既食法係叉住通粉既邊邊 然後sip啲醬係通粉既中間 呢個食法鮮味十足 值得一試😚評分: 9.5/10🌟紙包泰式鱸魚 $168紙包鱸魚大概要等30分鐘 一黎到打開個紙見到好多汁既鱸魚、肉碎、草菇、薯仔🥔 淨係配料都好豐富 而鱸魚肉質較厚實 唔會有腥咩 而且加埋個sauce好有泰式風味 整體都算特別🤣評分: 8/10🌟冬蔭煙肉忌廉意粉 $118本身好期待呢款 黎到個賣相都ok既 但食落冬蔭既香味唔太出 感覺似食緊好creamy同有啲辣既意粉 同想像上既味道有出入🥺 整體不過不失 冇乜特別之處😂評分: 7/10🌟芒果乳酪特飲 $68呢杯賣相幾靚 飲落都重乳酪味 反而要攪一攪先飲到芒果味🥭 成杯唔會太杰身 冇咁膩 唯一係甜度較高 冇咁甜會更加好飲😋評分: 8.5/10🌟玫瑰泰式奶茶 $48呢杯又係用黎打卡的📸 飲落有淡淡既玫瑰香 但奶茶味就偏淡 同埋飲之前要攪一攪 唔攪會好淡味 整體一般😮‍💨評分: 7/10🌟朱古力曲奇雪糕三文治 $68呢個三文治打卡一流 但食就真係一般般🥲 首

以前去曼谷旅行，我都會一日食4-5餐，因為有好多間裝修美美的cafe，打卡靚景，嘢食吸睛，可惜依家無得去泰國啦，好彩我搵到呢間，來自曼谷，以粉紅色主題的泰式 X 西式fusion餐廳。裡面裝修美美的粉木主調，真係好少女系❤️軟殼蟹和牛漢堡配薯條 (HK$198)．炸軟殼蟹，大隻，多肉，炸得香脆酥軟，不過味道比較鹹一點．自家製的和牛漢堡扒，厚實，多肉汁．配合冬蔭功蛋黃醬、酸甜雞醬、車打芝士等，味道豐富呀～．薯條，厚切，多肉，炸得乾身不油膩．不知是否我食得太美味，吸引隔離枱的食客問我覺得好唔好味，之後佢自己也點了一份食😂玫瑰泰式奶茶 (跟午餐 +HK$28)．白色茶杯上，鋪滿白色一層奶泡，玫瑰乾花碎為點綴．底下是粉紅色的奶茶，玫瑰味的香濃泰式奶茶，偏甜的，這樣才是泰式奶茶呀番茄忌廉湯 (跟午餐送的)．creamy口感，香濃番茄味道．好多麵包脆脆呀～

一般過江龍餐廳在港開分店都令人大打折扣，我沒有試過泰國店，在沒有比較之下，覺得ok喎！平日午市套餐及散點餐牌竟然延伸到假日，實在抵！份量足，質素高，環境佳，泰式西餐crossover由前菜食到甜品都非常滿足。「龍蝦冬蔭意粉」是招牌菜之一，龍蝦肉雖少，但意粉完美搭配香濃而不辣的醬汁，謹記要趁熱食！「香煎豬扒」是典型西餐，賣相吸睛。「泰式奶茶意大利芝士餅」打卡必備食品，應該改名為髒髒tiramisu 杯，帶有淡淡的奶茶香，千萬不要一個人獨食，飽死。不過我還是比較喜歡傳統意大利帶酒味的版本。「玫瑰泰式奶茶」，粉紅賣相充滿少女味，奶茶味偏少，會越飲越淡。記得提前電話訂座，walkin應該有排等。

限聚令2人, 你有心去打咭, Book枱是常識吧,新店開張加上場內座位好少,打咭位佔大多數既,所以唔book檯就勸你別浪費時間等😏,book位時recep詢問我想book邊一面Nara, 我覺得奇怪,明明打去Lady Nara電話book位會咁問我，好彩recep好細心解釋我既疑惑，我同朋友仲安排近窗的位置，超開心。。。估唔到跟餐既玫瑰泰式奶茶有驚喜，唔太甜，茶味濃，我鐘意雖然新開張好像人手不太夠，但D員工都好有活力，keep住呀。。。。下次一定再黎

Nara Thai 嘅特色分店，本身都中意係泰國食Nara泰菜，而家又冇得去旅行，咁去試吓，頂住癮先啦！心知哩間係熱門新開餐廳，都驚會冇位，見佢開門時間係11:30，所以我都12點前去到，但勢估唔到，去到已經滿座，唯有㩒飛等下啦。其實佢就舖位一個，但分左兩個style嘅，一間就係傳統泰菜 Nara Thai cuisine, 另一間就係新式西餐 Lady Nara，所以攞飛時你要考慮係想食咩style，因為你揀咗邊間就只可以食嗰間style嘅菜式。不過好多人都會兩邊飛攞晒，我都係我見我張飛都係排第三，咁一場黎到，就當然試新嘢啦，我仲好好人咁張另外張飛俾左人，但好快我就後悔喇，大概等左15分鐘，聽到有人查詢，原來佢要reservation 嘅客人遲到或者cancel，佢先會開始叫號，咁即係如果啲booking 準時到齊，咁就唔知要等到何年何月，或者要祈求啲人食快啲，提早離座，咁就會有機會快啲入座，嗰刻我聽到簡直呆左，早知就唔放棄張飛俾人啦⋯⋯但都順帶講下，個receptionist 感覺係極唔耐煩，你問佢野，講完一次，如果再問，佢就會好似唔多願意答你，成間餐廳最唔好service係得佢一