Nonsense

今日又去咗為於公司附近的 "飯堂" 食Lunch ，原先只諗住食個午餐，點知驚喜地被邀請試食。呢個 "玫瑰開心果竹炭卷蛋" 老闆話未有得買住嫁，想我呢個熟客仔試下先 (偷笑咗 ^^)我呢D梗係馬上上嚟寫番個食評先喇~我第一啖食嘅時候，果陣玫瑰香令我醒一醒，香而不俗。第二啖就食到綠色嘅開心果味，果仁味亦鮮明出眾！黑色嘅竹炭蛋糕雖然喺味道上無特別但佢清啖嘅調味做咗中和嘅作用，口感亦恰當地鬆軟。加上上碟時你會見到擺盤係用心嘅，佢側邊係有兩小堆士多啤梨味嘅cream + 鮮藍莓同士多啤梨，呢D配搭帶出一D酸味，從而中和咗甜品嘅甜。好好嘅平衡~都唔可以一味只讚佢好味吸引，我都有俾返D好個人水味嘅意見嘅！玫瑰同開心果一齊做主角係有D嘥咗，畢竟兩種口味都比較搶味蕾嘅注意，有爭做主角嘅感覺... 放埋一齊一次過品嚐係有D貪心嘅！建議咗老闆可將佢地分番開，各自配搭返另一種相對地較輕嘅cream 如 Vanilla 味，成件事應該會Light D 同Balance DD。同埋對我嚟誁有少少太甜，個人觀感^^ 不過我相信有好多朋友仔係鍾意食呢種甜度嘅甜品嘅~整體而言，係唔錯嘅選擇，有驚喜！