Häagen-Dazs

营业中

休息中

餐廳：Häagen-Dazs地點：銅鑼灣皇室堡菜式：雪糕甜品餐牌：餐牌standard，有幾款甜品，雪糕杯，套餐，飲品。 今日雪糕口味如下。而家出左夏天特飲，即刻試返杯。士多啤梨紅桑子馬卡龍雪糕凍飲 $69 另加一士多啤梨紅桑子馬卡龍雪糕係新口味，係士多啤梨雪糕拌入紅桑子軟心醬同粉紅馬卡龍，不過試過都係gimmick多，都無乜馬卡龍，唔點食到。杯野飲比想像中希，唔夠濃厚，味道主要係士多啤梨同紅桑子味，面頭有一片馬卡龍，係無餡同得一半，質素係可以，不過無原粒馬卡龍有d失望。仲有一粒新鮮士多啤梨同薄荷葉。基本上飲完都唔覺膩。瑰麗盒子 $149 另加一基本上次次黎我地都會叫呢款瑰麗盒子甜品，今次就一於試嗮三款新口味雪糕。三球雪糕我哋揀左士多啤梨紅桑子馬卡龍雪糕，柚子檸檬馬卡龍雪糕，雙重朱古力馬卡龍雪糕。柚子檸檬馬卡龍係柚子檸檬雪糕拌入柚子檸檬軟心醬同黃色馬卡龍，呢個雪糕底都幾好食，好清新，酸酸甜甜咁。雙重朱古力馬卡龍係朱古力雪糕拌入黑朱古力軟心醬同啡色馬卡龍，呢個馬卡龍就硬少少同大粒d，較易食到。朱古力雪糕當然好食。瑰麗盒子賣相超靚，啲水果色彩繽紛，有黃桃片，奇異果片，士多啤梨，藍莓，紅桑子

有2張Häagen-Dazs贈券就到期，知道銅鑼灣皇室堡既專門店特別大間，窗口位可以望到維園景色，仲有供應其他分店無既甜品款式，所以就專登同Hubby去試試👫🍦咁啱最近雪糕店聯乘迪士尼推出「Be My Guest」主題，周圍都有米奇、米妮同唐老鴨既佈置，特別有節日歡樂氣氛，可惜無我地至愛既三眼仔🏰🐭🦆堂食甜品揀左Treasure Box(瑰麗盒子)，即叫即整、酥脆香口既丹麥吐司裡面盛載3款自選雪糕：抹茶、咖啡、夏威夷果仁，再加上蜜桃、奇異果、藍莓、士多啤梨、紅桑子伴碟🍵☕🌰🍨🍑🥝🫐🍓😋甜品質素、環境同服務都唔錯，不過價錢偏貴，仲要收加一服務費，埋單盛惠$163，呢個價位其實大把其他平靚正甜品選擇😬

夜晚去左皇室堡哈根大師食雪糕，例牌叫左最鍾意嘅瑰麗盒子，今晚好快就有得食啦。瑰麗盒子 $149 另加一首先呢個瑰麗盒子賣相超靚，啲水果色彩繽紛，有黃桃片，奇異果片，士多啤梨，藍莓，覆盤子，雖然大部分都未融哂雪，唔係新鮮貨色，而且偏酸。丹麥吐司又香又脆，好似牛角包夠酥脆但係又有丹麥包甜甜哋嘅味道。送溶緊嘅雪糕一齊食好好味！除左個盒，另外仲有兩條丹麥吐司條更方便食用。打開個盒入面仲有丹麥吐司條，今次個盒入面加返啲水果，至少見到有藍莓。三球雪糕我哋揀左夏威夷果仁，士多啤梨同藍莓。夏威夷果仁係我哋至愛，有果仁碎咬下。士多啤梨同藍莓就係第二同第三最愛，有好多果肉，味道又天然加滑溜。可惜雪糕份量唔多夠送麵包食。Häaburger $69 另加一另外叫左兩個Häaburger。Häaburger每個用類似老麥中薯條盒入住，再用張牛油紙包住。個包唔大個，不過係暖暖哋同微脆，入面包住兩細pat雪糕。而家進化到可以揀兩款口味，可能有聽我之前意見。雪糕份量都夠餸包，唔錯唔錯，當然唔會有易拉架張相咁多。雪糕口味揀左紅絲絨芝士蛋糕配紅桑子朱古力蛋糕，同紅桑子雪菓配士多啤梨雪糕。紅絲絨芝士蛋糕同紅桑子朱古力蛋糕都

周六4點幾5點去食甜品，去咗Häagen-Dazs食雪糕，等咗兩張枱，大概20分鐘左右，入面滿座。甜品餐牌唔覺有變，餐牌有幾款甜品，雪糕杯，套餐，飲品。瑰麗盒子 $149 另加一最鍾意呢度既瑰麗盒子，價錢比之前加左9大元。首先呢個瑰麗盒子賣相超靚，啲水果色彩繽紛，有黃桃片，奇異果片，士多啤梨，藍莓，覆盤子，雖然有啲仲好似未融哂雪，唔係新鮮貨色。丹麥吐司比張相大好多，個吐司又香又脆，好似牛角包夠酥脆但係又有丹麥包甜甜哋嘅味道。送溶緊嘅雪糕一齊食好好味！除左個盒，另外仲有幾條丹麥吐司條更方便食用。打開個盒入面仲有丹麥吐司條，不過無左之前有既藍莓同覆盤子。今次有新口味雪糕，一於叫兩款試試。三球雪糕我哋揀左西瓜士多啤梨，蜂蜜黃桃玫瑰雪糕同夏威夷果仁。夏威夷果仁係我哋至愛。西瓜士多啤梨都幾好味，士多啤梨味中帶d西瓜味，好特別。蜂蜜黃桃玫瑰雪糕較甜，蜜糖味重，中間帶d黃桃醬，更加甜。今次雪糕份量唔多夠送麵包食。

甜品胃發作，好想食雪糕，去左皇室堡嗰間Häagen-Dazs，好耐冇黎啦。星期六下午五六點黎到有好多位。反而好多人買外賣，因為做緊外賣優惠。甜品餐牌唔覺有變，甜品款有好幾款選擇。融情時刻 $150 另加一好耐之前試過呢款融情時刻，記憶中係好正，今次再encore先！融情時刻其實係有三款心太軟，包括紫薯心太軟，綠茶心太軟同朱古力心太軟。Size同三個雪糕球差唔多大，上面灑上少少糖霜，加上朱古力醬，一粒士多啤梨，少少忌廉同印左Häagen-Dazs個名嘅細細塊朱古力牌點綴，賣相幾靚。首先三個心太軟都整得好好，外皮厚度適中而入面流心醬勁多。個人最鍾意紫薯心太軟，平時好少食，流心醬香濃滑溜而甜度最低，配雪糕好好。綠茶心太軟都好食，上面配左少少紅豆蓉。朱古力心太軟則配左一塊香脆窩夫餅。可以任揀三球雪糕，我哋揀左夏威夷果仁，士多啤梨芝士餅，同新口味菠蘿椰香雪糕。夏威夷果仁係我嘅至愛，香滑雲呢拿雪糕底配脆口果仁碎，餐廳仲加左好多碎果仁係傍邊，正！士多啤梨芝士餅有粒粒芝士餅咬，口感豐富。新口味菠蘿椰香雪糕梛香好好。略嫌每個雪糕球下面加左忌廉，太膩啦。鍾意心太軟同雪糕冷熱交融嘅人士必試呢款融情時刻。瑰麗