十二鍋 (已結業)

疫情之後好似成年無打過邊爐🥲又驚多人share又驚氣化乜乜乜😂今次去咗食個一人火鍋，疫情下自己一煲都係一個唔錯嘅選擇🧐🧐連調味品都好有心思，店舖有提供建議嘅份量，食客可以參考吓，然後調佢出自己喜歡嘅醬料😏🥛美肌鍋(牛乳鍋)($122)一見到呢個白雪雪嘅鍋，就覺得好似台灣嘅牛乳鍋，好懷念一定要試😍配料有花膠吸晒啲味好正🤤湯底既味道唔會話太濃食到好口渴，絕對係養身之選☺️🥘 台式沙茶牛肉鍋($115)台灣嘅沙茶湯底打邊爐不嬲都係冇得輸，濃郁嘅湯底淥出嚟嘅牛肉，片片都好入味，好正🤤蜂巢豆腐等等嘅材料，愈淥愈入味，吸晒啲沙茶湯底，超級邪惡🙈🙈🙈仲有令人懷念嘅台式麵線，放到最後先食，淥到軟林林，好有蚵仔麵線嘅感覺🤤🩸麻辣鴨血 ($33)叫嗰時以為係火鍋配料，一上枱先發現原來係小食，鴨血好滑好入味，有麻辣味道得來，又唔算太辣，啱晒我呢啲唔食得辣，但係又鍾意食鴨血嘅人士☺️我試過放埋佢落個邊爐度淥，都好好味😋推介😍👍🏼👍🏼🥩 現切封門柳 ($98)薄切嘅封門柳卷到好靚咁上枱，好吸睛，肉同脂肪嘅分佈好平均🤤食落唔會太肥，仲一啲都唔韌😋😋好欣賞小店一人一煲呢個idea😍湯底嘅選擇又好多，男朋友好鍾意啲重口味

🇭🇰十二鍋🍲一人台式火鍋十二鍋位於佐敦商埸入邊 算方便就腳位置唔算好多 晚市都幾爆滿一共有12種鍋🍲可以揀 配飯🍚/韓國粉絲/ +紅茶/綠茶🍵可以加錢轉烏冬/滷肉飯 或者台式特飲🧋款式都好多仲有台式小食可以食😳一鍋大大份 性價比高火種換左幾次 晚市好忙 店員都nice無唔耐煩🥰🍲台式沙茶牛肉鍋(💰$122)首先配料非常之多 好豐富😮有牛肉 米血糕 多種丸 芝士腸 娃娃菜蜂巢豆腐 金菇 台灣麵線等等等等不能盡錄仲可加錢轉左跟烏冬 烏冬熱上湯底沙茶味幾濃 牛肉都嫩身冇筋唔韌蜂巢豆腐吸曬沙茶湯底味😍丸類多款都係爆漿型 食落唔會悶👌🏻👌🏻除左烏冬 本身鍋都跟埋台灣麵線 超飽肚滿滿🤰🏻-🍲壽喜燒 期間限定(💰$129)佢地第12隻味就係期間限定今次就係壽喜燒 配料同份量都好足👍🏻不過壽喜燒湯底味道就冇沙茶湯咁濃🤏🏻🤏🏻🐃現切封門柳(💰$98)牛既份量比想像中多厚切 肥瘦適中 嫩身冇筋-🍡雜錦丸拼盤(💰$42/6pcs)自選3種丸 今次揀左特級花枝丸 爆汁牛筋丸 胡椒豬肚丸-🐥鹽酥雞(💰$42)鹽酥雞好大份有成8件每件大大舊 過下口癮還好 整體黎講一人鍋幾足料 衛生抵食叫埋牛肉已經好夠飽

