愛文生

营业中

休息中

久違既大排檔愛文生，撞啱食環掃場，所有放室外既嘢都要放返室內。見到有位，但唔知乜水又叫我地攞飛，最後坐入面。而家大排檔唔洗睇餐牌同叫人落order，一個QR code睇餐牌落單，炒蟶子賣哂，叫咗椒鹽炸鮮魷（$138），唔夠脆，琵琶豆腐（$98），一般，紅炆班腩煲（$98），等得耐，一般，蒜蓉炒通菜（$78），好食😋，有鑊氣，白粥（$13），正👍🏻，同自家製竹䉀茅根（$15），清甜。坐室內冷氣位，孫新抱胡小姐收錢，可以😌電子支付，經理🧑‍💼阿叔認得我，臨尾大厨🧑‍🍳強哥都有同我bye bye 👋

黎過呢度兩次，每次都要等位。夏天室外太熱，如果等得太耐實在辛苦。原來愛文生用The Gulu 排隊系統，只要下載呢個程式，就可以預早排隊😃雖然眼見座位都多，但都要等約20分鐘。如果無一早攞飛，應該等半小時吧！環境 ：大排檔不要要求太高😅如果座室外比較差，室內有冷氣比較好價錢 ：比一般大排檔來說偏底，CP值不錯食物質素：媲美酒樓水準👍很有鑊氣服務質素 ： 速度快，以大排檔黎講服務可以了招牌黃金虎蝦 ： 好味，如果有睇我另一篇介紹觀塘大排檔黃金蝦，要成3百幾。愛文生只係差唔多2百，不過呢度細份d ,但4人食係夠食嘅。愛文生唔只平，仲好味好多。蛋黃味比較濃。不過比我上次食，就無咗濃厚。希望只係廚師今次一時手輕左啦！腐乳通菜 ：好夠味黑椒薯仔牛肉粒 ：真係要必食！薯仔煮得淋，牛肉咁好彈，好香，無筋。椒鹽九肚魚 ：炸粉唔多，似即叫即做，唔係番炸，好惹味琵琶豆腐 ： 真係好味，好滑，彈牙，我覺得係酒樓水準