LIFETASTIC (希慎廣場)

营业中

休息中

LIFETASTIC 📍銅鑼灣軒尼詩道500號希慎廣場3樓326及330-331號舖💁🏻‍♀️平時經過呢間餐廳，成日都👀眼金金望住佢啲眼蛋糕🍰！今次路過本身都只係想食蛋糕，但由於都已經到晚飯時間⏰，所以直接入去食埋個晚餐🍝！發現原來佢嘅主食都有驚喜！✴️招牌明太子蟹肉帶子三文魚籽扁意粉 $198主食之中相信係必點Item ! 佢個醬汁混入咗明太子，又有三文魚籽，味道好豐富，而且有種咸香，after taste 都好濃。意粉係做得非常剛剛好，Al dente!✴️卡邦尼意大利粉 $108醬汁內有大量煙肉，所以都好香！✴️班蘭芒果紫米蛋糕 $68如果鐘意食蛋糕，而又order咗主食的話，記得要以優惠價半價去番個蛋糕食下！真心覺得好抵！呢個蛋糕班蘭味好香，而且食到下層竟然有紫米！泰式風味濃，我自己就覺得整得幾好食！

平時買開liftastic都係買開蛋糕,估唔到佢地宜家有埋熟食 ! ! 款式都幾多又吸引,有驚喜烤日本豚肉菠蘿串豚肉用上烤香豬腩肉中間夾住烤菠蘿然後串起豚肉同菠蘿串起組成4層豚肉同菠蘿都充滿肉汁豚肉入口香軟而且充滿豚脂香配搭酸酸甜甜又充滿水份嘅菠蘿平衡返豚肉嘅油膩感鹹蛋黃雞肉雜菌扁意粉意外發現lifetastic竟然有鹹蛋黃意粉! 雖然間唔中都見到有餐廳提供鹹蛋黃意粉,但整體唔算多所以見到lifetastic有都幾驚喜忌廉汁充滿鹹蛋黃碎鹹蛋黃濃郁得黎又唔會好膩忌廉汁香滑得黎又食到鹹蛋黃沙沙嘅口感班蘭芒果紫米蛋糕充滿濃厚東南亞風味嘅蛋糕整個配搭都好適合夏天芒果好甜! 完全無酸味配上班蘭cream及班蘭蛋糕蛋糕鬆軟濕潤蛋糕味道更清香又唔會太甜底下煙煙韌韌嘅紫米令蛋糕口感更豐富荔枝西瓜蛋糕由lifetastic第一間店食到宜家最Classic嘅西瓜無麩質蛋糕!食左咁多年都係咁鍾意西瓜好爽又清甜配埋甜荔枝就更加香甜