我一年四季都岩打邊爐, 最近佐敦新開咗一間「十二鍋」, 主打台式一人一鍋, 仲有好多款唔同湯底, 就算自己一個食都唔會厭呀!我就最中意藥膳湯底, 火鍋份量都幾多, 仲有隱藏款既期間限定, 要問店員先知, 我去果時就係牛肉壽喜燒鍋,套餐除咗火鍋, 仲有白飯/粉絲, 或加$7 升級做滷肉飯/烏冬, 連飲品紅/綠茶, 或加$7揀$28或以下飲品, 都算抵食!🔹 酒香藥膳雞鍋套餐 ($115)藥膳味好重, 湯底真係可以係咁飲, 入口仲有陣陣既黃酒香, 有鮮淮山, 蟲草花, 米血糕等配料, 雞肉片都幾嫰滑!🔸 養生藥膳羊肉鍋 套餐 ($115)一樣係藥膳鍋, 羊肉薄片幾嫩滑又唔重臊味,仲有冬瓜, 鴨血, 胡椒豬肚丸等配料, 驅寒一流, 岩晒成日手腳冰冷既我!🔹 現切封門柳 ($98)追加咗封門柳, 封門柳係牛既橫膈膜, 一隻牛都只得一條封門柳, 佢地係薄切, 牛肉味清甜, 紋路幼細, 油花幾靚同腍滑, 不過性價比唔算高

佐 敦 新 晉 抵 食 台 式 一 人 小 火 鍋 🇹🇼 叫得十二鍋就當然係有1️⃣2️⃣款火鍋俾你揀啦 無論你係想食台式沙茶牛肉鍋 定係韓式泡菜豚肉部隊鍋 或者係日式牛乳美肌鍋 十二鍋都幫到你~幫到你~😌 E+新店開張仲有❗8折優惠❗㗎🤗🌟台式沙茶牛肉鍋 $102沙茶牛肉鍋入面有牛肉片, 米血糕, 爆汁牛筋丸, 福州魚丸, 蟹籽丸, 芝士腸, 娃娃菜, 蜂巢豆腐, 炸枝竹, 鳴門卷, 香菇, 金針菇, 同埋台灣麵線 真係超級多料!!! $102已經包埋滷肉飯同大大杯茉香奶綠 好抵食呀🤩🤩🤩🌟美肌鍋(牛奶鍋) $88美肌鍋同樣多料 有雞肉片, 花膠, 鮮淮山, 蟲草花, 特級花枝丸, 福州魚丸, 娃娃菜, 蜂巢豆腐, 炸枝竹, 鳴門卷, 香菇, 金針菇, 同埋韓式粉絲😙牛奶湯底甜甜地好易入口 仲要有花膠同蟲草花 完全係為女士而設🥳🌟現切封門柳 $98牛肉肉質好滑 肥瘦適中 完全唔會有筋 一個人ko一碟完全冇問題!🐄🌟雜錦丸拼盤 $42丸拼盤可以自選3種丸 今次就叫咗特級花枝丸, 爆汁牛筋丸, 同埋海鰻丸🐟🌟豬腩片 $42相比封門柳 豬腩片就冇咁特別 但肉片油脂充足 鍾意食豬嘅朋友都可以一試呀🐷

十二鍋 @12pots.jd📍 佐敦彌敦道219號莊士倫敦廣場地下4&5號舖.台式火鍋越嚟越紅😚 一人一鍋，可以揀自己想要嘅湯底同配料😋 (小編好鍾意配烏冬❤️) 試業限定仲有免費油炸鬼送😙 佢哋嘅油炸鬼特別香脆，唔會淋左👍🏼.💆🏻‍♀️ 美肌鍋 $95: 有花膠、松草花、鮮淮山等，而且湯底係用牛乳，非常creamy☺️ 啱曬貪靚嘅女仔🤍 入面有好多雞肉片，夠曬滋補!! 依個鍋真係好抵食，女仔一定鍾意😚.🍲 胡椒豚骨濃湯鍋 $88: 有豬肉片、胡椒豬肚丸、花枝丸、冬瓜😋 胡椒豬肚丸好特別，胡椒味好重而且夠彈口😙 娃娃菜同冬瓜都吸收晒濃味嘅胡椒豚骨湯，送飯一流☺️.🥩 現切封門柳 $98: 肉質好鮮嫩，而且牛味夠重👍🏼🍫 可可奶雪 $35: 可可味沙冰夠香濃 ，味道似朱古力奶😍.☕️ 泡沫紅茶 $24