樓下冰室

营业中

休息中

喺荃灣試咗呢間冰室，店內裝修幾有香港以前嘅色彩，呢度出名蕃茄濃湯同瑞士雞脾/雞翼，所以我當然有叫黎試🌟蕃茄濃湯米線配牛乳炒蛋呢個湯麵原本係通粉，我就轉咗米線，而且有得揀1-3個餸，我揀咗鮮牛肉、特級墨魚丸、素食（鮮菌、時蔬、粟米粒、腐皮）個蕃茄湯底好濃郁，食到啖啖新鮮蕃茄肉，又冇味精，甜酸到調得好好，所以好飲到我最後飲哂炒蛋整得真係好滑，仲帶有微微嘅奶香，而啲配料質素都唔錯，鮮牛幾滑，墨魚丸幾彈牙兼有墨魚肉，鮮菌同腐皮好掛湯，非常適合做配料米線煮得煙韌，軟硬度適中，絕對唔輸蝕俾其他米線專門店🌟招牌胡椒豬肚滑雞泡飯朋友食呢個，份量超大，個湯奶白色，充滿雞同胡椒味，但唔會話好辣，仲有好多酸菜，所以個湯飲落幾開胃，而滑雞球幾有咬口，豬肚都幾爽口🌟瑞士雞翼（3隻）冇試到雞脾，因為雞翼比較方便share，瑞士汁甜到調得唔錯，食到啲香草同香料味，雞翼亦都醃得好入味🌟紅綠椰冰呢杯特飲有好多紅豆粒同綠豆蓉，椰汁好香，飲完好飽呢間冰室啲野食整體都唔錯，下次一定會再黎食蕃茄濃湯

到樓下冰室一定要吃它的茄通和瑞士雞系列，晚市一如既往的人流多，大約等了一陣子，荃薈這邊鋪位比較大，個人比較喜歡這邊。特色番茄濃湯通粉配牛乳炒蛋 - $50質地濃淍的蕃茄湯有一粒粒茄肉，充滿酸甜感非常開胃；細粒的通粉軟硬適中；牛乳炒蛋帶點濕潤感，好軟綿滑溜；13款可自選1款，當然選擇招牌瑞士雞脾，雞皮滷得深啡色好入味，甜度適中又有少少香料味，啖啖肉好嫩滑。吉列豬扒配厚切牛乳炒蛋治及票米什果沙律 - $53吉列豬扒炸得乾爽酥脆不油膩，入口鬆脆多汁；三文治裡面的厚切炒蛋夠香夠滑，大滿足；票米什果沙律拌勻沙律醬好清新可口。瑞士雞翼(3隻) - $38同樣滷得好入味，雞皮帶點亮澤，足足有三隻全翼。雞湯浸汁菇娃娃菜 - $38細嫩潤滑甘甜的娃娃菜大約有兩棵，份量比想像中多，雞湯好清甜。綠椰冰 +$11也頗多的去衣綠豆蓉，入口綿密帶甜，椰奶充滿椰香頗順滑。華田脆脆 +$11濃郁的華田味不在話下，鋪面的華田脆脆又脆又有點黏牙，頗特別。

近年興懷舊，冰室餐廳越開越多。今晚就來荃灣接朋友收工，順便去她公司附近的這間「樓下冰室」吃晚餐。冰室內盡是舊香港的設計，兒時回憶頓時湧上心頭。蕃茄控必點的茄湯通粉，茄湯稠身的質感，感覺下了大量蕃茄湯。味道酸甜，但未有想像中的濃郁。牛乳炒蛋香滑，蛋香奶香並重。點了豬潤作配餸，口感爽滑。圖片看到已十分吸引，原來實物也不弱。份量大碟，舖上了4小塊豬扒，再淋上鮮茄和芝士烤焗。豬扒預先醃製煎香，香口惹味。焗飯用了炒飯底，飯粒乾爽分明，又有蛋香味。配上鮮茄汁，酸酸甜甜很快就吃去大半盤。冰室必點瑞士雞翼，瑞士汁把雞翼醃成深啡色，入口甜甜的。雞翼肉質有點老，也許時間浸得有得長。非常健康的點了一碟娃娃菜，浸著雞湯的娃娃菜味道頗為清甜。特色飲品是冰室的招牌項目之一。今次點了紅綠椰冰：椰汁配上紅豆和綠豆蓉。入口是甜甜的椰香，紅豆又超大粒，全都是滿滿的童年回憶。