肉搏食堂 (已結業)

今日來厚福街搵食，見到新開左一間慢煮牛肉丼飯，令我諗翻起喺日本食的red rock 牛排丼，即刻入去試吓。除咗慢煮牛肉丼，餐牌仲有好多其他款式，包括豚肉和雞肉併海膽和鵝肝等等配搭，仲有魚生飯，刺身和小食等等 特飲餐牌好吸引😍，套餐可以加錢轉配💜紫薯鮮奶：顏色嘅層次做得好靚，賣相好吸引，飲落唔會太甜，有奶香亦都有絲絲的紫薯💜🌹玫瑰荔枝梳打酸酸甜甜好開胃，裏面有啲玫瑰花瓣，帶有少少玫瑰香味，賣相亦都好吸引🌸香煎頂級牛肉丼：牛味香濃，我朋友叫咗全熟所以有啲老，不過都煎得幾香，配埋啲甜味嘅燒汁好夾慢煮頂級牛肉盛丼：呢個係200 G嘅份量，牛肉嘅份量都幾多不過就比唔上我喺日本食嗰間，慢煮牛肉肉質嫩滑，撈埋蛋汁同忌廉好creamy，不過如果可以多啲醬汁同忌就更好店舖空間同座位有限，建議大家想食就可以book位先

[ #caloriefoodie尖沙咀 ]• 肉 搏 食 堂 •🐿尖沙咀厚福街又有新開日式餐廳啦!!主打唔同款式既丼飯 牛雞豚肉都有 仲有刺身丼鐘意試新餐廳既卡里 當然要試試啦👻-🥩慢煮頂級牛肉盛丼150g 💰$88牛肉有兩款重量揀 分別係150g同200g 價錢相差💰$20因為小鳥胃怕食唔哂 所以揀咗個細既即使只有150g 牛肉既份量都好多 大約有9-10塊每塊牛肉都係粉紅色 粉粉嫩嫩 肉質都好淋同嫩滑有隻流心蛋 蛋汁溝埋牛肉一齊食 味道更滿足仲有酸忌廉調一調味 酸酸甜甜 令牛味更濃郁-🍣海膽牡丹蝦雜錦刺身丼 💰$148一共有7款刺身 除咗海膽同牡丹蝦之外仲有三文魚、油甘魚、呑拿魚、帆立貝同魚子海膽雖然稱唔上鮮甜 但至少冇腥味 口感creamy其他刺身質素都中規中矩 覺得油甘魚最正!中間仲會有隻流心蛋 撈埋啲飯一齊食就唔dry-🌹玫瑰荔枝梳打 💰$58粉紅色系打卡飲品 仲有埋碎花做裝飾重荔枝味加淡淡既玫瑰味 幾清新-🍪朱古力曲奇沙冰 💰$58另一款打卡飲品 用特別既杯裝滿 加埋邪惡既cream味道似朱古力奶 沙冰口感綿密-📍尖沙咀厚福街2A號地舖-#caloriefoodie

依間位於厚福街既餐廳主打日式丼飯，提供多款肉類及魚生丼，仲有小食及飲品～以白色為主調，設計簡約，環境唔算大，但有幾張較大既雲石高枱好啱打卡～❀ 角切魚生丼 🐟好豐富既丼飯😍 有三文魚、吞拿魚、油甘魚、牛油果及蟹子，上面仲有隻生雞蛋，賣相好吸睛✨ 魚生幾新鮮，蟹子份量又多，口感好豐富，配埋蛋汁令味道更香滑～❀ 香煎頂級牛肉配海膽丼 🐮一片片粉嫩既牛肉鋪滿係飯上，面頭仲有海膽，好足料✨ 食落牛味濃郁，煎得香口，幾有口感。海膽夠creamy而且唔會腥，配埋燒肉汁撈飯食唔錯，如果多點醬汁會更加惹味❀ 日本雞軟骨棒餃子 🥟有四件餃子，外皮煎得香脆，會食到粒粒雞軟骨，好有口感😋 旁體仲有椰菜絲配胡麻醬，清新爽口❀ 玫瑰荔枝梳打 🌹依間既飲品真係好啱打卡📸 紅色漸層色加上乾花裝飾，杯面上仲有一支荔枝串串，好靚💕 飲落有香濃荔枝味，亦有玫瑰花香，啖啖都食到荔枝肉，酸酸甜甜，清爽解膩❀ 紫薯鮮奶 🍠賣相都好吸引😍 紫薯味突出，仲有食到紫薯粒粒，配埋牛奶味道好夾，唔會太甜膩👍🏻