嘉樂冰廳 (新村街)

营业中

休息中

這冰室我估應該都有30多年以上吧！因為係兒時(大約中小學年代)已經存在。我自己記憶中係食過1次嘅，不過印象就好模糊，而其他好友們就話從來都未食過喎。點解我地突然會講起呢間冰室，就係因為在fb內有個post，話懷舊冰室營業多年但快將結束，當好友們聽到都好想懷緬一下兒時冰室的味道。剛巧好友們與我都係星期一請了假，所以我們相約一齊排隊試食吧！可能就係大家都聽到快將結業，所以有好多人都慕名而來排隊試食，我地大約等左45分鐘，但由於冰室環境較細，而且全部都是4人格位，所以我地要分開2張4人枱前後坐。好友們都各自點選自己想試嘅美食……炒蛋配多士，巨型咸牛肉蛋治，脆炸雲吞，瑞士汁雞翼，咖哩撈麵，阿華田脆脆，凍檸賓。食物放在枱面上滿滿的，見到都開心。懷舊味道其實就因人而異，但我地真心覺得啲食物係好好味喎，無一樣食物係我地唔like嘅。希望大家可以食番兒時嘅感覺啦！

位於荃灣街市荃新天地附近的冰室店內全部都是卡座，裝修較懷舊！而且這間冰室不設取籌 需要在店內排隊輪候不過人龍依然好長二人就要坐卡座既一邊 所以個個食完都好快走 輪候的時間不算太長嘢飲真係好特別分別係由阿華田同好立克打成奶昔消暑一流阿華田個面仲有可可碎飲品介紹就到小食瑞士雞翼 啲雞翼都算滑 味道好好兩個人每人有三隻不過個醬料我覺得唔使點之後帶咗個鹹牛蛋治普通到不得了 有少少後悔冇叫到奄列炸蝦雲吞一啖一粒幾好味 可以揀混合 唔一定要全碟都係炸蝦荃灣其實都有好多冰室，有機會會再黎示範無叫既奄列

女朋友兒時常來嘅地方，今次第一次同埋佢啲朋友嚟，感覺到呢度好有人情味。雖然係門口等咗一陣，但好快排到我哋，伙記同老闆女都好熱情，落單時有講有笑咁，感覺唔錯。食物方面，最出名嘅火腿奄列果然唔係浪得虛名，好足料而又好滑，火腿嘅厚度好有口感，啖啖肉咁滯，值得一試。另外叫咗幾道小食，瑞士雞翼亦都係女朋友推介，味道唔錯，唯一比較可惜就係雪藏雞翼，食落有啲黐骨，煮多一陣可能會好啲。我哋四個人不停叫最後埋單每人都係比50零蚊，實在係現今社會少見嘅抵食。